कलस्‍सी 1:15 - Sunuwar Bible

¹⁵ सुइमी तने मचाप्‍शो परमप्रभु यावे खोदेंशो येसु ख्रीस्‍त रागी सेल्‍चा ङोंइती रेन बाक्‍त। हिब्रू १:३; प्रकाश ३:१४

कलस्‍सी 1:15 ပူးပေါင်းရင်းမြစ်များ

भजन संग्रह 89:27

गो मेको कली आं ङोंइती जरमेशो तौ सेल्‍नुङ। रागी ङा पिप नेल्‍ल आन पिप सेल्‍नुङ।

प्रस्‍थान 24:10

मिनु मेकोपुकीमी इस्राएली आन परमप्रभु कली ताम्‍तेक्‍म। आ बाक्‍तीक बास साफीर माइश्‍शो हीरा खोदेंशो दिंम का बाक्‍शो बाक्‍त। मेको हाक्‍शो सरीङ खोदेंशो नीलो बाक्‍‍त। इजीकीएल १:२६

गन्‍ती 12:8

गो मेको नु कोव़मुशा लोव़ पाइनुङ। मिनु मेको नु रुप्‍चा ङा लोव़ पा ख्रुइश्‍शो लोव़ मपाइनुङ। मिनु मेको आं नेक्‍था जाक्‍ने चाप्‍ब। मारदे गे आं गेय पाइब मोसा आ पर्बम मरिम्‍शो लोव़ पचा काइ महिंसी?” देंत। प्रस्‍थान ३३:११; ब्‍यवस्‍था ३४:१०

यूहन्‍ना 1:1

नेल्‍ल क्‍येङा ङोंइती लोव़ माइश्‍शो का बाक्‍त। मेको लोव़ माइश्‍शो परमप्रभु यावे नु बाक्‍शा, मेको नु उइक्‍थी बाक्‍त। यूहन्‍ना १७:५; उत्‍पत्ती १:१; १यूहन्‍ना १:१२; प्रकाश १९:१३

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 14:9

मिनु येसुमी “गो नु शुश बाक्‍शा यो, गे आं कली मतुइक्‍नेवे, फिलीप? सुमी आं कली तयी, मेकोमी आं आफ कली यो ताप्‍तु। मारदे ‘इन आफ कोंइदीन’ देंनेवे? यूहन्‍ना १२:४५; हिब्रू १:३

यूहन्‍ना 15:24

गो मुर आन कली छक लाक्‍चा ङा गेय कोंइताक्‍ङमी। आं क्‍येङा ङोंइती सुइमी आं खोदेंशो गेय मकोंइदे। मेको गेय कोंइशा यो मुरपुकीमी आं आफ नु गो निम्‍फा आंस कली मदाक्‍नीम।

यूहन्‍ना 3:16

परमप्रभु यावेमी रागी ङा मुर आन कली शुश दाक्‍ताक्‍व। मोपतीके आ कांइचीक तौ रागीमी सोइक्‍ताक्‍व। सु सुमी मेको कली थमा सुइक्‍नीमी, मेकोपुकी नरक मलाइनीम। तन्‍न गेना हना यो परमप्रभु यावे नु बाक्‍चा ताइनीम। रोमी ५:८; रोमी ८:३२; १यूहन्‍ना ४:९

रोमी 8:29

मारदे हना आ ङोंइती तुइश्‍शो मुर कली “आं तौ खोदेंशो दुम्‍मल” दे योव़तु। आ तौ मेको योव़शो लोक्‍ब आन क्‍येङा ङोंइती जरमेशो बाक्‍ब। कलस्‍सी १:१८; हिब्रू १:६

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

फिलिप्‍पी 2:6

ख्रीस्‍त येसु परमप्रभु यावे नु उइक्‍थ दुम्‍शो बाक्‍त हना यो “परमप्रभु यावे नु उइक्‍थ दुम्‍ती” दे ममिम्‍थु, यूहन्‍ना १:१२; यूहन्‍ना १७:५

कलस्‍सी 1:13

मेकोमी इं कली छिङछिङ ङा राज्‍य ङा अधिकार रे ग्रुंइशा, आ दाक्‍शो तौ आ राज्‍यमी ओंइताक्‍व। कलस्‍सी २:१५

१ तिमोथी 1:17

गेना हना यो मबेक्‍थु बाक्‍ब पिप कली सुइमी तने मचाप्‍नीम। मेको कांइचीक परमप्रभु, परमप्रभु यावे बाक्‍ब। गेना हना यो मान ताक्‍चा नु छेङछेङ मेको केन बाक्‍ब। आमेन।

१ तिमोथी 6:16

मेको ला गेनायो मबेक्‍ब। सुइ आन कोव़ने मचाप्‍चा ङा पा छेङछेङमी बाक्‍ब। सुइमी मेको कली गेनायो मताम। तने यो मचाप्‍नीमी। मेको मान तशा नेल्‍ल क्‍येङा सक्ति पाइश्‍शो बाक्‍ब। आमेन। प्रस्‍थान ३३:२०; यूहन्‍ना १:१८

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 1:6

आ ङोंइती जरमेशो तौ कली रागीम सोइक्‍तानु “आं स्‍वर्ग ङा गेय पाइब नेल्‍लेमी मेको कली मान पा ठेयब सेल्‍मेक्‍ल” देंत। भजन संग्रह ९७:७; रोमी ८:२९

हिब्रू 11:27

“मतांइसीब परमप्रभु यावे कली मिक्‍चीम तशो खोदेंब पा आं नेक्‍थान ताइनुङ” दे थमा सुइश्‍शा, पिपी गाइश्‍शो तशा यो महिंथु, इस्राएली आन कली इजीप्‍त रे ग्रुंइशा लाइक्‍मी बाक्‍त।

प्रकाश 3:14

मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५