आमोस 9:8 - Sunuwar Bible

⁸ परमप्रभु यावेमी शुश पाप पाइब राज्‍य कली कोव़ना कोव़न बाक्‍ब। मेकोमी “गो मेको आन कली रागी रे क्‍याम्‍नुङ। मो हना यो गो याकूब आ खिं कली चहिं नेल्‍ल मक्‍याम्‍नुङ” दे परमप्रभु यावेमी देंत।

आमोस 9:8 ပူးပေါင်းရင်းမြစ်များ

उत्पत्ती 6:7

मिनु परमप्रभु यावेमी “आं सेल्‍शो मुर आन कली रागी रे क्‍याम्‍नुङ। मुर नु जन्‍तु नेल्‍ल क्‍याम्‍नुङ। खपीम ग्रेशा गाक्‍ब आइक्‍च जन्‍तु नु सरीङम बेरब चिक्‍ब यो क्‍याम्‍नुङ। मारदे हना गो मेको आन कली सेल्‍शा यो, आं थुं मनुङ” दे मिम्‍ता बाक्‍त। गन्‍ती २३:१९; रोमी ३:३-४; २तिमोथी २:१३

उत्पत्ती 7:4

गो ७ नाक्‍त नोले ४० नाक्‍त नु ४० नाक्‍दो सम्‍म रेउ यिपाइक्‍नुङ। मिनु आं सेल्‍शो रागीम मार मार ब्रोंइशा बाक्‍मा, मेको नेल्‍ल आन कली साइक्‍नुङमी” देंमाक्‍त।

१ राजा 13:34

मेको येरोबाम आ खिं ङा पाप बाक्‍त। मोपतीके मेको आ खिं मलीथु, रागी रे क्‍याम्‍चा पुंइसे बाक्‍त।

हितोपदेस 15:3

परमप्रभु यावेमी नेल्‍ल ताइब। मेकोमी रिम्‍शो पाइब नु मरिम्‍शो पाइब नेल्‍ल आन कली ताइब। २इतिहास १६:९

हितोपदेस 5:21

मारदे हना परमप्रभु यावेमी मुर आ पशो नेल्‍ल ताइब। मेकोमी मुर आन लां नाक्‍ब।

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

येरमीया 44:27

मारदे हना गो मेको आन कली रिम्‍शो पचा कली ममाइ, मरिम्‍शो पचा कली कोव़ना कोव़न बाक्‍नुङ। इजीप्‍तम बाक्‍ब यहूदी नेल्‍ल मनुम्‍मा सम्‍म तरवार नु अन्‍कालम बेक्‍नीम। आमोस ९:४

येरमीया 46:28

आं गेय पाइब याकूब गे महिनो। मारदे हना गो गे नु बाक्‍शो बाक्‍नुङ। गो इ कली तेको रागी ङा मुर आन दातेमी ब्रपदु, मेको रागी ङा मुर नेल्‍ल आन कली क्‍याम्‍‍नुङमी। तन्‍न गो इ कली मक्‍याम्‍‍नुङ। गो इ कली ठीक सजाइ गे‍नुङ। गो इ कली सजाइ मगेथु मप्रोंइनुङ” देंत। येरमीया १०:२४; येरमीया ३०:११

येरमीया 5:10

परमप्रभु यावेम आं कली “गे मेको आन अङगुर बोट दिम्‍शा ताइश्‍शा पावो। तन्‍न नेल्‍ल श्‍येत्‍थ मपोक्‍को। मेको आ राशी इत्‍तो। मारदे हना मेको परमप्रभु यावे आ मुर मनम।

होसे 1:4

मिनु परमप्रभु यावेमी होसे कली “मेको तौ आ नें येज्रेल वोतो। मारदे हना गो रीब पा येहू आ खिं कली येज्रेलमी पशो हुश ख्राक्‍श आ पर्बम क्‍येक्‍क लेत्‍नुङ। मिनु इस्राएल राज्‍य खतम पोक्‍नुङ। २राजा १०:१-१४

होसे 1:6

मिनु गोमेरमी लेंशा आल कुरशा, तमी का थिप्‍तु। मिनु परमप्रभुमी होसे कली “मेको आ नें लो-रूहामा वोतो। मारदे हना गो इस्राएल कली लेंशा शिशी मपाइनुङ। मिनु मेको आन पाप मक्‍याम्‍नुङ। होसे २:३,२५

योएल 2:32

मेना परमप्रभु यावे आ नें थोइब नेल्‍ल ब्रोंइचा ताइनीम। मारदे हना परमप्रभु यावेमी देंशो खोदेंशो पा सियोन डांडा नु यरूसलेममी परमप्रभु यावेमी ब्रेश्‍शोपुकी ब्रोंइचा ताइनीम। मिनु मेको प्रोंइशो आन दातेमी परमप्रभु यावे आ योव़शो मुर बाक्‍नीम। रोमी १०:१३; ओबदिया १७

आमोस 3:12

मिनु परमप्रभु यावेमी “दोपा गोठलामी गुप्‍स आ शोव़ रे भेडा आ खोइल निक्‍शी कि नोफा आ टुक्रा का ला हना यो रोइक्‍बा, मोपा सामरीयाम नित्‍तीक आ कुना नु खाटम बाक्‍शा यो इस्राएल ङा मुर प्रोंइचा पुंइसीनीम” देंत।

आमोस 7:17

मोपतीके परमप्रभु यावेमी इ कली ‘इ मीश सहरम तेल्‍लेम का दुम्‍ब। इ तमी तौ नेल्‍ल तरवारमी क्‍योरचा पुंइसीनीम। मिनु इ रागी पुक्‍शा योक्‍सीनीम। गे चहिं ग्रांग्रा दिशो रागी काम बेक्‍नेवे। मिनु इस्राएल थमा पा आ रागी रे ग्‍याइश्‍शा लाइक्‍चा पुंइसीब’ ” दे आमोसमी अमस्‍याह कली देंत।

आमोस 9:10

मेकोपुकीम ‘हिंचा ङा श्‍येत आंइ तारी मजाक्‍ब। इं कली मेकोम मथिप्‍ब’ दे पाप पाइब, आं मुर नेल्‍ल तरवारमी साइक्‍चा पुंइसीनीम” देंत। आमोस ६:३

आमोस 9:4

मेको आन जोरी सत्रु आन ङोंइती ग्‍याइश्‍शा लाइक्‍चा पुंइसाक्‍म हना यो, गो मेको आन कली क्‍योरशा साइक्‍चा कली तरवार कली अरेनुङ। मिनु मेकोमी साइक्‍ब। गो मेको आन कली रिम्‍शो पचा कली ममाइ, तन्‍न मरिम्‍शो पचा कली कोव़नुङमी” देंत।

ब्‍यवस्‍था 4:31

मारदे हना परमप्रभु यावे, इन परमप्रभु, शिशी पाइब परमप्रभु बाक्‍ब। इन किकी पिपी नु कसम जशा पशो कबल मप्रेंब। मेकोमी इन कली मप्रोंइथु, खतम मसेल्‍ब।

ब्‍यवस्‍था 6:15

मारदे हना परमप्रभु यावे, इन परमप्रभु, रुश पाइब परमप्रभु इन दातेमी बाक्‍ब। मो पाइतीनी हना, परमप्रभु यावे, इन परमप्रभु इन पर्बम शुश गाइक्‍ब। मिनु मेकोमी इन कली रागी रे क्‍याम्‍ब। प्रस्‍थान २०:५