आमोस 9:11 - Sunuwar Bible

¹¹ परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

आमोस 9:11 ပူးပေါင်းရင်းမြစ်များ

अय्‍युब 1:10

गे मेको कली मेको आ खिं, आ शोंप नु आ मारेइ मारेइ नेल्‍ल एर ओंथ तेइ तेइ रे थरपु हिरशा, मवोइश्‍शो बाक्‍नीनी ङा? मेको आ गेय नेल्‍लेम गे आसीक गेशा वोइश्‍शो बाक्‍नीनी। मेको आ क्‍यारश भेडा नु बी ब्‍यफ शुश दुम्‍शो बाक्‍नीम।

भजन संग्रह 143:5

गो साइ ङोंइती ङा नाक्‍त मिम्‍नुङ। मिनु इन गेय नेल्‍ल मिम्‍ना मिम्‍न बाक्‍नुङ। इन गुइम पशो नेल्‍ल मिम्‍नुङ। भजन संग्रह ७७:६

भजन संग्रह 80:12

मारदे गे मेको आन गारो प्रेन्‍नी? मेकेर गाक्‍ब नेल्‍लेमी मेको आ फल सेक्‍नीम।

भजन संग्रह 89:40

आ गारो नेल्‍ल प्रेश्‍शा, आ दरवार नेल्‍ल खतम पोक्‍तीनी।

यसैया 16:5

गेना हना यो दाक्‍ब आ नित्‍तीक वोंइसीब। मेको दाऊद आ ताम्‍बुम बाक्‍ब। मिनु मेको नित्‍तीकेमी थमा सुइक्‍चा पुंइसीब ठीक निसाफ पा हुकुम पाइब का निस्‍सीब। मेकोमी रीब पा कुल मकोव़थु, निसाफ पाइब।

यसैया 5:5

मिनु मुल गो आं अङगुर रू कली मार पाइनुङा, इन कली देंनुङ। आ थरपु नेल्‍ल ग्रुंइनुङ। मिनु मार मार ओव़नीम। आ गारो नेल्‍ल प्रेश्‍शा ताइक्‍नुङ। मिनु दिम्‍शा ताइश्‍शा पाइनीम।

यसैया 58:12

मिनु गे इन साइ ङा ब्रेश्‍शो खिंपुकी लेंशा सेल्‍नीनी। साइ ङोंइती ङा सेल्‍शो जग लेंशा वोइक्‍नीनी। मिनु इन कली गारो सेल्‍ब, खिं सेल्‍ब नु लां लेंशा सेल्‍ब, दे नें वोइक्‍नीम। यसैया ६१:४

यसैया 63:11

मिनु नोले मेकोपुकीमी साइ ङोंइती ङा नाक्‍ती मिम्‍ताक्‍म। मेको आ गेय पाइब मोसा आ पाला ना ङा नाक्‍ती मिम्‍ताक्‍म। मिनु मेकोपुकीमी “समुन्‍द्र रे पा गोठला नु आ बगाल ग्रुंइब ते बाक्‍म? मेको आन कली परमप्रभु यावे आ सोक्‍त वोइक्‍ब, ते बाक्‍मे? प्रस्‍थान २:५; गन्‍ती ११:१७

यसैया 65:9

मिनु गो याकूब आ चच युइ रे जाक्‍पाइक्‍नुङ। मिनु यहूदा आ थर ङा आं डांडा ताइब मुर ग्रुंइनुङ। मेको आं योव़शो मुर आन के दुम्‍शा, आं गेय पाइब आन बाक्‍तीके दुम्‍ब।

येरमीया 18:9

मिनु अर्को याम काम गो तेकोइ रागी, तेकोइ राज्‍य आन कली सेल्‍शा वोइक्‍ने चाप्‍नुङ।

येरमीया 30:9

तन्‍न मेकोपुकीम परमप्रभु यावे, आन परमप्रभु, आं कली नु आं सेल्‍शो पिप दाऊद आ गेय पाइनीम।

येरमीया 46:26

गो मेको आन कली साइक्‍चा माल्‍ब बेबीलोन ङा पिप नेबुकदरेसर नु आ लडाइ पाइब आन ठेयब मुर आन गुइमी गेनुङमी। मेको नोले इजीप्‍त रागी ङोंइती ङा खोदेंशो पा मुर बाक्‍तीक रागी दुम्‍ब” दे परमप्रभु यावेम देंत। इजीकीएल २९:१४

बिलाप 5:21

परमप्रभु यावे, आंइ कली इन गे लेप्‍पाइक्‍की। मिनु गो थमा पा इन गे लेत्‍नीकी। आंइ नाक्‍त ङोंइती ङा खोदेंशो सेलीन। भजन संग्रह १२६:

