आमोस 9:9 - Sunuwar Bible

⁹ परमप्रभु यावेमी “गो मार हुकुम पाइनुङमी देंशा हना, इस्राएल आ खिं ङा मुर आन कली जात नेल्‍ल ङा मुर आन दातेमी ग्‍योलोमी मार मार क्राप्‍शो खोदेंशो पा, क्राप्‍नुङमी। मिनु इम्‍चीली फुल्‍लु का यो खपीम मदोक्‍ब।

आमोस 9:9 ပူးပေါင်းရင်းမြစ်များ

यसैया 27:12

मिनु मेको नाक्‍ती परमप्रभु यावेमी युफ्रेटीस खोला रे इजीप्‍त ङा ब्‍वाक्‍कु मबाक्‍शो खोला सम्‍म अन्‍न तुप्‍ब। गे इस्राएल ङा मुरपुकी का का पा खुप्‍चा पुंइसीनीनी।

यसैया 28:28

शोब्‍ले चोचा कली चेरब हिल्‍नीम। तन्‍न मतुप्‍नीम। फस सेल्‍चा कली दांइ मपाइनीम।

यसैया 30:28

आ सास शुर सम्‍म ख्रुम्‍ब बारशो खोला खोदेंशो बाक्‍ब। मिनु मेकोमी रागी रागी ङा मुर आन कली खतम सेल्‍तीक ग्‍योलोम क्राप्‍शा, आन शोव़मी हेंथे लां कोंइब लगम पाइक्‍ब।

येरमीया 31:36

मिनु परमप्रभु यावेमी “आं ङोंइती नां, तास्‍ला नु सोरुल जाम्‍तेक्‍म हना ला, इस्राएली यो आं ङोंइती रागी का मदुम्‍नीम” देंत। येरमीया ३३:२५; रोमी ११:१

येरमीया 46:28

आं गेय पाइब याकूब गे महिनो। मारदे हना गो गे नु बाक्‍शो बाक्‍नुङ। गो इ कली तेको रागी ङा मुर आन दातेमी ब्रपदु, मेको रागी ङा मुर नेल्‍ल आन कली क्‍याम्‍‍नुङमी। तन्‍न गो इ कली मक्‍याम्‍‍नुङ। गो इ कली ठीक सजाइ गे‍नुङ। गो इ कली सजाइ मगेथु मप्रोंइनुङ” देंत। येरमीया १०:२४; येरमीया ३०:११

येरमीया 49:36

गो एलाम ङा मुर आन कली सरीङ आ एर ओंथ नेल्‍ल रे फश गिवार पपाइश्‍शा एर ओंथ ब्रपाइक्‍नुङमी। एलाम ङा ग्‍याइश्‍शा लाइक्‍चा पुंइसीशो नेल्‍ल रागी रागीम ब्राइनीम।

इजीकीएल 20:38

इन दाते ङा आं कली मटीब नु मरिम्‍शो पाइब आन कली तिल्‍नुङमी। गो मेको आन कली अर्को रागी ङा मुर दुम्‍शा बाक्‍शो रागी रे ग्रुंइनुङमी। तन्‍न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्‍नीनी।

इजीकीएल 36:19

गो मेको आन कली रागी रागी ङा मुर आन दातेम ब्रपाइक्‍तामी। मिनु मेकोपुकी राज्‍य राज्‍यम एर ओंथ दुम्‍शा ब्राम्‍तेक्‍म। गो मेको आन पतीक नु मेको आन गेय खोदेंशो पा निसाफ पाता।

इजीकीएल 39:28

मेना मेकोपुकीम गोन परमप्रभु यावे, आन परमप्रभु नङ, दे तुइक्‍नीम। मारदे हना गो मेको आन कली रागी रागी ङा मुर आन दातेम ग्‍याइश्‍शा लाइक्‍पाइक्‍तामी। मिनु का यो मजाम्‍चा ङा पा खुप्‍शा आन रागीम चाक्‍नुङमी।

इजीकीएल 5:10

थमा पा, इ दातेमी आम आफोम आन आल आन कली ब्‍वाइनीम। मिनु आलम यो आन आंम आफ आन कली ब्‍वाइनीम। गो इ कली सजाइ गेनन। मिनु इ लीशो मुर आन कली फशेम एर ओंथ बेरपाइक्‍नुङमी। ब्‍यवस्‍था २८:५३-५५

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

लूका 22:31

मिनु प्रभुमी सिमोन पत्रुस कली “ए सिमोन, नेनो। सैतानमी गे इ कली चेरब खोदेंशो पा क्राप्‍चा गेयीनी, दे पुंइशो बाक्‍ब। २कोरिन्‍थी २:११

ब्‍यवस्‍था 28:64

मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।