आमोस 4:7 - Sunuwar Bible

⁷ मिनु “गो इन अन्‍न खुप्‍चा क्‍येङा महिना सां ङोंइती रेउ मयिपदु। गो सहर का कली रेउ यिपाइक्‍ता, अर्को सहर कली मयिपदु। मिनु रू कामी रेउ यिपाइक्‍ता, अर्को रूम मयिपदु। मिनु मेको सोव़त। १राजा १७:१

आमोस 4:7 ပူးပေါင်းရင်းမြစ်များ

प्रस्‍थान 10:22

मिनु मोसामी आ गुइ सरीङ गे पोक्‍तु। मिनु इजीप्‍त रागीमी नाक्‍त सां सम्‍म शुश छिङछिङ दुम्‍त। मारेइ मतांइस।

प्रस्‍थान 10:23

मिनु मेकोपुकी मतमुथु, आन बाक्‍तीक रे बोक्‍ने मचबेम। तन्‍न इस्राएली आन बाक्‍तीकेमी चहिं छेङछेङ बाक्‍त।

प्रस्‍थान 8:22

मेको मो दुम नाक्‍ती आं मुर आन बाक्‍तीक गोशेनमी चहिं डांस मग्रूपाइक्‍नुङ। अरु इजीप्‍त रागीमी ग्रूपाइक्‍नुङ। आं पर्बम तुइक्‍पाइक्‍चा कली मो पाइनुङ। मिनु गे आं पर्बम परमप्रभु यावे मेको रागीम बाक्‍ब, दे तुइक्‍चा माल्‍नेवे। प्रस्‍थान ७:५

प्रस्‍थान 9:26

इस्राएली आन बाक्‍तीके गोशेनमी ला मुप्‍स मयी। प्रस्‍थान ९:४; प्रस्‍थान ८:१८

प्रस्‍थान 9:4

तन्‍न इस्राएली आन बस्‍तु भाव आन कली रोइ मपपाइक्‍ब। इजीप्‍त ङा मुर आन बस्‍तु भाव आन कली चहिं रोइ पपाइक्‍ब। इस्राएली आन बस्‍तु भाव मबेक्‍नीम’ दे फाराओ कली माइक्‍चा माल्‍नेवे” दे परमप्रभु यावेमी मोसा कली दें‍त। प्रस्‍थान ८:१८

यसैया 5:6

गो मेको कली खतम सेल्‍नुङ। मेको कली ममुंइ‍नुङ, मरोक्‍‍नुङ। मिनु चू नु चोंक वाशा, सुम्‍नीम। गो गोस्‍स कली “रेउ मयिपतो” दे माइक्‍नुङ।

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

येरमीया 14:3

मेकेर ङा ठेयब मुरपुकीम आन वाइल आन कली ब्‍वाक्‍कु ब्रथ सोइक्‍नीम। मिनु मेकोपुकी कुवाम लमानु ब्‍वाक्‍कु मथित्‍नीम। मिनु मेकोपुकी श्‍येत्‍थ ग्‍योंब कुरशा लेश्‍शा जाक्‍नीम। मिनु मेकोपुकी मुने दोक्‍शा मारेइ पने मचाप्‍ब दुम्‍शा, आमाइ, दे हिंशा आन पिया सुम्‍सीनीम।

येरमीया 14:4

रागीम रेउ मयितीके रागी नेल्‍ल सोव़शा जेश्‍शो बाक्‍ब। रू ङा गेय पाइबपुकी मारेइ पने मचाप्‍ब दुम्‍शा, आमाइ, दे आन कुल सुम्‍सीनीम। योएल १:११

येरमीया 3:3

मोपतीके रेउ मयिशो बाक्‍त। मिनु बर्खा ङा रेउ मयी। मो हना यो गे मुने मपाइश्‍शो बाक्‍नेवे। गे इ मुनेम लल मजिनेवे। येरमीया ३:१९; येरमीया ३१:९; यसैया ६३:१६

योएल 2:23

गे सियोन ङा मुरपुकी ग्‍येरसीन। गेपुकी परमप्रभु यावे, इन परमप्रभु आ पर्बम शुश ग्‍येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्‍त। मेकोमी इन कली शुश रेउ गेशो बाक्‍त। ङोंइती नु नोले ङा रेउ ङोंइती खोदेंशो पा गेशो बाक्‍त। येरमीया ५:२४

जकरिया 14:17

मिनु तेको रागी नु खिं ङा मुर नु पिप, मुर नेल्‍ल आन परमप्रभु यावे कली मान पा ठेयब सेल्‍चा कली यरूसलेम मलाम्‍तेक्‍म हना, मेको आन कली रेउ मयीब।

यूहन्‍ना 4:35

गेपुकीमी ‘४ महिना नोले बाली नाली रुप्‍‍ची जाक्‍ब’ देंनीनी। गो चहिं रू कोव़ङीन, हो हो पा मीशा, रुप्‍ची जाक्‍‍शो बाक्‍ब। मत्ती ९:३७

१ कोरिन्‍थी 4:7

सुमी इन कली ठेयब सेल्‍नी? इन पशोमी ठेयब दुम्‍नी ङा? परमप्रभु यावे आ शिशी पशोमी कका ठेयब दुम्‍शो ननी। मिनु परमप्रभु यावे आ गेशोमी ठेयब लेत्‍चा दुम्‍बा ङा?

ब्‍यवस्‍था 11:17

परमप्रभु यावेमी गाइश्‍शा रागीम रेउ मयिपाइक्‍ब। मिनु मारेइ खुप्‍चा मताइनीनी। मिनु परमप्रभु यावेमी इन कली गेशो रिम्‍शो रागी रे क्‍याम्‍ब। ब्‍यवस्‍था २८:२३-२४; लेवी २६:१९-२०

याकूब 5:17

एलीया इं खोदेंशो मुर का बाक्‍माक्‍त। मेकोमी परमप्रभु यावे कली “रेउ यिचा मगेने” दे शुश पुना बाक्‍त। मिनु बर्स सां ६ महिना सम्‍म रागीम काइ रेउ मयिमाक्‍त। १राजा १७:१; लूका ४:२५

प्रकाश 11:6

मेको निक्‍शीमी परमप्रभु यावे आ लोव़ पाम्‍सेनु, रेउ मयिपाइक्‍ने चाप्‍नीस। मेकोमी ब्‍वाक्‍कु के हुश सेल्‍ने चाप्‍नीस। मिनु रागी कली मार श्‍येत गेचा दाक्‍तसे, मेकोन पने चाप्‍नीस। गिश खेयप मो पचा दाक्‍तसे, मिश खेयप यो पने चाप्‍नीस। १राजा १७:१; प्रस्‍थान ७:१९-२०