आमोस 1:14 - Sunuwar Bible

¹⁴ मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम।

आमोस 1:14 ပူးပေါင်းရင်းမြစ်များ

२ सामुएल 11:1

नक बर्स जाक्‍मेनु, पिपपुकी लडाइ पथ ग्रूमा बाक्‍त। दाऊदमी योआब, लडाइ पाइब आन ठेयब मुर नु इस्राएल ङा लडाइ पाइब नेल्‍ल आन कली सोइक्‍तीमी बाक्‍त। मिनु मेकोपुकीम अम्‍मोन खतम पोक्‍गमे बाक्‍त। रब्‍बाह सहर कली पुम्‍दमे बाक्‍त। तन्‍न दाऊद चहिं यरूसलेम सहरमी बाक्‍माक्‍त। १इतिहास २०:१

२ सामुएल 12:26

मेको नोले योआबमी लडाइ पा अम्‍मोनी आन पिप आ रब्‍बाह सहर, ग्रामाक्‍त।

२ सामुएल 12:31

मेकोमी मेकेर ङा मुर आन कली लाइश्‍शा आरा, खन्‍ती नु खामी गेय पपदा बाक्‍त। मिनु इंटा सेल्‍तीकेम गेय पपदा बाक्‍त। मेको अम्‍मोनी आन सहर नेल्‍लेम मोदेंशो पवा बाक्‍त। मिनु नोले दाऊद नु आ मुर नेल्‍ल यरूसलेम लेम्‍मा बाक्‍त।

१ इतिहास 20:1

मिनु बर्खा जाक्‍मेनु, पिपपुकी लडाइ पथ ग्रूमा बाक्‍त। मिनु योआबमी लडाइ पाइबपुकी लाइश्‍शा अम्‍मोनी आन रागी कली गोरशो सेला बाक्‍त। मिनु मेको रब्‍बाह सहर पुम्‍शा, आ एर ओंथ नेल्‍ल हिरदा बाक्‍त। दाऊद चहिं यरूसलेम उइ बाक्‍माक्‍त। मिनु योआबमी रब्‍बाह सहर कली लडाइ पा खतम सेल्‍शा ग्रामाक्‍त।

अय्‍युब 39:25

मेकोम तुराही ताप्‍शो नेंशा ‘आहा’ देंब। मिनु मेकोम ङोन रेन लडाइ पाइब आन हुल नु लडाइ ङा रिना नेंब।

भजन संग्रह 83:15

मोपा इन फश गिवारम मेको आन कली खेदा पने। इन फश गिवारम मेको आन कली हिंच कोंइदीन।

यसैया 29:6

मिनु मुर नेल्‍ल आन परमप्रभु यावे इ कली ग्रुम्‍थ जाक्‍ब। मेको बुंबु, ख्रिनु ठेयब रेयके नु जाक्‍ब। मेको हिरशो फश गिवार नु ठेयब मी नु जाक्‍ब।

यसैया 30:30

मिनु परमप्रभु यावेमी आ ठेयब सेंदामी लोव़ पशा नेंपाइक्‍ब। मेकोमी गाइश्‍शा चुरशा, आ गुइ याम पाइश्‍शा, मारेइ मारेइ नेक्‍ब मी ब्रपाइश्‍शा, बुंबु पपाइश्‍शा, रेउ नु मुप्‍स यिपाइश्‍शा कोंइब।

यसैया 9:5

मारदे हना लडाइ पाइब आन जुत्ता नु आन फेक्‍तीक वा नेल्‍ल हुश लुम्‍सीशो बाक्‍नीम। मेको मीम चोतीक दुम्‍नीम।

येरमीया 23:19

कोव़ङीन परमप्रभु यावे आ गाइश्‍शो फश गिवार खोदेंशो पा बोक्‍ब। परमप्रभु यावे आ अरेशो लोव़ मटीब आन पियामी फश गिवार जुक्‍ब।

