आमोस 2:1 - Sunuwar Bible

¹ परमप्रभु यावेमी “गो मोआब आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी एदोम ङा पिप आन रुश चोप्‍तु। यसैया १५:-; येरमीया ४८:-

आमोस 2:1 ပူးပေါင်းရင်းမြစ်များ

२ राजा 3:9

मोपतीके इस्राएल ङा पिप, यहूदा ङा पिप नु एदोम ङा पिप गारशा, लडाइ पथ लमा बाक्‍त। मिनु मेकोपुकी ७ नाक्‍त सम्‍म गाक्‍मानु, लडाइ पाइब नु आन लाइश्‍शो बी ब्‍यफ आन कली तूतीक ब्‍वाक्‍कु मबाक्‍माक्‍त।

हितोपदेस 15:3

परमप्रभु यावेमी नेल्‍ल ताइब। मेकोमी रिम्‍शो पाइब नु मरिम्‍शो पाइब नेल्‍ल आन कली ताइब। २इतिहास १६:९

यसैया 11:14

मिनु मेको निक्‍शी पलिस्‍ती नु लडाइ पचा कली पच्‍छिम गे बारनीस। मेकोपुकी गारशा, पूर्ब ङा मुर आन मारेइ मारेइ रोइक्‍नीम। एदोमी नु मोआबी आन कली लडाइ तोइनीम। अम्‍मोनीपुकीमी मेको आन देंशो टीनीम।

यसैया 16:6

गो मोआब आ ठेयब लेश्‍शा पशो लोव़ नेंतय। मेको थम ठेयब लेश्‍शो बाक्‍ब। मेको आ ठेयब लेत्‍तीके नु बोरशा लोव़ पतीके फश खोदेंशो बाक्‍ब।

यसैया 25:10

मारदे हना परमप्रभु यावे आ गुइ मेको डांडा तार बाक्‍ब। मिनु मोआब रागी ङा मुर आन बाक्‍तीके दिम्‍चा पुंइसीनीम। मेको नेल्‍ल मोव़ल वोइक्‍तीके खोदेंशो पा दिम्‍चा पुंइसीनीम।

येरमीया 25:21

एदोम, मोआब नु अम्‍मोन ङा मुर नेल्‍ल आन कली,

आमोस 1:11

मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७

आमोस 1:13

मिनु परमप्रभु यावेमी “गो अम्‍मोन आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीम गिलाद ङा आल कुरशो मीश मुर आन कोव़ज तरवारम चेत्‍तेक्‍म। मेको आन रागी ठेयब सेल्‍चा कली मो पाम्‍तेक्‍म। येरमीया ४९:१-६

आमोस 1:3

मिनु परमप्रभु यावेमी मार देंत देंशा हना “गो दमस्‍कस आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी गिलाद ङा मुर आन कली फलाम के ख्रुइ पाइश्‍शो दांदेमी दांइ पाम्‍तेक्‍म। यसैया १७:१-३

आमोस 1:6

मिनु परमप्रभु यावेमी “गो गाजा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली ग्‍याइश्‍शा लाइश्‍शा एदोम आ गुइमी लेयतु। २इतिहास २१:१६-१७; २इतिहास २८:१८; येरमीया ४७:१

आमोस 1:9

मिनु परमप्रभु यावेमी “गो टायर आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली एदोम आ गुइमी गेप्‍तु। मिनु आंम लोक्‍ब आन दातेम पशो कबल प्रेंताक्‍व। यसैया २३:-; योएल ४:४; १राजा ५:२६

आमोस 2:4

मिनु परमप्रभु यावेमी “गो यहूदा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्‍लुम मुशा ब्रेक्‍शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्‍शा हें‍थे गाक्‍तेक्‍म।

आमोस 2:6

मिनु परमप्रभु यावेमी “गो इस्राएल आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी ठीक पाइब आन कली चांदी के क्‍येटीम नु मारेइ मथीब आन कली जोर का चेपल ताक्‍शा लेयतेक्‍म। आमोस ८:६

मीका 6:5

आं मुरपुकी, मोआब ङा पिप बालाकम मार सल्‍ला पशो बाक्‍मे, मेको मिम्‍तीन। बेओर आ तौ बालाममी मेको कली मार लोव़ लेत्‍ता, मेको मिम्‍तीन। शित्तीम रे गिल्‍गाल सम्‍म ङा लांमी गाक्‍शोनु, मार मार दुम्‍मे, मेको मिम्‍तीन। मिनु परमप्रभु यावेमी इन कली दोपा प्रोंइशो बाक्‍मे, मेको तुइक्‍नीनी” देंत। गन्‍ती २२:-२४:-; यहोसु २:१; यहोसु ४:१९