कलस्‍सी 1:2 - Sunuwar Bible

² गो कलस्‍से सहर ङा परमप्रभु यावे कली थमा सुइक्‍ब नु ख्रीस्‍तमी बाक्‍शो लोक्‍ब इन कली चिठी ब्रेक्‍ताक्‍ङ। इं आफ परमप्रभु यावेमी इन कली शिशी पा थुं नाइक्‍चा गेवल।

कलस्‍सी 1:2 ပူးပေါင်းရင်းမြစ်များ

भजन संग्रह 16:3

रागीम बाक्‍ब इन योव़शो मुर, थमा पा ठेयब मुर बाक्‍नीम। गो मेको मुर आन कली तशा ग्‍येरसीनुङ।

प्रेरित 9:13

मिनु हनानीयामी “आमाइ, प्रभु, गो शुश मुर आन शोव़ रे मेको मुर आ पर्बम शुश मरिम्‍शो लोव़ नेंता। मेकोमी यरूसलेममी बाक्‍ब थमा सुइक्‍ब आन कली शुश श्‍येत गेशा, खेदा पना पन बाक्‍ब देंशो नेंता।

रोमी 1:7

गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६

१ कोरिन्‍थी 1:2

गे कोरिन्‍थ सहर ङा ख्रीस्‍त येसुमी योव़चा पुंइसाक्‍नी। मोपतीके योव़शोपुकी दे ब्रेत्‍चा पुंइसीनीनी। गेपुकी ला ममाइ, ते ते इं प्रभु येसु ख्रीस्‍त आ नेंमी खुम्‍सीनीमी, मेक मेक ङा मुरपुकी यो इन खोदेंशो पा योव़शा, योव़शोपुकी दे ब्रेत्‍चा पुंइसीनीम। येसु ख्रीस्‍त आंइ प्रभु, इं प्रभु, थमा सुइक्‍ब नेल्‍ल आन प्रभु बाक्‍ब। मिनु आ नेंमी गो नेल्‍ल का दुम्‍तय। १कोरिन्‍थी ६:११; प्रेरित ९:१६; प्रेरित १८:१-१७

१ कोरिन्‍थी 4:17

मोपतीके गो प्रभु आ पशोमी, आ रिम्‍शो नु दाक्‍शो तौ तिमोथी इन बाक्‍तीके सोइक्‍ताक्‍ङ। मेकोमी गो ते ते मार मार लोव़ शेंदु, गो दोपा येसु ख्रीस्‍त आ लां खोदु, मेको नेल्‍ल इन कली शेंदल। प्रेरित १६:१-३

गलाती 1:3

इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल।

गलाती 3:9

मोपतीके सु सुमी अब्राहाममी थमा सुइश्‍शो खोदेंशो पा थमा सुदमे, मेकोपुकी अब्राहाम आ आसीक यो ताइनीम। रोमी ४:१६

एफिसी 1:1

गो पावल नङ। ख्रीस्‍त येसुम आं कली सोइक्‍ताक्‍यी। मेको परमप्रभु यावे आ दाक्‍शो बाक्‍त। मिनु गो एको चिठी एफिसस सहरम बाक्‍ब येसु ख्रीस्‍त कली थमा सुइक्‍ब, परमप्रभु यावे आ मुर इन कली ब्रेक्‍ताक्‍न्‍नी।

एफिसी 6:21

मिनु गो दोपा बाक्‍ङा, मार पङा मेको नेल्‍ल प्रभु आ रिम्‍शो गेय पाइब, इं दाक्‍शो थमा सुइक्‍ब लोक्‍ब तिखीकसमी इन कली देंब। प्रेरित २०:४; कलस्‍सी ४:७-८; २तिमोथी ४:१२; तीतस ३:१२

फिलिप्‍पी 1:1

पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३

१ पत्रुस 1:2

इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९

२ पत्रुस 1:2

परमप्रभु यावे नु प्रभु येसु कली तुइक्‍तीकेमी शिशी नु इन थुं नाइक्‍तीके बारना बारन लल।

यहूदा 1:2

परमप्रभु यावे आ दाक्‍तीके, थुं नाइक्‍तीके नु दाक्‍मुतीके गेपुकी नु शुश बाक्‍ल।

प्रकाश 1:4

गो यूहन्‍नामी एसीया ङा येसु ख्रीस्‍त कली थमा सुइक्‍ब ७ ओटा सहर ङा थमा सुइक्‍ब आन ग्रुम्‍तीके ङा शेंब आन कली चिठी ब्रेक्‍ताक्‍ङ। मिनु मुल बाक्‍ब, ङोंइती बाक्‍शो, नोले यो जाक्‍बमी नु परमप्रभु यावे आ ठेयब नित्‍तीके आ ङोंइती बाक्‍ब ७ ओटा ठाउं ङा परमप्रभु यावे आ सोक्‍तीमी इन कली “शिशी तशा नु थुं नाइश्‍शा बाक्‍चा तामेक्‍ल” देंताक्‍स। प्रस्‍थान ३:१४-१५; प्रकाश ३:१; प्रकाश ५:६