आमोस 7:2 - Sunuwar Bible

² मिनु मेकोपुकीमी रू ङा घांस नेल्‍ल नेक्‍गमे नोले गो “परमप्रभु यावे माफ गेयीनी। याकूब आ रागी दोपा ब्रोंइने चाप्‍बा ङा? मारदे हना मेको थम आइक्‍च बाक्‍ब” देंती।

आमोस 7:2 ပူးပေါင်းရင်းမြစ်များ

भजन संग्रह 12:1

परमप्रभु यावे, वारच पाइक्‍की। इन लां खोइक्‍ब जाम्‍शा लाम्‍तेक्‍म। मुर आन दातेमी इन कली थमा सुइक्‍बपुकी यो मबाक्‍नीम।

प्रस्‍थान 10:15

मेको शुश सल्‍हा माले बेरमानु, नाक्‍ती यो नाक्‍दो खोदेंशो पा छिङछिङ दुम्‍त। मेको सल्‍हा मालेमी मुप्‍स रे लीशो रू ङा वाशो नु रवा ङा फल नेल्‍ल नेक्‍तेक्‍म। मार मार गिग बाक्‍मा, मारेइ महेंदेम। इजीप्‍त रागी ङा रवा नु गिग खाइ नेल्‍ल नेक्‍तेक्‍म।

प्रस्‍थान 34:9

मिनु “आं परमप्रभु, इन ङोंइती शिशी तशो बाक्‍ती हना, गे परमप्रभु, गो नु गाक्‍कीन, दे पुंइनुङ। एको काइ मटीब मुर बाक्‍तेक्‍म हना यो, आंइ ठीक मपशो नु पाप क्‍याम्‍दीन। आंइ कली आंम इन मुर सेल्‍शा ब्रकी” दें‍त।

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

यसैया 51:19

इ कली श्‍येत निक्‍शी जाक्‍‍ताक्‍स। मेको लां नेल्‍लेम गोल्‍शो बाक्‍नीम। ङोंइती ङा श्‍येत इन सहर प्रेश्‍शा, खतम दुम्‍तीके नु नोले ङा श्‍येत अन्‍काल नु लडाइम, बेक्‍तीके बाक्‍त। सुम इ थुं बारपाइक्‍बा?

येरमीया 14:7

मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९

येरमीया 42:2

परमप्रभु यावे आ लोव़ पाइब येरमीया आ बाक्‍तीके जाक्‍तेक्‍म। मिनु मेको कली “गो आंइ पुंइशो नेनीन। मिनु परमप्रभु यावे, इन परमप्रभु कली आंइ पर्बम नु लीशो मुर नेल्‍ल आन पर्बम पुनीन। मारदे हना शुश मुर रे का निक्‍शी ला लीतक। मेको गे आंमा ताइतीनी। येरमीया ३७:३

इजीकीएल 11:13

गो परमप्रभु यावे आ लोव़ पना पन बाक्‍ङानु, बेनायाह आ तौ पेलात्‍याह बेक्‍त। मिनु गो खुम्‍की पा बाप्‍शा ठेयब सेंदा पा “परमप्रभु, परमप्रभु यावे, मार, गे इस्राएल ङा लीशो नेल्‍ल आन कली साइक्‍नीनी?” देंती। इजीकीएल ९:८

इजीकीएल 9:8

मेकोपुकीम साइक्‍ना साइक्‍न लाम्‍तेक्‍म। गो चहिं आं का ला बाक्‍ती। मिनु गो खुम्‍की पा बाप्‍शा ठेयब सेंदा पा “परमप्रभु, परमप्रभु यावे, इन गाइश्‍शो यरूसलेम कली मोइक्‍नीनु, इस्राएल ङा लीशो नेल्‍ल आन कली यो साइक्‍नीनी?” देंती। इजीकीएल ११:१३

दानीएल 9:19

आं परमप्रभु, नेनीन। परमप्रभु, आंइ पाप क्‍याम्‍दीन। परमप्रभु, नेनीन। मिनु इन नें आ पर्बम मरिम्‍थु गेय पने। मारदे हना इन सहर नु इन मुर इन नें रे ब्रेत्‍चा पुंइसीशो बाक्‍नीम” दे गो दानीएलमी परमप्रभु कली देंती। येरमीया १४:९

योएल 2:17

परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्‍म‍ल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्‍शी नु तोक्‍शा लोव़ पाइक्‍तीक दुम्‍चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्‍म?’ देंचा मतामेक्‍ल” देंतेक्‍म। भजन संग्रह ७९:१०

आमोस 4:9

मिनु परमप्रभु यावेमी “गो इन फल फुल रू नु अङगुर रूम सोव़तीक नु बुक्‍खी ङाइक्‍तीक रोइ सोइक्‍ताक्‍ङ। सल्‍हा मालेमी इन फोव़शी रवा नु तेल रवा आन कली नेक्‍पाइक्‍तामी। मो हना यो गेपुकी आं गे मलेन्‍नी। हाग्‍गै १:११; योएल १:४

आमोस 7:5

मिनु गो “परमप्रभु यावे नाइक्‍तीन, दे गो इन कली पुंइनुङ। याकूब आ रागी दोपा ब्रोंइने चाप्‍बा ङा? मारदे हना मेको थम आइक्‍च बाक्‍ब” देंती।

जकरिया 4:10

मिनु “सु आइक्‍च गेय गोशो नाक्‍ती आइक्‍च सेल्‍बा? नोले मेकोपुकीमी जेरूब-बाबेल आ गुइमी गारो थाप्‍तीक श्‍येले तशा, ग्‍येरसीनीम। हाग्‍गै २:३; जकरिया ४:७ मेको फुल्‍लु ङा ७ ओटा मिक्‍च परमप्रभु यावे आ मिक्‍च बाक्‍नीम। मेको मिक्‍चीमी रागी नेल्‍ल कोव़शो बाक्नीम” दे परमप्रभु आ लोव़ बाक्‍ब।

प्रकाश 9:4

मिनु मेको आन कली “मेको रागी ङा घांस नु रवा ङा सफा मबिग्रेने, परमप्रभु यावे आ छाप कुप्‍फीमी मथोक्‍शो मुर आन कली ला श्‍येत गेने। प्रकाश ७:३