आमोस 4:10 - Sunuwar Bible10 गो इन दातेम इजीप्त रागी कली खोदेंशो पा बेक्चा ङा रोइ सोइक्ताक्ङ। गो इन ठिटा आन कली तरवारमी क्योरशा साइक्पाइक्तामी। इन शारा रोइक्पाइक्तामी। इन बाक्तीक ङा मरिम्शो रिना इन नें आगाम प्रिंताक्ङ। मो हना यो गेपुकी आं गे मलेन्नी” दे परमप्रभु यावेमी देंत। प्रस्थान ९:३ အခန်းကိုကြည့်ပါ။ |
आमोस 4:10
42 ပူးပေါင်းရင်းမြစ်များ
मिनु हजाएलम “ए आं प्रभु, गे मारदे ङाक्नी?” दे हिल्लो पवा बाक्त। मिनु मेकोमी हजाएल कली “गेम इस्राएल ङा मुर आन कली काइ मरिम्शो पशो तुइक्नुङ। गे मेको आन दरवारम मी सुइक्नेवे। मिनु मेको आन ठिटा मुर आन कली तरवारम क्योरनेवे। मेको आन आइक्च आल आन कली खपीम राप्शा साइक्नेवे। मेको आन कोव़ज कुरशो मीश मुर आन कोव़ज पाक्नेवे” दे मदा बाक्त। २राजा १०:३२
मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टिशा, आं अरेशो लोव़ टीतीनी हना, गो इजीप्त रागी ङा मुर आन कली पपाइश्शो रोइ इन कली मपपाइक्नुङ। मारदे हना गो इन कली सापाइक्ब परमप्रभु यावे नङ” देंत। ब्यवस्था ७:१५; उत्पत्ती २०:१७; ब्यवस्था ३२:३९; भजन संग्रह ३०:३; यसैया ५७:१८
मोपतीके परमप्रभु यावेम मेको आन वोंइश आल आन कली तशा, शिशी मपावो। मेको आन रोम रोइक्च नु वोंइश बेक्शो मीश मुर आन कली तशा यो शिशी मपावो। मारदे हना मेको नेल्ल परमप्रभु आ अरेशो मटीब दुम्शा, काइ मरिम्शो पाइब ला बाक्तेक्म। मिनु नेल्लेमी मरिम्शो लोव़ पाम्तेक्म। मोपा यो परमप्रभु आ गाइश्शो मनाइक्थु, आ गुइ दिंस ङा दिंस बाक्त।
मिनु “परमप्रभु यावे, गे थमा लोव़ तचा ममाल्नीनी ङा? गे मेको आन कली तुप्तीनी। तन्न मेकोपुकी मखाइक्म। गे मेको आन कली खतम सेल्तीनी। तन्न मेकोपुकीमी इन देंशो पचा मबित्नीम। मेकोपुकीम आन कुल फुल्लु क्येङा यो खकटा सेल्तेक्म। मेकोपुकी लेश्शा जाक्ने मबिस्सम। येरमीया २:३०; येरमीया७:२८; येरमीया ९:२; यसैया ४८:४
गो उत्तर रे जाक्शो लडाइ पाइब आन कली इन क्येङा ङोन खेरनुङमी। गो मेको आन कली कोक्त। मुल गोरशो रागीमी खेरनुङमी। मेको आन ङोंइती ङा हुल आन कली पूर्ब ङा समुन्द्र गे नु मेको आन नोले ङा हुल आन कली पच्छिम ङा समुन्द्र गे खेरनुङमी। मिनु मेको आन राक्शो रिना इर गे लाइब” दे परमप्रभुमी देंत। मेकोमी थमा पा ठेयब गेय पशो बाक्ब।
ကြော်ငြာတွေ