आमोस 4:2 - Sunuwar Bible

² परमप्रभु यावेमी आ नेंम कसम जशो बाक्‍ब। मेकोमी “नेनीन, इन कली कोंङगुम कीशा लाइक्‍नीम। इन लीशो आन कली बोल्‍सीमी ब्‍वेक्‍शा लाइक्‍तीक नाक्‍त जाक्‍ब।

आमोस 4:2 ပူးပေါင်းရင်းမြစ်များ

भजन संग्रह 89:35

गो आं नेंमी काले कसम जाता, गो दाऊद कली जोल मपाइनुङ।

भजन संग्रह 89:36

मेको आ चच युइ गेना हना यो लीनीम। मिनु मेको आ सासन पतीके आं ङोंइती नां बाक्‍म सम्‍म बाक्‍ब। भजन संग्रह ७२:१७

यसैया 37:29

मारदे हना गे आं पर्बम गाइक्‍तीनु, इ ठेयब लेश्‍शो नेंता। मोपतीके गो इ नेंम बोल्‍सी का ब्‍वेक्‍नुङ। मिनु इ शोव़मी लगम पाइश्‍शा इ जाक्‍शो लां लेप्‍पाइश्‍शा सोइक्‍नन’ देंत, दे मतीन” दे मुर सोइताक्‍मी।

येरमीया 16:16

मुल गो शुश ग्‍याइल आप्‍ब आन कली ब्रेश्‍शा सोइक्‍नुङमी। मिनु मेकोपुकीमी मेको आन कली ग्‍याइक्‍नीम। नोले गो लेंशा शुश सिखारी आन कली ब्रेश्‍शा सोइक्‍नुङमी। मिनु मेकोपुकीमी, मेको आन कली तेकोइ डांडा नु तेकोइ पहाड नु सेरथे फुल्‍लु ङा का‍क्‍पे रे माल्‍शा ग्रुंइनीम।

इजीकीएल 29:4

गो इ शांपेम बोल्‍सी ब्‍वेक्‍नुङ। मिनु गो इ खोला ङा ङांइ इ कत्‍लापुकीमीन क्‍येप्‍पाइक्‍नुङमी। गो खोला ङा ङांइ इ कत्‍लाम क्‍येप्‍पाइश्‍शा, इ कली खोला रे कीशा ग्रुंइनन।

इजीकीएल 34:16

गो जाम्‍शो आन कली माल्‍नुङमी। हेंथे गाक्‍शो आन कली माल्‍शा थिश्‍शा चाक्‍नुङमी। गो गार दुम्‍शो आन कली ओख्‍ती ख्रेक्‍नुङमी। मचाप्‍शो आन कली बोल्‍यो सेल्‍नुङमी। तन्‍न गो दोम्‍शो नु सक्ति पाइश्‍शो आन कली साइक्‍नुङमी। गो मेको आन कली ठीक पा योव़नुङमी” देंत।

इजीकीएल 38:4

गो इ कली हिरनुङ। गो इ शांपेम बोल्‍सी ब्‍वेक्‍नुङ। गो इ कली, इ लडाइ पाइब नेल्‍ल, इ शारा नु इ शारा ङोइक्‍ब, या कुरब नेल्‍ल आन ग्रुंइनुङ। ठेयब नु आइक्‍च तेक्‍तीक कुरब, आन तरवार शेशा बाक्‍नीम।

आमोस 6:8

परमप्रभु यावेमी आ नेंमी कसम जशो बाक्‍ब। मिनु मुर नेल्‍ल आन परमप्रभु यावेमी “गो याकूब आ ठेयब लेश्‍शो तशा ग्रांग्रा दीनुङ। मेको आ बोल्‍यो दरवार आन कली काइ मदाक्‍नुङ। गो एको सहर नु आ मार मार नेल्‍ल आन जोरी सत्रु आन गुइमी गेनुङमी” देंशो बाक्‍ब।

आमोस 8:7

परमप्रभु यावेमी याकूब आ सोशो बोशो मिम्‍शा, कसम जाप्‍तु। मार कसम जाप्‍तु देंशा हना “गो मेको आन पशो गेनायो मप्रेंनुङ।