आमोस 3:15 - Sunuwar Bible

¹⁵ गो हिंउदमी बाक्‍तीक खिं नु हुप्‍शोमी बाक्‍तीक खिं निम्‍फा प्रेत्‍नुङ। मिनु हात्ती आ दाराम दारशो सेल्‍शो खिं ब्रेत्‍नीम। मिनु ठेयब खिंपुकी यो खतम सेल्‍नुङ” दे परमप्रभु यावेमी देंत। १राजा २२:३९; भजन संग्रह ४५:९

आमोस 3:15 ပူးပေါင်းရင်းမြစ်များ

१ राजा 22:39

आहाब आ पशो अरु गेय, मेको आ पशो नेल्‍ले, मेको आ सेल्‍शो हात्ती आन ख्रुइ के खिं नु मेको आ सेल्‍शो सहरपुकी, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?

भजन संग्रह 45:8

इन वा नेल्‍ल एलोव़, मूरे नु ब्रोव़शो रिना पाइश्‍शो बाक्‍नीम। हात्ती आ दारामी दारपाइश्‍शो दरवारम बाक्‍शा, तार पाइश्‍शो ताप्‍तीके ताप्‍शा इन कली ग्‍येरपाइक्‍ब।

यसैया 5:9

मुर नेल्‍ल आन परमप्रभु यावेमी “थमा पा इन खिं नेल्‍ल ब्रेत्‍नीम। मेको ब्रेश्‍शो खिं दारशो नु ठेयब बाक्‍तेक्‍म हना यो, मुर मबाक्‍नीम।

येरमीया 36:22

मेना मेको बर्स ङा ९ महिना बाक्‍तीके, पिप हिंउदम बाक्‍तीके, खिंम बाक्‍शो बाक्‍त। मेको आ ङोंइती मी ब्रशो बाक्‍त।

आमोस 2:5

मोपतीके गो यहूदा रागीम मी सुइक्‍नुङ। मेकोमी यरूसलेम ङा बोल्‍यो दरवार खतम पोक्‍ब” दे परमप्रभु यावेमी देंत। होसे ८:१४

आमोस 3:11

मोपतीके परमप्रभु यावेमी “इ जोरी सत्रुमी इ रागी पुम्‍नीम। मेकोपुकीमी लडाइ तोव़मेनु, गे ब्रुइनीनी। मेकोमी इ बोल्‍यो दरवार नेल्‍ल रोइक्‍नीम” दे परमप्रभु यावेमी देंत।

आमोस 5:11

मारदे हना गे प्रुङग आन कली दिम्‍‍नीनी। मेको आन कली गेन कि गेन, दे शुश अन्‍न थाप्‍पाइक्‍नीनी। गे ख्रोइश्‍शो फुल्‍लु के खिं सेल्‍तीनी। तन्‍न मेकेर बाक्‍चा मताइनीनी। रिम्‍शो अङगुर रू सेल्‍तीनी। तन्‍न अङगुर शांबु तूचा मताइनीनी। सेफन्‍याह १:१३

आमोस 6:11

मारदे हना परमप्रभु यावेमी हुकुम पाइब। मिनु ठेयब खिं कली प्रेप्‍ब। मिनु आइक्‍च खिं यो प्रेप्‍ब।

मलाकी 1:4

मिनु एदोम ङा मुरपुकीमी “गोपुकी ब्रुंइसाक्‍व हना यो, गो लेंशा मेको ब्रेश्‍शो नेल्‍ल सेल्‍नीकी” देंतेक्‍म। मुर नेल्‍ल आन परमप्रभु यावेमी “मेकोपुकीमी सेल्‍तेक्‍म हना यो, गो प्रेत्‍नुङ। मिनु अरु मुरपुकीमी मेको आ पर्बम ‘एको ठीक मपाइब रागी का बाक्‍ब। परमप्रभु यावे मेको रागी तशा, गेना हना यो गाइक्‍ब’ ” देंनीम।

न्‍यायाधीस 3:20

मिनु मेको पिप आ दरवार ङा तला तारी सितल कोठामी बाक्‍शो बाक्‍माक्‍त। मिनु एहूद मेको आ ङोंइती जाक्‍शा “परमप्रभु रे पा गो इन कली लोव़ का देंचा माल्‍नुङ” देंमाक्‍त।