आमोस 3:14 - Sunuwar Bible

¹⁴ गो तेको नाक्‍त इस्राएल कली आ मरिम्‍शो पशो आ पर्बम सजाइ गेनुङा, मेको नाक्‍त गो बेथेल ङा चढ़ेतीक कली यो सजाइ गेनुङ। मिनु चढ़ेतीक ङा ग्रोव़पुकी बेल्‍शा खपीम दोक्‍नीम।

आमोस 3:14 ပူးပေါင်းရင်းမြစ်များ

२ राजा 23:15

मिनु मेकोम इस्राएली आन कली पाप पपाइक्‍ब नेबात आ तौ येरोबामम बेथेल ङा डांडाम सेल्‍शो थान यो प्रेप्‍पदा बाक्‍त। मेकोम चढ़ेतीक नु थाम यो खतम सेल्‍पदा बाक्‍त। मेको थान क्रोइश्‍शा, पुलु सेल्‍पदा बाक्‍त। मेकोमी मेको मूर्ति पाइश्‍शो थाम यो चोपदा बाक्‍त। मिनु मेको कली फस पोक्पदा बाक्‍त। मेकोम अशेराह आ थाम यो चोपदा बाक्‍त। १राजा १२:३२

२ इतिहास 31:1

मिनु मेको नेल्‍ल नुप्‍शा नोले यरूसलेम जाक्‍शो इस्राएली नेल्‍ल यहूदा ङा सहरपुकीम लशा, पूजा पतीक ख्रुक्‍शो फुल्‍लु प्रेत्‍मे बाक्‍त। मूर्ति पाइश्‍शो थाम खोल्‍मे बाक्‍त। यहूदा, बेन्‍यामीन, एफ्राइम नु मनस्‍से रागी नेल्‍ल ङा डांडा ङा थान बुल बाल उइश्‍शा ताइक्‍तमे बाक्‍त। मिनु नोले इस्राएली आन आन सहर नु आन आन बाक्‍तीकेम लेम्‍मा बाक्‍त। २इतिहास २९:-; ब्‍यवस्‍था ७:५; २राजा १८:४

प्रस्‍थान 32:34

तन्‍न मुल लावो। मेको मुर आन कली आं देंशो रागी लाइक्‍मी। नेनो, आं स्‍वर्ग ङा गेय पाइब इ ङोंइङोंइती सोइक्‍नुङ। तन्‍न काबु मेको आन कली पाप पशो आ पर्बम सजाइ गेनुङ” दें‍त। प्रस्‍थान ३३:२,१४; गन्‍ती १४:२७-३०

आमोस 2:8

मेको आन देवता थानम जाकटी वोइश्‍शो वा तार बाक्‍शा, सजाइ आ पा ङा थाप्‍शो क्‍येटीम, अङगुर शांबु ग्‍याप्‍शा तूनीम। प्रस्‍थान २२:२५

आमोस 4:4

मिनु परमप्रभु यावेमी “बेथेल सहरम ल‍शा, मरिम्‍शो पने। गिल्‍गालमी लशा, मेको क्‍येङा यो शुश मरिम्‍शो पने। सुनी कुस कुस इन चढ़ेतीक चाक्‍कीन। नाक्‍त सां सांमी इन १० भाग ङा भाग का चाक्‍कीन। होसे १२:१२; ब्‍यवस्‍था १४:२८

आमोस 7:10

मिनु बेथेल ङा चढ़ेब अमस्‍याहमी इस्राएल ङा पिप येरोबाम कली “इस्राएल आ खिं ङा मुर आन दातेमी इस्राएलम बाक्‍ब आमोसमी इन पर्बम मरिम्‍शो पाइब। एको रागीमी मेको आ लोव़ फाल्‍ने मचाप्‍ब।

आमोस 7:13

बेथेलमी लेंशा गेनायो परमप्रभु यावे आ लोव़ मपावो। मारदे हना मेको पिप आ देवी देवता थान नु राज्‍य ङा पूजा पतीके बाक्‍ब” देंत। १राजा १२:२८-२९

आमोस 7:9

इसहाक आ डांडा ङा थान खतम दुम्‍नीम। मिनु इस्राएल ङा थान नेल्‍ल ब्रेश्‍शा जाम्‍शा लाइनीम। मिनु गो तरवार शेशा येरोबाम आ खिं ङा मुर साइक्‍चा कली बोक्‍शा लाइनुङ” देंत।

आमोस 9:1

गो परमप्रभु कली चढ़ेतीक आ नेक्‍था राप्‍शो ताता। मिनु मेकोमी आं कली “लाप्‍चो ङा शी शुश हिम्‍पाइक्‍चा कली थाम आन ङर तुपो। मिनु ब्रेश्‍शा मुर नेल्‍ल आन पिया तार दोक्‍नीम। मिनु ब्रोंइशा लीशो आन कली तरवारमी क्‍योरनुङमी। मेको आन दाते ङा का यो प्रोक्‍चा मताइनीम। का यो ब्रोंइचा मताइनीम।