आमोस 5:2 - Sunuwar Bible

² आं मीश आल इस्राएल लेंशा गेनायो मबोक्‍चा ङा पा गोल्‍त। मेको आ रागीमीन प्रोंइचा पुंइसीशो बाक्‍ब। मेको कली पोक्‍ब सुइ मबाक्‍नीम” देंत।

आमोस 5:2 ပူးပေါင်းရင်းမြစ်များ

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

२ राजा 17:16

मेकोपुकीम परमप्रभु यावे, आन परमप्रभु आ शेंशो मटिथु, आंम कली यपाइश्‍शा बाछा निक्‍शी नु मूर्ति पाइश्‍शो थाम का सेल्‍समा बाक्‍त। मेकोपुकी नां, तास्‍ला नु सोरुल आन ङोंइती बाम्‍मा बाक्‍त। मिनु बाल देवता कली पूजा पामे बाक्‍त। १राजा १२:२८; १राजा १६:३३

यसैया 14:21

आन आफ आन मरिम्‍शो पशो आ पर्बम आन तौ आन कली क्‍योरचा कली ठीक दुमीन। मुर आन रागी कली आंम के सेल्‍ब नु रागी कली सहरम प्रिंब कली बोक्‍चा मगेन। प्रस्‍थान २०:५

यसैया 24:20

रागी अङगुर शांबुम दुक्‍शो मुर खोदेंशो पा एर ओंथ हिम्‍सीब। ख्रिनुम हिम्‍शो कटेरा खोदेंशो पा हिम्‍सीब। मुर आन हेंथे पतीकेमी मेको मोदेंशो सेल्‍तु। मिनु रागी गेनायो मबोक्‍चा ङा पा गोल्‍ब।

यसैया 3:8

मिनु यरूसलेम दाइल पांइसीशा गोल्‍त। यहूदा खतम दुम्त। मारदे हना मेकेर ङा मुर आन लोव़ नु आन पतीके परमप्रभु यावे कली काइ मगारचा ङा बाक्‍त। परमप्रभु आंमा मेको आन दातेमी बाक्‍शा यो, मेकोपुकीम महिंथु मरिम्‍शो पना पन बाक्‍नीम।

यसैया 37:22

परमप्रभु यावेमी सन्‍हेरीब आ पर्बम मार देंत देंशा हना ‘सियोन ङा कन्‍ने तमी इ पर्बम शुक्‍शी पा रिश्‍शो बाक्‍ब। यरूसलेम ङा तमीमी इ नोले कोव़शा, आ पिया हिक्‍शो बाक्‍ब।

यसैया 43:17

सुमी बग्‍गी नु शारा, लडाइ पाइब नु बोल्‍यो मुर आन कली मेको लांम सोइक्‍ता? मेकोपुकी गोल्‍शा, बोक्‍ने मचाप्‍नीम। मेकोपुकी सल्‍दो खोदेंशो पा ग्‍याइश्‍शा काप्‍चा पुंइसीनीम। प्रस्‍थान १४:२३-२८

येरमीया 14:17

गे मेको आन कली “आं मिक्‍च रे नाक्‍दो नाक्‍ती प्रेक्‍कु यिशा बाक्‍ल। मारदे हना आं मुर, ग्‍युं‍बे मपशो तमी थाम्‍पा श्‍येत जशो बाक्‍ब। ठेयब गार दुम्‍चा ङा पा मेको तुप्‍चा पुंइसीशो बाक्‍ब। येरमीया१३:१७

येरमीया 18:13

मोपतीके परमप्रभु यावेम “रागी रागी ङा मुर आन दातेम लशा हिल्‍लो पावो। ओदेंशो लोव़ सुम नेंशो बाक्‍नीमी? ग्‍युंबे मपशो मीश आल इस्राएलम थम ग्रांग्रा दिशो गेय पशो बाक्‍ब।

