कलस्‍सी 1:18 - Sunuwar Bible

¹⁸ थमा सुइक्‍बपुकी रां का बाक्‍तेक्‍म हना, येसु ख्रीस्‍त मेको रां आ पिया बाक्‍ब। मेको नेल्‍ल आन क्‍येङा ङोंइती ङा दुम्‍शा, ङोंइती बेक्‍शो रे सेंसीब यो बाक्‍ब। मोपा नेल्‍ल आन क्‍येङा ठेयब बाक्‍ब। एफिसी १:२२; प्रेरित २६:२३; १कोरिन्‍थी १५:२०; प्रकाश १:५

कलस्‍सी 1:18 ပူးပေါင်းရင်းမြစ်များ

भजन संग्रह 89:27

गो मेको कली आं ङोंइती जरमेशो तौ सेल्‍नुङ। रागी ङा पिप नेल्‍ल आन पिप सेल्‍नुङ।

ठेयब कुम्सो 5:10

मिनु १० हजार आन दातेम यो आं दाक्‍शो मुर नेल्‍ल क्‍येङा दारशो नु आ कुल हाक्‍सीशो बाक्‍ब।

यसैया 52:13

कोव़ङीन, आं गेय पाइबम ग्राना ग्रान गाक्‍ब। मेको मान पा ठेयब सेल्‍चा पुंइसीशा, थम ठेयब दुम्‍ब।

मत्ती 23:8

गे इन कली सुइमी शेंब हजुर मदेंमल। मारदे हना इन कली शेंब का ला बाक्‍ब। गे नेल्‍ल वोबु ननी।

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

यूहन्‍ना 1:1

नेल्‍ल क्‍येङा ङोंइती लोव़ माइश्‍शो का बाक्‍त। मेको लोव़ माइश्‍शो परमप्रभु यावे नु बाक्‍शा, मेको नु उइक्‍थी बाक्‍त। यूहन्‍ना १७:५; उत्‍पत्ती १:१; १यूहन्‍ना १:१२; प्रकाश १९:१३

यूहन्‍ना 1:16

आ शिशी पतीक गो शुश शिशी तना तन बाक्‍तक। यूहन्‍ना ३:३४; कलस्‍सी १:१९

यूहन्‍ना 1:27

आं नोले जाक्‍शो बाक्‍त हना यो, गो मेको आ जुत्ता प्रुइक्‍चा यो मशिरनुङ” देंत।

प्रेरित 26:23

मेकोपुकीमी ‘ख्रीस्‍तम श्‍येत जचा माल्‍ब’ दे ब्रेक्‍शो बाक्‍शो बाक्‍तेक्‍म। मिनु बेक्‍शो रे सेंसीशा ब्रोंइशा बाक्‍ब। बेक्‍शो रे सेंचा पुंइसीबपुकीमी नेल्‍ल आन क्‍येङा ङोंइती मेको येसु ख्रीस्‍त बेक्‍शो रे सेंसाक्‍व। मिनु मोपा यहूदी नु अर्को रागी ङा मुर नेल्‍ल आन कली छेङछेङ दुम्‍शो खोदेंशो पा आन लां कोंइब दुम्‍त” दे पावलमी सांकछी गेशा शेंदीमी बाक्‍त। १कोरिन्‍थी १५:२०

रोमी 8:29

मारदे हना आ ङोंइती तुइश्‍शो मुर कली “आं तौ खोदेंशो दुम्‍मल” दे योव़तु। आ तौ मेको योव़शो लोक्‍ब आन क्‍येङा ङोंइती जरमेशो बाक्‍ब। कलस्‍सी १:१८; हिब्रू १:६

१ कोरिन्‍थी 11:3

वोंइश मुर नेल्‍ल आन पिया ख्रीस्‍त बाक्‍ब, मेको रुपीन। मीश मुर आन पिया मेको आन वोंइश बाक्‍ब। ख्रीस्‍त आ पिया परमप्रभु यावे बाक्‍ब दे रुपीन। उत्‍पत्ती ३:१६; एफिसी ५:२३; १कोरिन्‍थी ३:२३

