आमोस 1:9 - Sunuwar Bible

⁹ मिनु परमप्रभु यावेमी “गो टायर आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली एदोम आ गुइमी गेप्‍तु। मिनु आंम लोक्‍ब आन दातेम पशो कबल प्रेंताक्‍व। यसैया २३:-; योएल ४:४; १राजा ५:२६

आमोस 1:9 ပူးပေါင်းရင်းမြစ်များ

२ सामुएल 5:11

टायर ङा पिप हीराममी आ लोव़ कुरब आन कली दाऊद आ बाक्‍तीके सोइक्‍ता बाक्‍त। हीरामम लेबानोन ङा लाइश्‍शो रवा आ शी नु शी सेल्‍ब नु गारो प्रोव़ब यो सोइक्‍ता बाक्‍त। मिनु मेकोपुकीम दाऊद कली खिं का सेल्‍मे बाक्‍त।

भजन संग्रह 83:7

गेबाल, अम्‍मोन, अमालेक, पलिस्‍ती नु टायर ङा मुरपुकी बाक्‍नीम।

येरमीया 25:22

टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,

येरमीया 47:4

मारदे हना पलिस्‍ती नेल्‍ल आन कली खतम पोक्‍शा साइक्‍तीक नाक्‍ती जाक्‍शो बाक्‍ब। टायर नु सीदोन आस कली वारच पाइक्‍ने चाप्‍ब नेल्‍ल बेक्‍नीम। मारदे हना परमप्रभु यावेम पलिस्‍ती आन कली साइक्‍चा चिक्‍शो बाक्‍ब। काफ्‍‍तोर ङा टापु आ शुंइचीम रे जाक्‍शो लीशो नेल्‍ल आन कली साइक्‍चा चिक्‍शो बाक्‍ब। आमोस १:६-७; सेफन्‍याह २:४; जकरिया ९:५; यूहन्‍ना १:२२; येरमीया १६:६; येरमीया ४८:३७; आमोस ९:७

इजीकीएल 27:1

परमप्रभु यावेमी आं कली लोव़ पाप्‍तु।

इजीकीएल 27:27

मिनु इ खतम दुम्‍तीक नाक्‍ती इ शोंप, इ ग्‍याप्‍तीक लेयतीक मार मार, इ गेय पाइब, इ कली चलेब, इ जहाज कली सेल्‍ब, इ ग्‍याप्‍ब लेयब, इ लडाइ पाइब नु गे नु बाक्‍ब मुर नेल्‍ले समुन्‍द्र आ दातेमी ग्रुम्‍शा खतम दुम्‍नीम।

इजीकीएल 28:1

परमप्रभु यावेमी आं कली लोव़ पाप्‍तु।

इजीकीएल 28:18

गे इ शुश मरिम्‍शो पशो नु इ जोल पा ग्‍याप्‍‍तीक लेयतीकेम इ आं कली ठेयब सेल्‍तीके ग्रांग्रा दिशो सेल्‍तीवी। मोपतीके गो इ आगा रे मी का ग्रुंइताक्‍ङ। मिनु मेकोमी इ कली नेक्‍तु। मिनु गो इ कली मुर आन ङोंइती पुलु सेल्‍तन।

आमोस 1:11

मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७

आमोस 1:6

मिनु परमप्रभु यावेमी “गो गाजा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली ग्‍याइश्‍शा लाइश्‍शा एदोम आ गुइमी लेयतु। २इतिहास २१:१६-१७; २इतिहास २८:१८; येरमीया ४७:१

ओबदिया 1:11

मेको नाक्‍त गे ङोन राप्‍शा बाक्‍ते। मेको नाक्‍त अर्को रागी ङा मुरपुकीमी मेको आ शोंप नेल्‍ल रोइश्‍शा लाइक्‍तेक्‍म। अर्को रागी ङा मुर मेको आ लाप्‍चो रे ओव़तेक्‍म। मिनु यरूसलेम आ पर्बम फेन्‍टे आप्‍तेक्‍म। गे यो मेकोपुकी खोदेंशो का बाक्‍ते। भजन संग्रह १३७:७

जकरिया 9:1

परमप्रभु यावेम हद्राक रागी नु दमस्‍कस सहर आस पर्बम लोव़ का पशो बाक्‍त। मारदे हना इस्राएल ङा थर नेल्‍ल नु अर्को रागी ङा मुर यो परमप्रभु यावे केन बाक्‍नीम। यसैया १७:-

मत्ती 11:21

“ए खोराजीन, ए बेथसैदा, गेमी तशो छक लाक्‍चा ङा गेय नु चिन्‍ड टायर नु सीदोन ङा मुरपुकीमी तशो नम हना, साइ कना भाङरा फेक्‍शा, पुलु ख्रेक्‍सीशा, आन थुं परमप्रभु यावे गे लेत्‍तेम वा। जोना ३:६

मत्ती 11:22

निसाफ पची नाक्‍त गेपुकी टायर नु सीदोन ङा मुर आन क्‍येङा शुश सजाइ ताइनीनी, दे इन कली देंनुङ। ।

लूका 10:13

ए खोराजीन, ए बेथसैदा, इन तशो चिन्‍ड नु छक लाक्‍चा ङा गेय टायर नु सीदोन ङा मुरपुकीमी तशो नम हना, भाङरा फेक्‍शा, पुलुम निश्‍शा आन थुं परमप्रभु यावे गे लेत्‍तेम वा।

लूका 10:14

ठेयब निसाफ पची नाक्‍ती टायर नु सीदोन ङा मुर आन क्‍येङा गे शुश सजाइ ताइनीनी।