इजीकीएल 17:24

मिनु रू ङा रवा नेल्‍लेम गो, परमप्रभु यावे नङ, दे तुइक्‍चा माल्‍नीम। गो लाइश्‍शो रवा आन कली आइक्‍च सेल्‍नुङ। आइक्‍च रवा आन कली लाइश्‍शो सेल्‍नुङ। गो गिगी रवा आन कली सोव़पाइक्‍नुङ। मिनु सोव़शो रवा आन कली गिगी दुम्‍पाइक्नुङ। गो, परमप्रभु यावेमी एको लोव़ पाता। मिनु गो एको थमा पा पाइनुङ” देंत।

इजीकीएल 36:11

गो इन मुर नु इन बी ब्‍यफ, क्‍यारश भेडा शुश सेल्‍नुङमी। मिनु मेको शुश दुम्‍शा, शुश गिक्‍नीम। गो ङोंइती ङा खोदेंशो पा इन बाक्‍तीकेम मुर बाक्‍पाइक्‍नुङमी। मिनु गो इन कली ङोंइती ङा क्‍येङा रिम्‍शो पाइनुङ। मिनु गोन परमप्रभु यावे नङ, दे तुइक्‍नीनी। लेवी २६:९

होसे 3:5

मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४

ओबदिया 1:17

तन्‍न सियोन डांडाम चहिं प्रोक्‍शो मुरपुकी जाक्‍नीम। मेको परमप्रभु यावे आ डांडा बाक्‍ब। मिनु याकूब आ खिंमी ङोंइती आंम कली अधिकार पाइब आन कली अधिकार पाइनीम। योएल ३:५; योएल ४:१७

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मीका 7:11

गे इन गारो लेंशा सेल्‍तीक नाक्‍त नु इन सांदपुकी ङोन ङोन सम्‍म चाक्‍दीत्‍तीक नाक्‍त जाक्‍शो बाक्‍ब।

मीका 7:14

गे इन मुर आन कली कोक्‍केम योव़ङीन। मेको ब्‍वाकीम बाक्‍शो बगाल इन के बाक्‍ब। मेको रिम्‍शो बाक्‍तीकेम बाक्‍नीम। मेको आन कली ङोंइती ङा खोदेंशो पा बाशान नु गिलादमी जोचा गेन। मीका ५:३; येरमीया ५०:१९

मीका 7:8

मिनु “आं जोरी सत्रु आं कली शुक्‍शी पा मग्‍येरसीन। गो गोल्‍ती हना यो, बोक्‍नुङ। गो छिङछिङम बाक्‍ती हना यो, परमप्रभु यावे आं छेङछेङ बाक्‍ब। ओबदिया १:१२; भजन संग्रह २७:१

जकरिया 12:7

मिनु परमप्रभु यावेमी ङोंइती यहूदा ङा मुर आन कली श्‍येत रे प्रोंइब। मोपा दाऊद आ खिं ङा मान ततीके नु यरूसलेममी बाक्‍ब मुर आन मान ततीके यहूदा आन क्‍येङा शुश मदुम्‍ल” देंत।

जकरिया 14:10

मिनु रागी नेल्‍ल दिंम दुम्‍ब। मेको गेबा रे पा यरूसलेम आ दक्‍खिन ङा रिम्‍मोन सम्‍म दिंम दुम्‍ब। तन्‍न यरूसलेम बेन्‍यामीन लाप्‍चो रे, माइत लाप्‍चो लाक्‍शा, सुर ङा लाप्‍चो सम्‍म नु हानानेल माइश्‍शो लाइश्‍शो खिं रे पिप आ अङगुर ख्राक्‍तीक सम्‍म बाक्‍ब। मिनु यरूसलेम आ इर ङा बाक्‍तीकेम बाक्‍‍ब। यहोसु १५:३२; येरमीया ३१:३८

जकरिया 6:12

मिनु मेको कली मुर नेल्‍ल आन परमप्रभु यावेमी मार देंत देंशा हना ‘मेकेर मुर का बाक्‍ब। मेको आ नें राशी बाक्‍ब। मेको राशी आ बाक्‍तीकेमी बारशा, परमप्रभु यावे आ खिं सेल्‍चा माल्‍ब।

गन्‍ती 24:18

एदोम रागी आ केन सेल्‍ब। मिनु सेइर रागी ग्राब। मिनु इस्राएल बोल्‍यो दुम्‍ब। २सामुएल ८:१४; येरमीया ४९:७-२२