आमोस 7:7 - Sunuwar Bible

⁷ मिनु परमप्रभु यावेमी आं कली मार कोंइताक्‍यी देंशा हना, परमप्रभु यावे गारो काम गारो प्रोव़तीक घन्‍टी शेशा, राप्‍शो बाक्‍त।

आमोस 7:7 ပူးပေါင်းရင်းမြစ်များ

उत्पत्ती 28:13

मिनु क्रेसी आ ङरम परमप्रभु यावे राप्‍शा, याकूब कली “गो परमप्रभु यावे, इ बाजे अब्राहाम नु इ आफ इसहाक आस परमप्रभु नङ। मुल इ इप्‍शा बाक्‍तीक रागी इ कली नु इ चच युइ आन कली गेनन्‍नी।

२ सामुएल 8:2

दाऊदम मोआबी आन कली यो फ्रुवा बाक्‍त। मिनु मेको आन कली खपीम इप्‍पाइक्‍मी बाक्‍त। मिनु डोरी कामी थाप्‍शा भाग सां सेल्‍मी बाक्‍त। भाग निक्‍शी ङा मुर आन कली साइक्‍मी बाक्‍त। मिनु भाग का ङा मुर आन कली प्रोंइमी बाक्‍त। मिनु मोआबीपुकी मेको आ वाइल दुम्‍मा बाक्‍त। मिनु मेकोपुकीम दाऊद कली तिरो थाप्‍चा माल्‍मा बाक्‍त। १सामुएल २२:३

२ राजा 21:13

गो सामरीया कली पुक्‍तीकेमी यरूसलेम कली पुक्‍नुङ। गो आहाब आ खिं कली थाप्‍शो डोरीम यरूसलेम कली थाप्‍नुङ। मुरपुकीम दोपा थाल शेक्‍शा गुक्‍शा वोइक्‍नीमी, मोपा गो यरूसलेम कली शेक्‍शा गुक्‍शा वोइक्‍नुङ।

यसैया 28:17

गो ठीक निसाफ कली गारो प्रोव़ची ना क्‍युक्‍तीक डोरी खोदेंशो सेल्‍नुङ। मिनु ठीक पतीके कली घन्‍टी खोदेंशो सेल्‍नुङ। मिनु मुप्‍सीम मेको जोल पा ख्रुइक्‍तीके खतम सेल्‍ब। ब्‍वाक्‍कुमी फाम्‍सीतीके योल्‍ब।

यसैया 34:11

तन्‍न मेकेर ठेयब चिक्‍ब नु काइश्‍श आन बाक्‍तीके दुम्‍ब। मेकेर हुहुचील नु खदपुकी बाक्‍नीम। परमप्रभुमी मेको रागी कली ग्रांग्‍ये माग्‍ये सेल्‍ब। आ ठेयब मुर मार पचा दो पचा दुम्‍नीम।

बिलाप 2:8

परमप्रभु यावेमी सियोन आ तमी आ गारो प्रेत्‍चा कली मिम्‍ताक्‍व। मेको आ तारी पुक्‍तीके कीतु। मेकोमी खतम सेल्‍चा कली आ गुइ मतेक्‍ग। मेकोमी गारो नु आ बोल्‍यो सेल्‍तीके निक्‍शी कली रोंका पपाइक्‍तु। मिनु मेको कालेक्‍म ब्रेत्‍ताक्‍स। २राजा २१:१३

इजीकीएल 40:3

मिनु मेकोम आं कली मेकेर लदानु, गो मेकेर मुर का ताता। मेकेर कांसा खोदेंशो टल्‍केशो मुर का बाक्‍त। मेको आ गुइम सुती के डोरी नु पुक्‍तीक कोक्‍के का बाक्‍त। मेको ठेयब लाप्‍चो आ नेक्‍था राप्‍शो बाक्‍त। इजीकीएल ४७:३; जकरिया २:५ प्रकाश २१:१५

आमोस 7:6

मिनु परमप्रभु यावेमी “मोदेंशो यो मदुम्‍ब” देंत।

आमोस 7:8

मिनु परमप्रभु यावेमी आं कली “आमोस गे मार तवी?” दे हिल्‍लो पाप्‍तु। मिनु गो “गारो प्रोव़तीक घन्‍टी का ताता” देंती। मिनु परमप्रभुमी “कोव़ङो, गो आं मुर इस्राएली आन दातेमी गारो प्रोव़तीक घन्‍टी का क्‍युक्‍नुङ। मिनु मुल गो मेको आन नेक्‍था बाक्‍शा, मार पाइक्‍बाक्‍मा, कोव़नुङमी। यसैया ३४:११; आमोस ८:२

जकरिया 4:10

मिनु “सु आइक्‍च गेय गोशो नाक्‍ती आइक्‍च सेल्‍बा? नोले मेकोपुकीमी जेरूब-बाबेल आ गुइमी गारो थाप्‍तीक श्‍येले तशा, ग्‍येरसीनीम। हाग्‍गै २:३; जकरिया ४:७ मेको फुल्‍लु ङा ७ ओटा मिक्‍च परमप्रभु यावे आ मिक्‍च बाक्‍नीम। मेको मिक्‍चीमी रागी नेल्‍ल कोव़शो बाक्नीम” दे परमप्रभु आ लोव़ बाक्‍ब।

प्रकाश 11:1

मिनु परमप्रभु यावे आ स्‍वर्ग ङा गेय पाइब कामी पुक्‍तीक का गेती। मेकोमी आं कली “लो, बोक्‍को। परमप्रभु यावे आ खिं नु चढ़ेतीके पुक्‍को। परमप्रभु यावे आ खिं आगाम सेउ पाइब आन कली हिक्‍को। इजीकीएल ४०:३; जकरिया ३:५-६; इजीकीएल ४२:२०

प्रकाश 21:15

मिनु गो नु लोव़ पाइबमी मेको सहर, लाप्‍चो नु गारो पुक्‍चा कली सुन के पुक्‍तीके का कुरशो बाक्‍त।