आमोस 8:3 - Sunuwar Bible

³ मेको नाक्‍ती दरवारम कुम्‍सो पाइब आन कुम्‍सो रोंका पतीके दुम्‍नीम” दे परमप्रभु यावेमी देंत। मिनु मेकोमी “बेक्‍शो मुर शुश बाक्‍नीम। लाङगाम ग्रुंइशा ताइक्‍नीम। गे सिक्‍सी पावो” देंत। आमोस ६:१०

आमोस 8:3 ပူးပေါင်းရင်းမြစ်များ

भजन संग्रह 39:9

गो सिक्‍सी पा बाक्‍शा मब्‍वाक्‍ङ। मारदे हना गे मो पपाइक्‍तीनी।

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

येरमीया 22:18

मोपतीके परमप्रभु यावेम “यहूदा ङा पिप योसीयाह आ तौ येहो-याकीम आ पर्बम ‘आबी, मुरपुकीमी मेको आ पर्बम रोंका पची ना आं लोक्‍ब, आबी, आ समी मदेंनीम’ मेको आ पर्बम मङाक्‍नीम। मिनु ‘आबी, आं प्रभु, आबी, मान ताइब पिप’ दे मेको आ पर्बम मङाक्‍नीमी। २राजा २३:३४

बिलाप 2:10

सियोन ङा खाल्‍पा खपीम निश्‍शा, सिक्‍सी पा बाक्‍नीम। मेकोपुकीमी आन पियामी फुरक फुंइसीनीम। मिनु भाङग्रा फेक्‍शा बाक्‍नीम। यरूसलेम ङा मीश आलपुकीमी आन पिया खप सम्‍म बाप्‍पाइश्‍शो बाक्‍नीम।

योएल 1:11

गे रूम गेय पाइबपुकी सुर्ता पने। अङगुर ख्रुम्‍बपुकी रोंका पने। क्‍योव़ज चेरब आ पर्बम यो रोंका पने। मारदे हना बाली नाली खतम दुम्‍शो बाक्‍नीम।

योएल 1:13

चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।

योएल 1:5

मिनु गे दुक्‍शा बाक्‍बपुकी सेंसीशा, ङाक्‍कीन। मिनु अङगुर शांबु तूशा दुक्‍ब नेल्‍ल नक अङगुर शांबु आ पर्बम रोंका पने। मारदे हना मेको इन शोव़ रे रोंइ‍सीशो बाक्‍ब।

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

आमोस 4:10

गो इन दातेम इजीप्‍त रागी कली खोदेंशो पा बेक्‍चा ङा रोइ सोइक्‍ताक्‍ङ। गो इन ठिटा आन कली तरवारमी क्‍योरशा साइक्‍पाइक्‍तामी। इन शारा रोइक्‍पाइक्‍तामी। इन बाक्‍तीक ङा मरिम्‍शो रिना इन नें आगाम प्रिंताक्‍ङ। मो हना यो गेपुकी आं गे मलेन्‍नी” दे परमप्रभु यावेमी देंत। प्रस्‍थान ९:३

आमोस 5:16

मोपतीके मुर नेल्‍ल आन परमप्रभु यावेमी “लां ङा मुर नेल्‍ल ङाक्‍शा, रोंका पचा माल्‍नीम। आबी आबी, देंचा माल्‍नीम। रूम गेय पाइब आन कली रोंका पचा कली ब्रेत्‍तीन। रोंका पस जोक्‍ब आन कली यो ब्रेत्‍तीन।

आमोस 5:23

इन कुम्‍सो आन रेयके आं क्‍येङा ङोन वोतीन। इन तार पाइश्‍शो ठेयब ताप्‍तीके ताप्‍शो नेंचा मदाक्‍नुङ।

आमोस 6:4

आबी, मेको हात्ती आ दारा के सेल्‍शो खाटमी इप्‍नीमी। आन इप्‍‍तीकेमी गोल्‍शा बाक्‍नीमी। मेकोपुकीम क्‍यारश भेडा आन पाठा नु गोठ ङा बाछा ब्‍वाइनीमी।

आमोस 6:5

मेकोपुकीम हें‍थे कुम्‍सो पा तार पाइश्‍शो ठेयब ताप्‍तीक ताप्‍नीमी। मिनु ‘गो दाऊद खोदेंशो पा ताप्‍तीक सेल्‍नुङ’ दे मिम्‍नीम। यसैया ५:१२

आमोस 6:8

परमप्रभु यावेमी आ नेंमी कसम जशो बाक्‍ब। मिनु मुर नेल्‍ल आन परमप्रभु यावेमी “गो याकूब आ ठेयब लेश्‍शो तशा ग्रांग्रा दीनुङ। मेको आ बोल्‍यो दरवार आन कली काइ मदाक्‍नुङ। गो एको सहर नु आ मार मार नेल्‍ल आन जोरी सत्रु आन गुइमी गेनुङमी” देंशो बाक्‍ब।

आमोस 8:10

गो इन चाड कली रोंका पतीक सेल्‍नुङ। इन कुम्‍सो नेल्‍ल आन कली ङाक्‍तीक सेल्‍नुङ। गो नेल्‍ल इन कली अरन्‍डी फेक्‍पाइश्‍शा चां प्रेक्‍पाइक्‍नुङ। गो आंम का ला बाक्‍शो तौ आ पर्बम रोंका पशो खोदेंशो दुम्‍पाइक्‍नुङ। मेको चाड नुप्‍पतीक नाक्‍त कशो नाक्‍त दुम्‍ब” देंशो बाक्‍ब। येरमीया ६:२६

नहुम 3:3

शारा ङोइक्‍ब दोरोर पा गाक्‍नीम। आन टल्‍केशो तरवार शेशा, आन तूतीक झिल्‍झील पा कोंइनीम। बेक्‍शो मुर शुश बाक्‍नीम। हिक्‍ने मचाप्‍चा ङा पा साइश्‍शो मुर बाक्‍नीम। मुर शोल्‍मो पा साइश्‍शो बाक्‍नीम। मुरपुकी बेक्‍शो मुर तार दाइल पांइ‍सीन सीन गाक्‍नीम।

सेफन्‍याह 1:7

परमप्रभु, परमप्रभु यावे आ ङोंइती सिक्‍सी पने। मारदे हना परमप्रभु यावे आ नाक्‍त जाक्‍चा चिक्‍शो बाक्‍ब। परमप्रभु यावेमी चढ़ेतीक चाड का ठीक पाप्‍तु। परमप्रभु यावेमीआ ब्रेश्‍शो मुर आन कली ठीक सेल्तीमी। हबकुक २:२०