आमोस 1:5 - Sunuwar Bible

⁵ गो दमस्‍कस ङा ठेयब लाप्‍चो ङा आग्‍लो जिक्‍नुङ। मिनु आवेन माइश्‍शो दिंमम बाक्‍ब मुर नेल्‍ल आन कली नु बेथ-एदेन ङा पिप कली क्‍याम्‍‍नुङमी। अराम ङा मुर आन कली ग्‍याइक्‍पाइश्‍शा कीर सहरमी लाइक्‍पाइक्‍नुङमी” दे परमप्रभु यावेमी देंत। २राजा १६:९

आमोस 1:5 ပူးပေါင်းရင်းမြစ်များ

२ राजा 14:28

येरोबाम आ पशो अरु गेय, मेको आ पशो नेल्‍ल, आ सक्ति, मेको आ लडाइ पशो नु दोपा यहूदा ङा दमस्‍कस नु हमाथ सहर लेंशा इस्राएल के सेला, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?

२ राजा 16:9

मिनु अस्‍सुर ङा पिपमी मेको आ लोव़ नेना बाक्‍त। मिनु दमस्‍कस कली लडाइ तोशा मेको आ के सेला बाक्‍त। मेकोमी मेकेर ङा मुर आन कली ग्‍याइश्‍शा कीर सहर लाइक्‍मी बाक्‍त। मिनु नोले रेसीन कली सदा बाक्‍त।

यसैया 22:6

एलाममी ब्रा कुरतीके कुरतु। मुरपुकी बग्‍गी ङोइश्‍शा गाक्‍चा गोम्‍तेक्‍म। कीर सहर ङा मुरपुकीमी तेक्‍तीके शोल्‍तेक्‍म।

यसैया 43:14

मिनु परमप्रभु यावे, इन कली पाप रे प्रोंइब, इस्राएली आन का ला बाक्‍शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्‍चो ङा आग्‍लो जिक्‍नुङ। गो कल्‍दी आन ग्रीतीक कली रोंका पपाइक्‍नुङ।

यसैया 8:4

मारदे हना मेको आलम आम आफ देंस जोक्‍चा क्‍येङा ङोंइती दमस्‍कस ङा शोंप नु सामरीया ङा रोइश्‍शो नेल्‍ले अस्‍सुर ङा पिपम लाइक्‍ब” देंत। यसैया ७:१८; २राजा १६:९

येरमीया 50:36

मेको आ जादू कली यो तरवार का जाक्‍त। मोपतीके मेकोपुकी मूर्ख दुम्‍नीम। मेको आ लडाइ पाइब आन कली यो तरवार का जाक्‍त। मिनु मेको खतम दुम्‍नीम।

येरमीया 51:30

बेबीलोन ङा लडाइ पाइबपुकीम लडाइ पचा प्रोंइतेक्‍म। मेको आन बोल्‍यो दरवारम बाक्‍नीम। मेको आन सक्ति जाम्‍त। मेकोपुकी मीश मुर खोदेंशो दुम्‍तेक्‍म। मेको आन खिंम मी सुइक्‍ने थुम्‍तेक्‍म। मेको आन लाप्‍चो ङा आग्‍लो जिक्‍शो बाक्‍नीम। येरमीया ५०:३७

बिलाप 2:9

मेको आ ठेयब लाप्‍चो खपीम दोक्‍तेक्‍म। मेकोमी आ आग्‍लो जिक्‍शा खतम पोक्‍तु। मेकेर ङा पिप नु आन तौ नेल्‍ल रागी रागी ङा मुर आन दातेमी बाक्‍नीम। मेकेर लां कोंइब परमप्रभु यावे आ अरेशो मबाक्‍ब। मिनु परमप्रभु यावे आ लोव़ पाइबपुकीमी परमप्रभु यावे रे पा मारेइ लोव़ मताइ‍नीम।

इजीकीएल 27:23

हारान, कन्‍नेह, एदेन, शेबा, अश्‍शुर नु किल्‍मद ङा ग्‍याप्‍ब लेयबपुकीम गे नु ग्‍याप्‍तीक लेयतीक गेय पाम्‍तेक्‍म।

इजीकीएल 30:17

ओन नु पी-बेसेथ ङा ठिटापुकी तरवारम साइक्‍चा पुंइसीनीम। मिनु मेको सहर ङा मुर ग्‍याइश्‍शा लाइक्‍चा पुंइसीनीम।

होसे 10:8

मिनु आन मरिम्‍शो पतीक मूर्ति बाक्‍शो आवेन डांडा खतम पोक्‍नीम। मेको इस्राएल ङा मुर आन पाप पशो बाक्‍ब। मेको आन फुल्‍लु के चढ़ेतीकेमी चुं नु चोंक वाशा सुम्‍नीम। मिनु मेकोपुकीमी पहाड कली “आंइ कली सुम्‍की” दे डांडा कली “आंइ तारी दोक्‍कीन” देंनीम। होसे ९:६; लूका २३:३०; प्रकाश ६:१६

आमोस 5:5

बेथेल कली ममालीन। मिनु गिल्‍गाल मलने। बेयर-शेबामी मगाक्‍कीन। मारदे हना गिल्‍गाल ङा मुर थमा पा ग्‍याइश्‍शा लाइक्‍चा पुंइसीनीम। मिनु बेथेल खतम दुम्‍ब। आमोस ४:४; होसे ४:१५

आमोस 9:7

मिनु परमप्रभु यावेमी इस्राएल ङा मुर आन कली “गे आं कली एथीयोपीया ङा मुर खोदेंशो बाक्‍नीनी। गो इस्राएली आन कली इजीप्‍त रागी रे, पलिस्‍ती आन कली काफ्‍तोर रागी रे नु अरामी आन कली कीर रागी रे ग्रुंइशा चाक्‍शो मनङमी ङा?” देंशो बाक्‍ब। ब्‍यवस्‍था ७:७; येरमीया ४७:४

नहुम 3:13

इ लडाइ पाइब आन कली कोव़ङो। मेको मीश मुर खोदेंशो बाक्‍नीम। इ रागी ङा ठेयब लाप्‍चो इ जोरी सत्रु आन कली रोक्‍सीशो बाक्‍नीम। लाप्‍चो आन आग्‍लो नेल्‍ल मीम नेक्‍शो बाक्‍नीम।