आमोस 5:9 - Sunuwar Bible

⁹ मेकोमी बोल्‍यो आन कली रीब पा खतम सेल्‍ब। मिनु आन बोल्‍यो दरवार खतम दुम्‍नीम।

आमोस 5:9 ပူးပေါင်းရင်းမြစ်များ

२ राजा 13:17

मिनु एलीशामी “पूर्ब गे ङा झेल रोक्‍को” दे मदा बाक्‍त। मिनु रोक्‍गा बाक्‍त। मिनु एलीशाम मेको कली “ब्रा आ‍पो” दे मदा बाक्‍त। मिनु मेकोमी आबा बाक्‍त। मिनु एलीशाम “परमप्रभु यावे आ अराम रागी कली ग्रातीक ब्रा बाक्‍त। गे अफेक सहरमी अरामी आन कली लडाइ पा ग्रानीनी” दे मदा बाक्‍त।

२ राजा 13:25

मिनु येहो-अहाज आ तौ योआशमी आ आफ रे हजाएल आ तौ बेन-हादादम लडाइ पा ग्राशो सहरपुकी लेंशा ताक्‍गा बाक्‍त। योआशमी खेयप सां मेको कली ग्रामाक्‍त। मिनु मोपा मेकोमी इस्राएल ङा सहरपुकी लेंशा आं के सेला बाक्‍त। २राजा १३:१९

यसैया 29:5

तन्‍न इ जोरी सत्रु आन हुल फुरक खोदेंशो पा शुश दुम्‍नीम। सक्ति पाइश्‍शोपुकी बेरशो भूस खोदेंशो दुम्‍नीम। मेको नेल्‍ल याम कामी दुम्‍ब।

येरमीया 37:10

गेपुकी नु लडाइ पाइब कल्‍दी नेल्‍ल आन कली गे ग्रातीनी हना, मेको आन गार दुम्‍शोपुकी ला आन ताम्‍बुम लीतेक्‍म हना यो, मेकोपुकी जाक्‍शा एको सहर कली मी सुइक्‍नीम” देंत।

आमोस 2:14

थाम्‍पा दोरबपुकी प्रोक्‍‍चा मताइनीम। मिनु बोल्‍यो मुर आन बोल जाम्‍शा लाइब। सक्ति पाइश्‍शोपुकीम यो आंम कली प्रोंइने मचाप्‍नीम।

मीका 5:11

गो इन रागी ङा सहर नेल्‍ल खतम पोक्‍नुङ। गो इन बोल्‍यो दरवार नेल्‍ल प्रेत्‍नुङ।

हिब्रू 11:34

मीम हुम्‍चा पुंइसीशा यो मबेक्‍मा बाक्‍त। तरवारमी क्‍योरचामेनु यो ब्रोंइमा बाक्‍त। मारेइ पने मचाप्‍ब बाक्‍मा बाक्‍त हना यो, पने चाप्‍ब दुम्‍मा बाक्‍त। लडाइ पामेनु यो ठेयब थुं पाइश्‍शो दुम्‍शा, आन जोरी सत्रु आन कली फ्रुशा खेरमे बाक्‍त।