कलस्‍सी 1:14 - Sunuwar Bible

¹⁴ मेकोमी इं कली मरिम्‍शो रे प्रोंइशा, इं पाप क्‍याम्‍ताक्‍व। एफिसी १:७

कलस्‍सी 1:14 ပူးပေါင်းရင်းမြစ်များ

भजन संग्रह 130:4

गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२

मत्ती 20:28

रागीम जरमेशो मान पपांइसीचा कली जाक्‍शो ममाइ। तन्‍न गेय पथ नु शुश मुर आन कली प्रोंइचा कली आ गिंम सोइक्‍थ जाक्‍शो बाक्‍ब” दे माइक्‍तीमी। फिलिप्‍पी २:७; १पत्रुस १:१८-१९

लूका 5:20

मिनु येसुमी मेको आन थमा सुइक्‍शो तुइश्‍शा, मेको कली “आं वारच, इ पाप क्‍याम्‍शा गेतन” दे मदा बाक्‍त।

प्रेरित 10:43

सु सुमी येसु कली थमा सुदमे, मेकोपुकी येसु आ नेंमी आन पाप क्‍याम्चा पुंइसीनीम। साइ ङोंइती रे परमप्रभु यावे आ लोव़ पाइबपुकीमी मोदेंशो देंशो बाक्‍नीम” दे शेंदीमी बाक्‍त। यसैया ५३:५-६; येरमीया ३१:३४

प्रेरित 2:38

पत्रुसमी “इन थुं परमप्रभु यावे गे लेश्‍शा, येसु कली थमा सुइश्‍शा, आ नेंमी ब्‍वाक्‍कुम ख्रुम्‍शा ग्रुंइपांइसीने। मिनु इन पाप क्‍याम्‍चा पुंइसीनीनी। परमप्रभु यावे आ सोक्‍तीम प्रिंचा यो पुंइसीनीनी। प्रेरित ३:१७-१९; लूका २४:४७

प्रेरित 20:28

गे आंम कली कोव़ङीने। परमप्रभु यावे आ सोक्‍तीमी इन कली थमा सुइक्‍ब आन कली कोव़ब सेल्‍तु। गे परमप्रभु यावे आ मुर आन कली मुर आन कली कोव़ब रिम्‍शो गोठला दुमीन। मारदे हना मेकोपुकी आ तौ आ हुशेम ग्‍याप्‍शो बाक्‍नीमी। १तिमोथी ४:१६; १पत्रुस ५:२-४

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

एफिसी 1:7

मोपा गोपुकी येसु ख्रीस्‍त आ हुशेम पतीके माफ तशा ब्रोंइशा बाक्‍नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्‍नय देंशा हना, मुरुमी मिम्‍ने मचाप्‍चा ङा आ शिशी रे पा माफ ताइनय। कलस्‍सी १:१४; एफिसी २:७; एफिसी ३:८,१६

एफिसी 4:32

मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

कलस्‍सी 2:13

ङोंइती गेपुकी मरिम्‍शो पाइब दुम्‍शा, ख्रोइक्‍तीक चिनु इन रांमी मख्रोइक्‍थु, बेक्‍शो मुर खोदेंशो बाक्‍तीनी। परमप्रभु यावेमी इं मरिम्‍शो पतीके नेल्‍ल क्‍याम्‍शा, इं कली येसु ख्रीस्‍त नु ब्रोंइपाइक्‍तु। एफिसी २:१,५

कलस्‍सी 3:13

का निक्‍शीमी दोस गेचा पुंइसाक्‍म हना, फाल्‍मुशा, माफ गेमुशा बाक्‍कीन। प्रभुमी दोपा इन कली माफ गेवा, मोपा माफ गेमुने। एफिसी ४:२; मत्ती ६:१४; एफिसी ४:३२

१ तिमोथी 2:6

मेकोमी मुर नेल्‍ल आन कली पाप रे प्रोंइचा, दे आंम कली जिम्‍मा गेप्‍तु। एको लोव़ मेना रे शेंचा गोम्‍तेक्‍म। गलाती १:४; गलाती २:२०; तीतस २:१४

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

हिब्रू 9:12

बाछा, बोका आन हुश चढ़ेशो ममाइ। कालेमीन स्‍वर्ग ङा थम चोव़खो कोठाम ओव़दीश्‍शा, आ हुश चढ़ेप्‍तु। मो पशोमी पाप रे प्रोंइतीक गेय गेना हना यो कली पने थुम्‍तु, मारेइ पचा मली।

हिब्रू 9:22

थमा पा परमप्रभु यावे आ अरेशो लोव़ ब्रेक्‍शो खोदेंशो पा मारेइ मारेइ चोव़खो सेल्‍चा कली हुश ब्रुइक्‍चा माल्‍दा बाक्‍त। हुश मजारथु, पाप मक्‍याम्‍सीब, दे रुप्‍नय। लेवी १७:११

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ यूहन्‍ना 1:9

गोपुकीमी “मरिम्‍शो पाइतक” देंतय हना, इं मरिम्‍शो पतीके क्‍याम्‍शा, इं कली शेक्‍ब। मारदे हना मेको आ देंशो पाइब नु ठीक पाइब बाक्‍ब। भजन संग्रह ३२:३-५; हितोपदेस २८:१३

१ यूहन्‍ना 2:12

आं दाक्‍शो तमी तौपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, इन पशो मरिम्‍शो नेल्‍ल येसु ख्रीस्‍त आ नेंमी क्‍याम्‍सीशो बाक्‍त। मोपतीके गो इन कली ब्रेक्‍ना ब्रेक्‍न बाक्‍ती।

१ यूहन्‍ना 2:2

दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३