कलस्‍सी 1:22 - Sunuwar Bible

²² मुल येसु ख्रीस्‍तमी आ रां साइक्‍चा गेशा, इन कली परमप्रभु यावे आ मुर दुम्‍पाइक्‍तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्‍शा, आ ङोंइती राप्‍पाइक्‍तु। एफिसी ५:२७

कलस्‍सी 1:22 ပူးပေါင်းရင်းမြစ်များ

२ सामुएल 22:24

मेको आ ङोंइ‍ती गो दोस मताइ‍ब बाक्‍ती। गो मरिम्‍शो पतीक रे ङोन बाक्‍ती।

अय्‍युब 15:15

परमप्रभुम आंम आ मुर आन कली थमा मसुइक्‍ब। मिनु स्‍वर्गम बाक्‍ब यो मेको आ ङोंइती दोस ताइब बाक्‍नीम। अय्‍युब ४:१८; अय्‍युब २५:५

अय्‍युब 25:5

मेको आ ङोंइती तास्‍लाम ठीक पा छेङछेङ मगेब। सोरुल आन छेङछेङ मगारचा ङा बाक्‍नीम। अय्‍युब १५:१५

भजन संग्रह 51:7

गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८

लूका 1:75

आ मुर दुम्‍शा, ब्रोंइका सम्‍म ठीक गेय पा बाक्‍ने चाप्‍यल’ दे परमप्रभु यावे आ लोव़ पाइबमी देंमा बाक्‍त। तीतस २:१२-१४

रोमी 7:4

आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।

२ कोरिन्‍थी 11:2

इन कली मिम्‍शा, गो परमप्रभु यावेमी रुश पशो खोदेंशो दुम्‍ती। मारदे हना रिम्‍शो ग्‍युम्‍ली ग्‍युंबे पा गेशो खोदेंशो पा, इन कली ख्रीस्‍त कली गेतन्‍नी। एफिसी ५:२६-२७

२ कोरिन्‍थी 4:14

मार लोव़ थमा सुइश्‍शा, नेंपाइक्‍नीकी देंशा हना “प्रभु येसु कली बेक्‍शो रे सेंबमी आंइ कली यो येसु नु सेंब” दे लोव़ बाक्‍ब। मिनु मेकोमी गे, गो नेल्‍ल इं कली आ ङोंइती बाक्‍चा गेब। १कोरिन्‍थी ६:१४

२ कोरिन्‍थी 5:18

मेको नेल्‍ल परमप्रभु यावेम पशो बाक्‍ब। परमप्रभु यावेमी आंइ कली ख्रीस्‍त रे पा आं नु गारपाइक्‍तु। मिनु आंइ कली मेको गारपाइक्‍तीक गेय पपाइक्‍तु। रोमी ५:१०

एफिसी 1:4

मोपतीके रागी सेल्‍चा क्‍येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्‍शा, दोस मताइब नु दाक्‍ब दुम्‍यल, दे योव़तु। रोमी ८:२८-३०; एफिसी ५:२७

एफिसी 5:27

मोदेंशो पा थमा सुइश्‍शा, छेङछेङ पाइश्‍शो मुरपुकी आंम कली वोइश्‍शो बाक्‍त। मेकोपुकी मारेइ मलुम्‍सीशो, मरोम्‍सीशो, थम दारशो नु परमप्रभु यावे आ मुर दुम्‍शा, दोस मताइब मुरपुकी बाक्‍नीमी। २कोरिन्‍थी ११:२; कलस्‍सी १:२२

कलस्‍सी 1:28

गोपुकीमी येसु ख्रीस्‍त सु बाक्‍बा, मार पाइबा, दे शेंनीकी। मुर नेल्‍ल आन कली “होस पा बाक्‍कीन” दे यो शेंनीकी। मोपा गोपुकीमी मुर आन कली का का पा ख्रीस्‍त कली थमा पा तुइक्‍ब सेल्‍शा, परमप्रभु यावे आ ङोंइती राप्‍पाइक्‍चा दाक्‍नीकी।

१ थिस्‍सलोनिकी 4:7

परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्‍चा कली योव़तु।

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

हिब्रू 10:10

मिनु गोपुकी येसु ख्रीस्‍त आ रां चढ़ेशोमी गेना हना यो परमप्रभु यावे आ मुर दुम्‍तय” दे रुब्‍य। यूहन्‍ना १७:१९

हिब्रू 10:20

मारदे हना आ रां चढ़ेशा, फारशो वा खाक्‍शा, नक ब्रोंइतीक लां सेल्‍तु। हिब्रू ९:८

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८

यहूदा 1:24

येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। १थिस्‍सलोनिकी ५:२३