येरमीया 49:2

मोपतीके परमप्रभु यावेमी “गो अम्‍मोनी आन रब्‍बाह कली लडाइ ङा तुराही ताप्‍शो नेंपाइक्‍नुङ। मेको श्‍येत्‍थ डांडा खोदेंशो दुम्‍ब। मिनु मेको आ एर ओंथ ङा गाउं मीम क्रोइक्‍चा पुंइसीनीम। मेना इस्राएलमी आ कली रोइक्‍ब आन कली रोइक्‍ब” दे परमप्रभु यावेमी देंत।

इजीकीएल 21:20

मेको तरवार जाक्‍चा कली अम्‍मोनी आन रब्‍बाह सहर, यहूदा नु गारो हिरशो यरूसलेम कली लां सेलीन।

इजीकीएल 21:22

मेको आ ग्‍युरा गुइम यरूसलेम कली बाजी दुम्‍‍त। मेकेर गारो ङोइक्‍चा कली शी फुल्‍लु तेल्‍शा, लडाइ पचा कली, ग्रीचा कली ठेयब लाप्‍चो गे शी फुल्‍लु तेल्‍शा सहर पुम्‍चा कली, लाइश्‍शो खिं सेल्‍चा माल्‍नीम। इजीकीएल ४:२

इजीकीएल 21:25

गे काइ मरिम्‍शो नु आं अरेशो लोव़ मटीब इस्राएल ङा सासन पाइब इ नाक्‍त जाक्‍त। इ नोले ङा सजाइ ततीक नाक्‍त जाक्‍त।

इजीकीएल 25:5

गो रब्‍बाह सहर कली दल‍ओंठ जोतीक नु अम्‍मोन कली क्‍यारश भेडा आन गोठ सेल्‍नुङ। मेना गेपुकीम गोन परमप्रभु यावे नङ, दे तुइक्‍नीनी’ ” देंत।

इजीकीएल 25:7

मोपतीके गो आं गुइ गे इन पर्बम क्‍युक्‍नुङ। मिनु गो इन कली रागी रागी ङा मुर आन गुइम गेनुङ। मिनु गो जात जात ङा मुर आन दाते रे इन नें क्‍याम्‍नुङ। मिनु गो इन कली रागी नेल्‍ल रे क्‍‍याम्‍नुङ। गो इन कली खतम पोक्‍नन्‍नी। मेना गेपुकीम गोन परमप्रभु यावे नङ, दे तुइक्‍नीनी” देंत।

दानीएल 11:40

मिनु नोले ङा नाक्‍ती दक्‍खिन ङा पिपमी मेको कली लडाइ तोइब। मिनु उत्तर ङा पिपमी फश गिवार खोदेंशो पा मेको नु लडाइ पाइब। मेकोमी बग्‍गी, शारा ङोइक्‍ब नु लडाइ पाइब जहाज शुश चाक्‍शा लडाइ पाइब।

आमोस 2:2

मोपतीके गो मोआब रागीम मी सुइक्‍नुङ। मेकोमी गारो हिरशो केरयोथ ङा बोल्‍यो दरवार खतम पोक्‍ब। मिनु मोआब ङा मुर लडाइ, शुश रेयके नु तुराही ग्री‍शोम बेक्‍नीम।

जकरिया 7:14

मिनु गो मेको आन कली फश गिवारमी खोदेंशो पा आन मतुइश्‍शो रागी रागीम फ्रातामी। मोपतीके आन प्रोंइशो रागी मुर मबाक्‍शो दुम्‍त। मेकेर सुइ मलम। मोदेंशो पा रिम्‍शो रागी खतम दुम्‍त” दे मुर नेल्‍ल आन परमप्रभु यावेमी देंत।

ब्‍यवस्‍था 3:11

मिनु बाशान ङा पिप ओग चहिं मेको लाइश्‍शो मुर, रेफाइम आन दातेमी नेल्‍ल क्‍येङा नोले साइक्‍चा पुंइसाक्‍व। मिनु मेको आ फलाम के खाट मुल सम्‍म अम्‍मोनी आन सहर रब्‍बाहम बाक्‍ब। मेको खाट ९ कुबीत लाइश्‍शो नु ४ कुबीत ब्रेम्‍शो बाक्‍ब। कुबीत का आधा मिटर कि हात का खोदेंशो बाक्‍ब।