येरमीया 2:27

मेकोपुकीमी रवा कली ‘गे आं आफ नवे’ मिनु फुल्‍लु कली ‘गे आं कली जरमेब नवे’ देंनीम। मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। मो हना यो मेको श्‍येत जामे नाक्‍ती जाक्‍शा ‘आंइ कली प्रोंइकी’ देंनीम। येरमीया ७:२४; येरमीया १८:१७; येरमीया ३२:३३

येरमीया 31:4

गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।

येरमीया 4:20

खतम दुम्‍तीक तार खतम दुम्‍तीक जाक्‍ब। रागी नेल्‍ल मुर मबाक्‍तीक दुम्‍त। आं ताम्‍बु नु फारतीक वा नेल्‍ल याम काम खतम दुम्‍तेक्‍म।

येरमीया 50:32

ठेयब लेश्‍शो मुर दाइल पा गोल्‍ब। मेको कली पोक्‍ब सुइ मबाक्‍नीम। मिनु गो मेको आ सहरम मी सुइक्‍नुङ। मेको मीम मेको आ एर ओंथ बाक्‍ब नेल्‍ल आन कली दाक्‍ब” देंत।

येरमीया 51:64

मिनु “कागज ब्‍वाक्‍कुम ग्रुम्‍शो खोदेंशो पा बेबीलोन आं चाक्‍शो श्‍येत आ पर्बम ग्रुम्‍ब। मेको गेनायो ग्रूने मचाप्‍ब, देंचा माल्‍नेवे” देंत। मोपा येरमीया आ लोव़ नुप्‍त।

येरमीया 8:4

गे मेको आन कली परमप्रभु यावेमी मार देंत, देंशा हना “मुरपुकी गोल्‍नीमी। मिनु मार, मेको लेंशा मबोक्‍नीमी ङा? मिनु सुइ लां जाम्‍शा ग्‍युरा पेरा गे लमानु, मेकोपुकी लेश्‍शा मजाक्‍नीमी ङा?

येरमीया 9:21

बेक्‍पाइक्‍ब झेल रे ङोइश्‍शा आंइ बाक्‍तीकेम ओव़त। मेको आंइ आल आन कली लां रे नु आंइ ठिटा आन कली बुक्‍शा बाक्‍तीक रे साइक्‍चा कली जाक्‍त।

येरमीया 9:9

मार, मोदेंशो पशो आ पर्बम गो मेको आन कली सजाइ मगेनुङमी? ओदेंशो रागी ङा मुर आन कली गो सजाइ गेचा माल्‍नुङ” दे परमप्रभु यावेम देंत। येरमीया ५:९,२९

बिलाप 2:13

ए यरूसलेम आ तमी, गो इ पर्बम मार देंङा? गो इ कली मार नु थाप्‍तु? ए सियोन आ कन्‍ने तमी इ थुं बार‍पाइक्‍चा कली इ कली मार नु थाप्‍तु? इ श्‍येत समुन्‍द्र खोदेंशो पा ठेयब बाक्‍ब। सुइम इ कली सापाइक्‍ने मच‍ब।

होसे 14:1

गे इस्राएली, परमप्रभु यावे, इन परमप्रभु गे लेश्‍शा जाक्‍कीन। मारदे हना गे इन मरिम्‍शो पतीके रे खतम दुम्‍तीनी।

होसे 6:2

नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९

आमोस 8:14

सु सु सामरीया ङा देवता अशीमाह आ नेंमी कसम जशा ‘ए दान, इ देवता ब्रोंइशा बाक्‍शो खोदेंशो पा’ नु ‘बेयर-शेबा ङा देवता ब्रोंइशा बाक्‍शो खोदेंशो पा’ देंशा कसम जाइब नेल्‍ल गेनायो मबोक्‍चा ङा पा गोल्‍नीम” दे परमप्रभु यावेमी देंत। न्‍यायाधीस १८:३०

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७