आमोस 7:4 - Sunuwar Bible

⁴ मिनु परमप्रभु यावेमी आं कली मार कोंइताक्‍यी देंशा हना परमप्रभु यावेमी आं कली ब्रशो मी का कोंइताक्‍यी। मिनु मेको मीम ठेयब समुन्‍द्र कली सोव़पाइक्‍तु। मिनु रागी कली यो नेक्‍तु। उत्‍पत्ती ७:११

आमोस 7:4 ပူးပေါင်းရင်းမြစ်များ

यसैया 27:4

गो मगाइक्‍नुङ। चू चोंक वाम हना, गो मेको आन कली लडाइ तोशो खोदेंशो पा, तुल्‍शा चोङमी वा।

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

येरमीया 4:4

परमप्रभु यावे आ पर्बम ख्रोइक्‍तीक चिनु ख्रोंइसीन। तन्‍न इन थुंम ख्रोइक्‍तीक चिनु ख्रोंइसीन। गे यहूदा ङा मुरपुकी नु यरूसलेममी बाक्‍ब वोंइशमुरपुकी, मो मपाइतीनी हना, इन मरिम्‍शो पतीके आं गाइक्‍चा मी खोदेंशो पा ब्रशा ग्रूब। मिनु सुइम काप्‍ने मचाप्‍चा ङा पा मेकोमी जेप्‍ब” देंत। येरमीया ९:२५; ब्‍यवस्‍था १०:१६; रोमी २:२९; कलस्‍सी २:११; येरमीया ६:७,१०

इजीकीएल 21:3

मिनु इस्राएल ङा खाल्‍पा आन कली परमप्रभु यावेमी मार लोव़ पाप्‍तु देंशा हना ‘गो बारशा, आं तरवार खोत रे शोइश्‍शा, इन दाते ङा ठीक पाइब नु आं अरेशो लोव़ मटीब नेल्‍ल आन कली साइक्‍नुङमी।

योएल 1:19

परमप्रभु यावे, गो इन कली वाइ ब्रेश्‍शा थोइनुङ। मारदे हना बी ब्‍यफ नु क्‍यारश भेडा आन जोतीके मीम नेक्‍शो बाक्‍ब। मिनु मीम रू ङा रवा नेल्‍ल नेक्‍शो बाक्‍ब। योएल २:३

योएल 2:30

गो सरीङ नु रागीम चिन्‍ड कोंइनुङमी। हुश, मी नु कुन के थाम कोंइनुङमी। होसे ७:१

लेवी 10:2

मिनु परमप्रभु यावे आ ङोंइती रे मी ग्रूशा, मेको आस कली ग्रु दाक्‍तु। मोपा मेको निक्‍शी परमप्रभु यावे आ ङोंइती बेक्‍ताक्‍स।

आमोस 1:4

मोपतीके गो हजाएल आ खिंमी मी सुइक्‍नुङ। मेकोमी बेन-हादाद आ बोल्‍यो दरवार नेल्‍ल खतम पोक्‍ब।

आमोस 1:7

मोपतीके गो गाजा ङा गारोम मी सुइक्‍नुङ। मेकोमी मेको आ बोल्‍यो दरवार खतम पोक्‍ब।

आमोस 2:5

मोपतीके गो यहूदा रागीम मी सुइक्‍नुङ। मेकोमी यरूसलेम ङा बोल्‍यो दरवार खतम पोक्‍ब” दे परमप्रभु यावेमी देंत। होसे ८:१४

आमोस 4:11

मिनु परमप्रभु यावेमी “गो इन दाते ङा का निक्‍शी आन कली सोदोम नु गोमोररा कली खोदेंशो पा खतम सेल्‍ता। गे ब्रशो मी रे पा ग्रुंइशो बुल्‍सी खोदेंशो बाक्‍तीनी। मो हना यो गेपुकी आं गे मलेन्‍नी” दे परमप्रभु यावेमी देंत। उत्‍पत्ती १९:२४-२५; जकरिया ३:२

आमोस 5:6

परमप्रभु यावे कली मालीने। मिनु ब्रोंइचा ताइनीनी। मो मपाइतीनी हना, मेको मी खोदेंशो पा गाइश्‍शा योसेफ आ खिंम मी सुइक्‍ब। बेथेल कली खतम पोक्‍ब। मेको मी कली काप्‍ब सुइ मबाक्‍नीम। आमोस ६:१२; यसैया ५:२०

आमोस 7:1

परमप्रभु यावेमी आं कली मार कोंइताक्‍यी देंशा हना, पिप आ बाली नाली खुप्‍ने थुम्‍शा, अर्को बाली वामानु, मेकोम मारेइ मारेइ नेक्‍ब सल्‍हा माले आन कली ठीक पशो ताता।

आमोस 7:7

मिनु परमप्रभु यावेमी आं कली मार कोंइताक्‍यी देंशा हना, परमप्रभु यावे गारो काम गारो प्रोव़तीक घन्‍टी शेशा, राप्‍शो बाक्‍त।

मीका 1:4

मी आ नेक्‍था मयीन यशो खोदेंशो पा, लुक्‍च लतीकेमी ब्‍वाक्‍कु शाइश्‍शो खोदेंशो पा, मेको आ थेक्‍शो डांडापुकी याइनीम। मिनु दिंमपुकी ब्रोल्‍नीम।

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

गन्‍ती 16:35

मिनु परमप्रभु यावे रे मी ग्रूशा, मेको सहे निक्‍शी ५० जना धूप चोइब आन कली दाक्‍तु। लेवी १०:१-२; भजन संग्रह १०६:१७-१८

ब्‍यवस्‍था 32:22

मारदे हना आं गाइक्‍चा मी खोदेंशो पा ब्रशो बाक्‍ब। रागी आगा सम्‍म ब्राइब। रागी नु मेकेर बाक्‍शो नेल्‍ले नेक्‍ब। मेकोमी डांडा आन जग नेल्‍ल नेक्‍ब।

हिब्रू 1:7

परमप्रभु यावेमी आ स्‍वर्ग ङा गेय पाइब आन पर्बम “आं स्‍वर्ग ङा गेय पाइब आन कली फश नु ब्रशो मी सेल्‍नुङ” देंत। भजन संग्रह १०४:४

प्रकाश 4:1

मिनु नोले सरीङ गे कोव़ता। मिनु मेकेर लाप्‍चो का रोक्‍शा वोइश्‍शो ताता। मिनु ङोंइती आं नेंशो तुराही ताप्‍शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्‍‍बा, गो इ कली कोंइनन” दे माइक्‍ती। प्रकाश १:१०