आमोस 7:8 - Sunuwar Bible

⁸ मिनु परमप्रभु यावेमी आं कली “आमोस गे मार तवी?” दे हिल्‍लो पाप्‍तु। मिनु गो “गारो प्रोव़तीक घन्‍टी का ताता” देंती। मिनु परमप्रभुमी “कोव़ङो, गो आं मुर इस्राएली आन दातेमी गारो प्रोव़तीक घन्‍टी का क्‍युक्‍नुङ। मिनु मुल गो मेको आन नेक्‍था बाक्‍शा, मार पाइक्‍बाक्‍मा, कोव़नुङमी। यसैया ३४:११; आमोस ८:२

आमोस 7:8 ပူးပေါင်းရင်းမြစ်များ

२ राजा 21:13

गो सामरीया कली पुक्‍तीकेमी यरूसलेम कली पुक्‍नुङ। गो आहाब आ खिं कली थाप्‍शो डोरीम यरूसलेम कली थाप्‍नुङ। मुरपुकीम दोपा थाल शेक्‍शा गुक्‍शा वोइक्‍नीमी, मोपा गो यरूसलेम कली शेक्‍शा गुक्‍शा वोइक्‍नुङ।

यसैया 28:17

गो ठीक निसाफ कली गारो प्रोव़ची ना क्‍युक्‍तीक डोरी खोदेंशो सेल्‍नुङ। मिनु ठीक पतीके कली घन्‍टी खोदेंशो सेल्‍नुङ। मिनु मुप्‍सीम मेको जोल पा ख्रुइक्‍तीके खतम सेल्‍ब। ब्‍वाक्‍कुमी फाम्‍सीतीके योल्‍ब।

यसैया 34:11

तन्‍न मेकेर ठेयब चिक्‍ब नु काइश्‍श आन बाक्‍तीके दुम्‍ब। मेकेर हुहुचील नु खदपुकी बाक्‍नीम। परमप्रभुमी मेको रागी कली ग्रांग्‍ये माग्‍ये सेल्‍ब। आ ठेयब मुर मार पचा दो पचा दुम्‍नीम।

येरमीया 15:6

गे आं कली प्रोंइशो बाक्‍नेवे। गे नोले शोंइसीन सीन बाक्‍नेवे। मोपतीके गो आं गुइ क्‍युक्‍शा इ कली साइक्‍नुङ। मुल गो आं गाइश्‍शो मतेक्‍नुङ।

बिलाप 2:8

परमप्रभु यावेमी सियोन आ तमी आ गारो प्रेत्‍चा कली मिम्‍ताक्‍व। मेको आ तारी पुक्‍तीके कीतु। मेकोमी खतम सेल्‍चा कली आ गुइ मतेक्‍ग। मेकोमी गारो नु आ बोल्‍यो सेल्‍तीके निक्‍शी कली रोंका पपाइक्‍तु। मिनु मेको कालेक्‍म ब्रेत्‍ताक्‍स। २राजा २१:१३

होसे 1:6

मिनु गोमेरमी लेंशा आल कुरशा, तमी का थिप्‍तु। मिनु परमप्रभुमी होसे कली “मेको आ नें लो-रूहामा वोतो। मारदे हना गो इस्राएल कली लेंशा शिशी मपाइनुङ। मिनु मेको आन पाप मक्‍याम्‍नुङ। होसे २:३,२५

आमोस 7:7

मिनु परमप्रभु यावेमी आं कली मार कोंइताक्‍यी देंशा हना, परमप्रभु यावे गारो काम गारो प्रोव़तीक घन्‍टी शेशा, राप्‍शो बाक्‍त।

आमोस 8:2

मिनु मेकोमी आं कली “आमोस, गे मार तवी?” दे हिल्‍लो पती। मिनु गो “मीशो फोव़शीम ब्रीशो डालो का ताता” देंती। मिनु परमप्रभु यावेमी आं कली “आं मुर, इस्राएली आन नाक्‍त गाप्‍त। मुल गो मेको आन नेक्‍था बाक्‍शा, मार मार पाइनीमी, मेको कोव़नुङमी। आमोस ७:८

मीका 7:18

इन खोदेंशो परमप्रभु अर्को सु बाक्‍बा ङा? गे ठीक मपशो क्‍याम्‍ब बाक्‍नीनी। इन लीशो मुर आन मरिम्‍शो पतीके माफ गेनीनी। गे गेना हना यो गाइक्‍स ङा गाइक्‍स मबाक्‍नीनी। तन्‍न शिशी पचा कली ग्‍येरशा बाक्‍नीनी। भजन संग्रह १०३:३,८-१३

जकरिया 4:10

मिनु “सु आइक्‍च गेय गोशो नाक्‍ती आइक्‍च सेल्‍बा? नोले मेकोपुकीमी जेरूब-बाबेल आ गुइमी गारो थाप्‍तीक श्‍येले तशा, ग्‍येरसीनीम। हाग्‍गै २:३; जकरिया ४:७ मेको फुल्‍लु ङा ७ ओटा मिक्‍च परमप्रभु यावे आ मिक्‍च बाक्‍नीम। मेको मिक्‍चीमी रागी नेल्‍ल कोव़शो बाक्नीम” दे परमप्रभु आ लोव़ बाक्‍ब।

जकरिया 4:2

मिनु मेकोमी आं कली “गे मार तवी?” दे हिल्‍लो प‍ती। मिनु गो “सुन के बत्ती दातीक ता‍ता। मेको आ तारी बोस का बाक्‍त। मेको तारी ७ ओटा बत्ती बाक्‍तेक्‍म। मेको बत्ती नेल्‍लेमी दातीक सल्‍दो वोइश्‍शो बाक्‍तेक्‍म। येरमीया १:११-१३; आमोस ८:२; प्रस्‍थान २५:३१-४०

जकरिया 5:2

मिनु मेकोमी आं कली “गे मार तवी?” दे हिल्‍लो पती। मिनु गो “२० कुबीत लाइश्‍शो नु १० कुबीत ब्रेम्‍शो तोल्‍शो प्राक्‍सीशो ब्रेक्स बेरशो ताता” देंती। कुबीत का ०.५ मिटर बाक्‍ब।