आमोस 2:10 - Sunuwar Bible

¹⁰ मिनु गो इन कली एमोरी आन रागी गेचा कली इजीप्‍त रागी रे ग्रुंइशा ४० बर्स सम्‍म गोरशो रागीमी लां कोंइशा गाक्‍पाइक्‍तन्‍नी।

आमोस 2:10 ပူးပေါင်းရင်းမြစ်များ

नेहेम्‍याह 9:21

गे मेको आन कली ४० बर्स सम्‍म गोरशो रागीमी मारेइ ममाल्‍चा ङा पा थुल्‍तीनी। मेको आन वा मजेक्‍म, आन खोइल यो गेनायो महोम्‍म। ब्‍यवस्‍था ८:४

भजन संग्रह 95:10

गो ४० बर्स सम्‍म मेकोपुकी नु गाइक्‍ताक्‍ङ। एको दूली पाइब मुर बाक्‍नीम। आं कली मटीब बाक्‍नीम।

प्रस्‍थान 12:51

मिनु मेको नाक्‍ती परमप्रभु यावेमी इस्राएली थर आन कली हुल हुल पा इजीप्‍त रागी रे ग्रुंइताक्‍व।

प्रस्‍थान 20:2

“गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३

प्रस्‍थान 3:8

मिनु मेको आन कली इजीप्‍त रागी ङा मुरपुकीम गेशो श्‍येत रे प्रोंइनुङमी। गो आं मुर आन कली रिम्‍शो नु ठेयब रागी लाइक्‍नुङमी। मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। मेको रागी कनानी, हित्ती, एमोरी, परिज्‍‍जी, हिव्‍वी नु यबुसी आन बाक्‍तीक रागी बाक्‍ब।

येरमीया 2:6

मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५

इजीकीएल 20:10

मोपतीके गो मेको आन कली इजीप्‍त रागी रे ग्रुंइशा गोरशो रागीम चाक्‍तामी।

आमोस 3:1

इस्राएल ङा मुरपुकी, परमप्रभु यावेमी इन पर्बम लोव़ का पाप्‍तु। मेको लोव़ नेनीन। मेकोमी “एको लोव़ इजीप्‍त रागी रे आं चाक्‍शो खिं ङा मुर नेल्‍ल आन पर्बम बाक्‍ब।

आमोस 9:7

मिनु परमप्रभु यावेमी इस्राएल ङा मुर आन कली “गे आं कली एथीयोपीया ङा मुर खोदेंशो बाक्‍नीनी। गो इस्राएली आन कली इजीप्‍त रागी रे, पलिस्‍ती आन कली काफ्‍तोर रागी रे नु अरामी आन कली कीर रागी रे ग्रुंइशा चाक्‍शो मनङमी ङा?” देंशो बाक्‍ब। ब्‍यवस्‍था ७:७; येरमीया ४७:४

मीका 6:4

गो इन कली इजीप्‍त रे एक चाक्‍तन्‍नी। मिनु इन वाइलीम वाइल दुम्‍शो रागी रे प्रोंइतन्‍नी। इन कली लां कोंइचा कली मोसा, हारून नु मिरयाम आन कली सोइक्‍ताक्‍ङमी। प्रस्‍थान १५:२०

गन्‍ती 13:32

मोपा मेकोपुकीमी क्‍यारी पथ लतीक रागी आ पर्बम मरिम्‍शो लोव़ नेंपाइश्‍शा “गोपुकीमी क्‍यारी पथ लशो रागीमी आ मुर आन कली साइक्‍ब ताइतक। मिनु आंइ तशो मुरपुकी थम ठेयब बाक्‍नी‍म।

गन्‍ती 21:25

इस्राएलीपुकीम मेको सहर नेल्‍ल आन के सेल्‍तेक्‍म। मिनु मेकोपुकीम एमोरी आन सहर नेल्‍ल नु हेश्‍बोन नु मेको आ एर ओंथ ङा गाउं नेल्‍लेम बाक्‍तेक्‍म।

गन्‍ती 32:13

मिनु मोसामी “परमप्रभु यावे इस्राएली आन पर्बम गाइक्‍ताक्‍व। मिनु मेकोमी मेको आन कली ४० बर्स सम्‍म गोरशो रागीम हिरपाइक्‍तीमी। परमप्रभु यावे आ ङोंइती मरिम्‍शो पाइब मबेक्‍म सम्‍म मोदेंशो पाप्‍तु।

प्रेरित 13:18

मिनु ४० बर्स सम्‍म गोरशो रागीमी लां कोंइना कोंइन लाइक्‍मीनु, मेकोपुकीमी आ लोव़ मटिम्‍तेक्‍म हना यो, फाल्‍शा रिम्‍शो पाइक्‍मी बाक्‍त। भजन संग्रह १०६:१३-३३

प्रेरित 7:42

मेकोपुकीमी मो पशो तशा, परमप्रभु यावे गाइश्‍शा ‘मेकोपुकी नां नु तास्‍ला कली सेउ पाइब दुम्‍ल’ दे प्रोंइमी बाक्‍त। परमप्रभु यावे आ लोव़ पाइबमी ‘गे इस्राएलीपुकी, गोरशो रागीम ४० बर्स सम्‍म हिरशा गाक्‍नीनु, मार मार क्‍योरशा जारशा, आं कली चढ़ेनी ङा?

ब्‍यवस्‍था 1:39

मिनु गेपुकीमी इन आल ब्रेप्‍च आन पर्बम ‘मेको गोरशो रागीमी बेक्‍नीम’ देंतीनी। तन्‍न मेकोपुकी ओव़चा ताइनीम। इन आइक्‍च तौपुकी ओव़चा ताइनीम। मेको रागी मेको आन कली गेनुङ। मिनु मेकोपुकीमी मेको रागी आंम के सेल्‍नीम।

ब्‍यवस्‍था 2:7

मारदे हना परमप्रभु यावे, इन परमप्रभुमी इन पशो नेल्‍लेमी इन कली आसीक गेशो बाक्‍ब। गेपुकी मेको ठेयब गोरशो रागीम गाक्‍नीनु, इन कली कोव़तु। मिनु परमप्रभु यावे, इन परमप्रभु ४० बर्स सम्‍म गेपुकी नु बाक्‍त। इन माल्‍शो नेल्‍ल ताइतीनी’ दे परमप्रभुमी देंत। गन्‍ती १४:३३

यहोसु 13:4

मिनु दक्‍खिन गे कनानी आन रागी नेल्‍ल नु सीदोनी आन मेआरा रागी रे लाइश्‍शा, अफेक सहर एमोरी आन सांद सम्‍म लीशो बाक्‍नी‍म।

यहोसु 24:8

मिनु गो इन कली यर्दन आ पूर्ब एमोरी आन रागीमी चाक्‍‍ता। मिनु मेकोपुकीमी गेपुकी नु लडाइ पाम्‍तेक्‍म। मिनु गो मेको आन कली इन गुइमी गेता। गो मेको आन कली इन ङोंइती खतम सेल्‍ता। मिनु गेपुकीमी मेको आन रागी आंम के सेल्‍तीनी। गन्‍ती २१:२५,३१