आमोस 1:6 - Sunuwar Bible

⁶ मिनु परमप्रभु यावेमी “गो गाजा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली ग्‍याइश्‍शा लाइश्‍शा एदोम आ गुइमी लेयतु। २इतिहास २१:१६-१७; २इतिहास २८:१८; येरमीया ४७:१

आमोस 1:6 ပူးပေါင်းရင်းမြစ်များ

२ इतिहास 28:18

पलिस्‍तीपुकीमी यो यहूदा ङा शेफेलाह नु नेगेब ङा सहरपुकी रोइक्‍तमे बाक्‍त। मिनु मेकोपुकीम बेथ-शेमेश, आइयालोन, गेदे-रोथ, सोको नु मेको आ गाउंपुकी, तिम्‍नाह नु मेको आ गाउंपुकी, गिम्‍जो नु मेको आ गाउंपुकी आंम के सेल्‍शा बाक्‍मा बाक्‍त। यहोसु १५:१०

येरमीया 47:1

फाराओमी गाजा कली लडाइ तोचा क्‍येङा ङोंइती, पलिस्‍ती आन पर्बम परमप्रभु यावेम आ लोव़ पाइब येरमीया कली लोव़ पाप्‍तु।

इजीकीएल 35:5

गे साइ इस्राएल कली ईख कुरतीवी। मिनु इस्राएली आन श्‍येत जची ना नु आन नोले ङा सजाइ तची ना तरवारम क्‍योरचा कली जिम्‍मा गेप्‍तीवी। भजन संग्रह १३७:७

योएल 3:4

टायर, सीदोन नु पलिस्‍ती आन रागी ङा मुरपुकी आं कली मार पाइ‍नीनी ङा? मार, आं पशो आ पर्बम आं कली क्‍येक्‍क लेत्‍नीनी? गेपुकीमी आं कली क्‍येक्‍क लेत्‍ताक्‍नी हना, गो मेको रीब पा इन पिया तार मोइक्‍नुङ।

योएल 3:6

मिनु गे यहूदा नु यरूसलेम ङा मुर आन कली मेको आन रागी रे लाइश्‍शा, ग्रीस ङा मुर आन कली लेयतीनी।

आमोस 1:11

मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७

आमोस 1:3

मिनु परमप्रभु यावेमी मार देंत देंशा हना “गो दमस्‍कस आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी गिलाद ङा मुर आन कली फलाम के ख्रुइ पाइश्‍शो दांदेमी दांइ पाम्‍तेक्‍म। यसैया १७:१-३

आमोस 1:7

मोपतीके गो गाजा ङा गारोम मी सुइक्‍नुङ। मेकोमी मेको आ बोल्‍यो दरवार खतम पोक्‍ब।

आमोस 1:9

मिनु परमप्रभु यावेमी “गो टायर आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली एदोम आ गुइमी गेप्‍तु। मिनु आंम लोक्‍ब आन दातेम पशो कबल प्रेंताक्‍व। यसैया २३:-; योएल ४:४; १राजा ५:२६

ओबदिया 1:11

मेको नाक्‍त गे ङोन राप्‍शा बाक्‍ते। मेको नाक्‍त अर्को रागी ङा मुरपुकीमी मेको आ शोंप नेल्‍ल रोइश्‍शा लाइक्‍तेक्‍म। अर्को रागी ङा मुर मेको आ लाप्‍चो रे ओव़तेक्‍म। मिनु यरूसलेम आ पर्बम फेन्‍टे आप्‍तेक्‍म। गे यो मेकोपुकी खोदेंशो का बाक्‍ते। भजन संग्रह १३७:७

जकरिया 9:5

मिनु अश्‍कलोन मेको तशा हिंब। गाजा हिं‍शा ख्रिंख्रि पाइब, एक्रोन शुश सुर्ता पा आ आस पशो जाम्‍शा लाइब। गाजा ङा पिप जाम्‍शा लाइ‍ब। अश्‍कलोनमी मुर मबाक्‍तीक दुम्‍ब। येरमीया ४७:-

प्रेरित 8:26

काबु परमप्रभु यावे आ स्‍वर्ग ङा गेय पाइब कामी फिलीप कली “छुल बोक्‍शा यरूसलेम रे गाक्‍शा, गाजा लतीक लां लावो” दे माइश्‍शा, मेको लां सोइक्‍ता बाक्‍त। मेको लां गोरशो रागी लतीक लां बाक्‍माक्‍त।

१ सामुएल 6:17

मिनु मेको पलिस्‍तीपुकीम मेको आन दोस आ पर्बम परमप्रभु यावे कली सोइश्‍शो सुन के कान मार कली बाक्‍मा बाक्‍त देंशा हना, अश्‍दोद कली का, गाजा कली का, अश्‍कलोन कली का, गाथ कली का नु एक्रोन कली का बाक्‍मा बाक्‍त।