१ कोरिन्‍थी 12:27

गे ख्रीस्‍त आ रां बाक्‍नीनी। मिनु का का पा मिक्‍ची, नोफा, शोव़, गुइ, खोइली नु मार मार बाक्‍नीनी। रोमी १२:५

१ कोरिन्‍थी 15:25

मारदे हना ख्रीस्‍तमी आ जोरी सत्रु आन कली आ खोइलीम मदिम्‍दा सम्‍म सासन पचा माल्‍ब। भजन संग्रह ११०:१; मत्ती २२:४४

एफिसी 1:10

मिनु मेको नेल्‍ल ठीक दुम्‍मेनु, परमप्रभु यावेमी ख्रीस्‍त कली रागीमी सोइक्‍ताक्‍व। मोपा रागी नु स्‍वर्गमी बाक्‍ब, इस्राएली नु अर्को रागी ङा मुर नेल्‍ल आन कली ख्रीस्‍तमी का सेल्‍तु। गलाती ४:४

एफिसी 5:23

मारदे हना वोंइश मुर मीश मुर आन पिया बाक्‍नीम। मिनु ख्रीस्‍त थमा सुइक्‍ब आन पिया बाक्‍ब। थमा सुइक्‍बपुकी ख्रीस्‍त आ रां बाक्‍नीम। मिनु येसु ख्रीस्‍त थमा सुइक्‍ब आन कली पाप रे प्रोंइब बाक्‍ब। १कोरिन्‍थी ११:३; एफिसी १:२२-२३

कलस्‍सी 1:24

मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१०

कलस्‍सी 2:19

मेकोपुकी पिया नु मबाक्‍शो बाक्‍नीम। मेको पियामी रां कली थुल्‍ना थुल्‍न बाक्‍मेनु, नाडी नु रुशेम बोइक्‍पाइश्‍शा, परमप्रभु यावेमी मेको रां कली कोल्‍पाइक्‍ब। एफिसी ४:१५-१६

१ यूहन्‍ना 1:1

नेल्‍ल क्‍येङा ङोंइती रे बाक्‍शो, सु बाक्‍त देंशा हना, ब्रोंइचा गेब लोव़ माइश्‍शो बाक्‍त। गोपुकीमी मेको आ लोव़ नेंतक। आंइ मिक्‍चीमी ताइतक। आंइ मिक्‍चीमी कोव़तक। आंइ गुइमी थीतक। यूहन्‍ना १:१; यूहन्‍ना १:१४; यूहन्‍ना १:४

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 1:8

परमप्रभु यावे मुल बाक्‍ब, ङोंइती यो बाक्‍शो बाक्‍त। मिनु नोले यो जाक्‍ब। नेल्‍ल सक्ति पाइश्‍शो परमप्रभु यावेमी “गो आल्‍फा नु ओमेगा नङ” देंत। आल्‍फा नु ओमेगा माइश्‍शो ग्रीक लोव़मी ङोंइती नु नोले ङा अच्‍छेर बाक्‍नीस। प्रकाश २१:६; यसैया ४१:४; प्रकाश ४:८

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

प्रकाश 21:6

मिनु मेकोमी लेंशा आं कली “गो आल्‍फा नु ओमेगा नङ। नेल्‍ल क्‍येङा ङोंइती नु नेल्‍ल क्‍येङा नोले ङा गो नङ। सु सुमी तूतू दाक्‍नीमी, मेको आन कली ब्रोंइचा गेब ब्‍वाक्‍कु बुक्‍तीक रे मोशा तूचा गेनुङ। प्रकाश १:८; प्रकाश २२:१३

प्रकाश 22:13

गो आल्‍फा नु ओमेगा नङ। नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। गोइब नु थुम्‍ब यो गो नङ। प्रकाश १:८; हिब्रू १३:८

प्रकाश 3:14

मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५