आमोस 2:4 - Sunuwar Bible4 मिनु परमप्रभु यावेमी “गो यहूदा आ ३ खेयप नु ४ खेयप मरिम्शो पशो आ पर्बम ततीके सजाइ मतेक्नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्लुम मुशा ब्रेक्शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्शा हेंथे गाक्तेक्म। အခန်းကိုကြည့်ပါ။ |
आमोस 2:4
53 ပူးပေါင်းရင်းမြစ်များ
तन्न गेपुकीम आं लोव़ मनेंतीनी हना, नाइक्तीक नाक्ती आं नाक्त बाक्ब, दे ममिम्ताक्नी हना नु नाइक्तीक नाक्त भारी कुरशा यरूसलेम ङा ठेयब लाप्चो आगा ओव़तीनी हना, आं देंशो मबिस्साक्नी हना, गो यरूसलेम ङा ठेयब लाप्चोमी गेनायो मकाप्ब मी जेत्नुङ। मिनु मेकोमी यरूसलेम ङा दरवार दाक्ब” दे परमप्रभु यावेमी देंत। इजीकीएल २०:१२-१३
मिनु मेको रुश नेल्ल, नां, तास्ला नु सोरुल आन ङोंइती फ्रचा माल्नीम। मारदे हना मेको मुरपुकीमी मेको आन कली गेय पा शुश दाक्ताक्म। मेको आन नोले खोइक्ब दुम्तेक्म। मेको आन कली लां कोंइब सेल्शा पूजा पाम्तेक्म। मेको रुश आन कली खुप्शा थिम्चा मदुम्ब। मेको खप कली मोव़ल दुम्चा माल्नीम। ब्यवस्था ४:१९
तन्न इस्राएल आ खिं ङा मुरपुकीमी गोरशो रागीम आं कली मटीयीमी। मेकोपुकीम आं फुल्लुम मुशा ब्रेक्शो लोव़ नु आं निसाफ पतीक लोव़ मपामे। मेको टिशा पाइब मुर मेको रे ब्रोंइनीम। मेकोपुकीमी आं नाइक्तीक नाक्त ग्रांग्रा दिशो सेल्तेक्म। मिनु गो एको गोरशो रागीमीन आं चुरशो मोइश्शा मेको आन कली साइक्नुङमी, दे मिम्ताक्ङ। प्रस्थान ३२:१०-१२
मिनु इस्राएलीपुकीमी लेंशा परमप्रभु यावे आ ङोंइती मार मरिम्शो बाक्मे, मेको पामे बाक्त। मेकोपुकीमी बाल, अश्तारोथ नु देवी देवता आन कली ठेयब सेल्मे बाक्त। मिनु अराम, सीदोन, मोआब नु अम्मोनी नु पलिस्ती आन देवी देवता कली यो ठेयब सेल्मे बाक्त। मोपा परमप्रभु यावे कली प्रोंइशा, मेको कली ठेयब मसेल्मे बाक्त।
ကြော်ငြာတွေ