आमोस 6:14 - Sunuwar Bible

¹⁴ ए इस्राएल आ खिं ङा मुरपुकी, गो इन पर्बम रागी का ङा मुर आन कली पोक्‍नुङमी। मिनु मेकोपुकीमी इन कली लेबो-हेमाथ रे अराबाह ङा खोला सम्‍म श्‍येत गेशा खेदा पाइनीम” दे मुर नेल्‍ल आन परमप्रभु यावेमी देंत।

आमोस 6:14 ပူးပေါင်းရင်းမြစ်များ

१ राजा 8:65

मिनु सोलोमन नु मेको नु बुक्‍शा बाक्‍शो इस्राएली लेबो-हमाथ रे इजीप्‍त ङा खोला सम्‍म ङा ठेयब हुल नेल्‍लेमी परमप्रभु यावे, इं परमप्रभु आ ङोंइती मेको नाक्‍त रे ७ नाक्‍त सम्‍म नु अर्को ७ नाक्‍त तेम्‍शा, नेल्‍ल पा १४ नाक्‍त सम्‍म चाड मानेमे बाक्‍त।

२ राजा 14:25

मिनु परमप्रभु यावे आ गेय पाइब नु आ लोव़ पाइब इस्राएल ङा गाथ-हफेर सहर ङा अमीत्‍तै आ तौ योना आ पशो परमप्रभु यावे, इस्राएली आन परमप्रभु आ लोव़ गाम्‍माक्‍त। लेबो-हमाथ रे अराबाह ङा समुन्‍द्र सम्‍म इस्राएल ङा सांद लेंशा सेल्‍ब येरोबाम बाक्‍माक्‍त। योना १:१

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

२ राजा 17:6

अस्‍सुर ङा पिपमी होशेआम सासन पशो ९ बर्स दुम्‍मेनु, सामरीया कली ग्रामाक्‍त। मेकोमी इस्राएल ङा मुर आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह सहर नु गोजान ङा खोला हाबोर आ नेक्‍था नु मादी आन सहरम वोइक्‍मी बाक्‍त।

यसैया 7:20

मेको नाक्‍त परमप्रभुमी युफ्रेटीस खोला आइक्‍ची हांबु रे क्‍येट थाप्‍शा चाक्‍शो छूराम, अस्‍सुर ङा पिपमी पिया ङा चां नु गिरशी प्रेक्‍पाइक्‍ब। मेको छूरामी गाल शोक्रे यो प्रेक्‍पाइक्‍ब। २राजा १५:२९

इजीकीएल 47:20

पच्‍छिम गे ङा सांद ठेयब समुन्‍द्र लेबो-हमाथ आ ङोंइती सम्‍म दुम्‍चा माल्‍ब। मेको पच्‍छिम ङा सांद बाक्‍ब।

होसे 10:5

सामरीयामी बाक्‍ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्‍येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्‍सीशो बाक्‍ब। होसे ४:१५

आमोस 3:11

मोपतीके परमप्रभु यावेमी “इ जोरी सत्रुमी इ रागी पुम्‍नीम। मेकोपुकीमी लडाइ तोव़मेनु, गे ब्रुइनीनी। मेकोमी इ बोल्‍यो दरवार नेल्‍ल रोइक्‍नीम” दे परमप्रभु यावेमी देंत।