प्रेरित 9:42 - Sunuwar Bible

⁴² मोदेंशो दुम्‍त देंशो लोव़ योप्‍पा सहरमी बाक्‍ब नेल्‍लेमी नेन्‍मे बाक्‍त। मिनु शुशेमी प्रभु कली थमा सुदमे बाक्‍त।

प्रेरित 9:42 ပူးပေါင်းရင်းမြစ်များ

२ इतिहास 2:16

गो इन माल्‍शो शी नेल्‍ल लेबानोनम तिम्‍नीकी। मिनु फ्रेंशा योप्‍पा सहर सम्‍म ठेयब समुन्‍द्र रे पा सोइक्‍नीकी। मिनु गे मेकेर रे यरूसलेम सम्‍म ल‍तीन” दे चिठी ब्रेक्‍शा सोइक्‍ता बाक्‍त।

योना 1:3

तन्‍न योना परमप्रभु यावे आ ङोंइती रे लशा, निनवे मलथु, टारशीश गे प्रोक्‍चा गोवा बाक्‍त। मिनु योप्‍पा सहरम यिशा, टारशीश लाइब डोंगा का थिश्‍शा, क्‍येट थाप्‍शा, परमप्रभु यावे आ ङोंइती रे प्रोक्‍शा, डोंगाम ङोंइसे बाक्‍त। भजन संग्रह १३९:७,९,१०

यूहन्‍ना 11:4

मिनु येसुमी “मेको रोइ बेक्‍चा ङा रोइ ममाइ, तन्‍न परमप्रभु यावे आ सक्ति कोंइचा कली बाक्‍ब। मिनु मुरपुकीमी मेको रोइ आ पर्बम परमप्रभु यावे आ तौ कली ठेयब सेल्‍नीमी” देंत। यूहन्‍ना ९:३

यूहन्‍ना 11:45

मरीयम कली लेम्‍थ जाक्‍शो शुश यहूदीमी मो दुम्‍शो तशा, येसु कली थमा सुइक्‍तेक्‍म।

यूहन्‍ना 12:11

मारदे हना मेको आ पर्बम शुशेमी यहूदी आन शेंतीक प्रोंइशा, येसु कली थमा सुइक्‍तेक्‍म।

यूहन्‍ना 12:44

मिनु येसुमी ठेयब सेंदा पशा “आं कली थमा सुइक्‍बमी आन थमा सुइश्‍शो आं कली ला ममाइ, तन्‍न आं कली सोइक्‍ब कली यो थमा सुइश्‍शो नम।

प्रेरित 10:5

मुल गे योप्‍पा सहरमी बाक्‍शो सिमोन पत्रुस नें पाइश्‍शो मुर कली ब्रथ सोइक्‍तो।

प्रेरित 10:8

मिनु मेको मुर सां आन कली मार दुम्‍मे, दोदेंशो लोव़ नेंना, मेको लोव़ नेल्‍ल शेंशा, पत्रुस कली माल्‍शा, चाक्‍चा, दे योप्‍पा सहर सोइक्‍तीमी बाक्‍त। प्रेरित ११:५-१७

प्रेरित 11:13

आ खिं ओव़शा बाक्‍कानु, कोरनेलीयसमी आंइ कली ‘परमप्रभु यावे आ स्‍वर्ग ङा गेय पाइब का आं ङोंइती राप्‍शा, मेकोमी योप्‍पा सहरमी जाक्‍शा बाक्‍शो सिमोन पत्रुस कली ब्रथ सोइक्‍तो।

प्रेरित 11:21

मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

प्रेरित 11:5

“गो योप्‍पा सहरमी बाक्‍ती। मिनु काबु मार दुम्‍त देंशा हना, प्रार्थना पना पन बाक्‍ङानु, प्रभुमी कोंइतीक कोंइताक्‍यी। सरीङ रोक्‍सीशा ठेयब वा का हाम्‍सीशा क्‍युक्‍सीशो खोदेंशो पा खप गे यिशो ताता। मिनु आं नेक्‍था जाक्‍शा दिक्‍त। प्रेरित १०:९-४८

प्रेरित 9:35

मिनु लिडडा सहरम नु शारोन रागीमी बाक्‍ब नेल्‍लेमी एनीयास कली मोपा साशो तशा, आन थुं प्रभु गे लेत्‍मे बाक्‍त।

प्रेरित 9:36

योप्‍पा सहरमी तबीता नें पाइश्‍शो थमा सुइक्‍ब मीश मुर का बाक्‍माक्‍त। ग्रीक लोव़मी मेको आ नें दोरकास, किश्‍श रुम्‍सीब। तबीता गेना हना यो सुइ सुइ आन कली रिम्‍शो पाइबाक्‍माक्‍त। मथीब आन कली शुश वारच पाइबाक्‍माक्‍त।

प्रेरित 9:38

लिडडा नु योप्‍पा नेक्‍नेक्‍था बाक्‍नीसी। मोपतीके थमा सुइक्‍बपुकीमी पत्रुस लिडडा जाक्‍शो बाक्‍ब, दे यो नेंशो बाक्‍मा बाक्‍त। मिनु आन मुर निक्‍शी योव़शा, पत्रुस कली “आंइ बाक्‍तीक रीब जाक्‍शा, वारच पाइक्‍चा नकी” दे ब्रथ सोइक्‍तमे बाक्‍त।

प्रेरित 9:43

मिनु पत्रुस योप्‍पा ङा कुशुल नोक्‍ब सिमोन आ खिंमी शुश नाक्‍त बाक्‍माक्‍त।

यहोसु 19:46

मे-यारकोन, रक्‍कोन नु योप्‍पा आ ङोंइती ङा रागी बाक्‍तेक्‍म। योना १:३