आमोस 9:2 - Sunuwar Bible

² मेकोपुकी बेक्‍शो मुर आन बाक्‍तीक लाम्‍तेक्‍म हना यो, मेकेर रे कीशा ग्रुंइनुङ। मिनु मेकोपुकी इर सरीङ गे ङोइश्‍शा लाम्‍तेक्‍म हना यो, गो मेको आन कली ग्‍याइश्‍शा लुक्‍च फ्रुप्‍नुङमी। अय्‍युब २६:६; भजन संग्रह १३९:८

आमोस 9:2 ပူးပေါင်းရင်းမြစ်များ

अय्‍युब 20:6

मेको आन ठेयब लेत्‍तीक सरीङ खोइ लाइक्‍त हना यो नु मेको आन पियाम गोस्‍स कली थिप्‍तु हना यो, भजन संग्रह ३७:३५-३६

अय्‍युब 22:13

मोपतीके गे ‘परमप्रभुमी मार तुइक्‍बा ङा? मेकोम गोस्‍स आ छिङछिङ रे दोपा निसाफ पाइबा ङा?

अय्‍युब 24:23

परमप्रभुम मेको आन कली प्रोंइतु हना यो, मेकोमी मेको आन कली गेना हना यो कोव़शो बाक्‍ब।

अय्‍युब 26:6

परमप्रभु आ ङोंइती बेक्‍शो मुर आन बाक्‍‍तीके मख्रुंइसीशो बाक्‍ब। मिनु जाम्‍शा लतीके मसुम्‍सीशो बाक्‍ब। भजन संग्रह १३९:८; हितोपदेस १५:११; आमोस ९:२; प्रकाश ९:१

अय्‍युब 34:22

मेकेर मरिम्‍शो पाइब आन ख्रुंइसी‍तीक छिङछिङ मबाक्‍ब। भजन संग्रह १३९:११-१२

यसैया 2:19

परमप्रभु यावेमी शुश रागी ङा मुर आन कली हिंच कोंइब नु आ छेङछेङ ङा ठेयब सक्ति जाक्‍मेनु, गे पुक्‍खीम नु खपी आगा ङा ढोडोङगाम ओव़शा ख्रुंइसीन।

येरमीया 49:16

गे सेरथे फुल्‍लु आ पुक्‍खीम बाक्‍नेवे। इ हिंच कोंइतीके नु इ थुं ङा ठेयब लेत्‍तीकेमी इ कली जोल पाम्‍‍ताक्‍स। गे डांडा ङा बाक्‍तीक आंम के सेल्‍तीवी। गेमी इ बाक्‍तीक ककाकुली आ ग्‍योव़ खोदेंशो पा इर सेल्‍तीवी हना यो, गो इ कली मेकेर रे उइ तोक्‍नन” दे परमप्रभु यावेम देंशो बाक्‍ब।

येरमीया 51:53

बेबीलोन इर सरीङ सम्‍म बोक्‍त हना यो, आ इर ङा सहर बोल्‍यो सेल्‍तु हना यो, गो मेको कली खतम सेल्‍बपुकी सोइक्‍नुङमी” दे परमप्रभु यावेमी देंत। उत्‍पत्ती ११:४; यसैया १४:१३

इजीकीएल 26:20

गे इ कली बेक्‍शा लशो मुर नु साइ ङोंइती बेक्‍शो मुर आन बाक्‍तीके उइ तोक्‍नन। गो इ कली उइ ङा रागीम साइ ने‍सी ब्रेश्‍शो खिं आन दातेमी बाक्‍पाइक्‍नुङ। गे नरक लाइब नु बाक्‍नेवे। मिनु गे ब्रोंइशा बाक्‍ब आन बाक्‍तीकेम बाक्‍चा मताइनेवे। यसैया १४:११,१५; एफिसी ४:९; १पत्रुस ३:१९

इजीकीएल 31:14

मोदेंशो दुम्‍तीके ब्‍वाक्‍कु आ नेक्‍था वाशो रवा मेको मिश लाइश्‍शो पा मकोल्‍नीम। मिनु आन ङर गोस्‍स सम्‍म मजाक्‍दीत्‍नीम। मारदे हना मेको नेल्‍ल बेक्‍चा माल्‍नीम। नेल्‍ल मुर खोदेंशो पा बेक्‍चा माल्‍नीम। बेक्‍शो मुर आन बाक्‍तीके तुरसुम लाइनीम” देंत।

ओबदिया 1:4

तन्‍न गे ककाकुली खोदेंशो पा इर सरीङ मेर बेरते हना यो, सोरुल आन दातेम इ ग्‍योव़ सेल्‍तीवी हना यो, गो इ कली मेक रे तोक्‍नन” दे परमप्रभु यावेम देंत।

लूका 10:18

मिनु येसुमी “सरीङ रे चिला आप्‍शो खोदेंशो पा गो सैतान कली दोक्‍शो ताता। यूहन्‍ना १२:३१; प्रकाश १२:८-९