प्रेरित 9:39 - Sunuwar Bible

³⁹ मिनु पत्रुस मेको आस लोव़ नेंशा मेको नु काथा ल‍माक्‍त। मिनु जाक्‍मेनु, तला तारी लदमे बाक्‍त। तला तारी आन वोंइश बेक्‍शो मारेइ मथीब मीश मुर खुम्‍सीशा ङाक्‍ना ङाक्‍न बाक्‍शो बाक्‍मा बाक्‍त। मिनु पत्रुस कली “तबीतामी शुश वारच पाइक्‍तीकी, ओदेंशो वा फेरशा गेतीकी” दे तबीतामी फेरशा गेशो वापुकी कोंइदमे बाक्‍त।

प्रेरित 9:39 ပူးပေါင်းရင်းမြစ်များ

२ सामुएल 1:24

इस्राएल ङा तमीपुकी सावल आ पर्बम ङाक्‍कीन। मेकोमी इन कली लल दारदारशो शुश क्येट लाइब वा फेक्‍पाइश्‍शो बाक्‍त। मेकोमी इन कली सुन के गहना पांइपाइश्‍शो बाक्‍त।

हितोपदेस 10:7

ठीक पाइब कली मिम्‍शा आसीक गेब। परमप्रभु यावे आ अरेशो मटीब आन नें चहिं जाम्‍शा लाइब। अय्‍युब १८:१७; भजन संग्रह ९:६

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

मत्ती 17:17

मिनु येसुमी “गे थमा पा थमा मसुइक्‍ब नु मटीबपुकी, गेना सम्‍म गेपुकी नु बाक्‍नुङा? ओदेंशो इन पशो गेना सम्‍म फाल्‍शा बाक्‍नुङा ङा? रोइ पाइब कली चाक्‍कीन” देंत।

मत्ती 26:11

श्‍येत जशो मुर गेना हना यो थित्‍नीनी, आं कली चहिं मथित्‍नीनी। ब्‍यवस्‍था १५:११

मर्कूस 14:8

आ चाप्‍शो पाप्‍तु। बेक्‍चा क्‍येङा ङोंइती आं रां थिम्‍चा कली तेल ख्रेक्‍ताक्‍व।

लूका 24:44

मिनु येसुमी आ शेंसीब आन कली “गो गे नु बाक्‍ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्‍शो नु भजन संग्रह आं पर्बम ब्रेक्‍शो लोव़ नेल्‍ल गाप्‍चा माल्‍ब, दे इन कली लोव़ पाता” देंमाक्‍त। लूका १८:३१-३३; लूका २४:२६-२७; लूका १८:३१

यूहन्‍ना 12:8

प्रुङगपुकी दा गेपुकी नु गेना हना यो बाक्‍नीम। गो चहिं गेपुकी नु शुश नाक्‍त मबाक्‍नुङ” दे माइक्‍तु।

यूहन्‍ना 17:12

गो आं कली गेशो मुरपुकी नु बाक्‍ङानु, इन नें ङा सक्तिमी रिम्‍शो कोव़शा वोइक्‍तामी। सुइ मजाम्‍म। इन ब्रेक्‍पाइश्‍शो लोव़ थमा दुम्‍चा, दे का चहिं जाम्‍शा, नरक लाइब दुम्‍त। यूहन्‍ना ६:३९; भजन संग्रह ४१:१०

प्रेरित 1:13

मिनु यरूसलेम सहरम जाक्‍शा ङा मीन, खिं का ङा तला तारी ओव़शा बाक्‍मा बाक्‍त। मोपा बाक्‍बपुकी सु सु बाक्‍मा बाक्‍त देंशा हना, पत्रुस, यूहन्‍ना, याकूब, अन्‍द्रीयास, फिलीप, थोमास, बारथोलोमाइ, मत्ती, अल्‍फयस आ तौ याकूब, सिमोन, मेको कली कनानी यो देंसीब नु याकूब आ तौ यहूदा बाक्‍मा बाक्‍त। लूका ६:१३-१६

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

प्रेरित 6:1

मेना थमा सुइक्‍बपुकी शुश बारना बारन लमा बाक्‍त। ग्रीक लोव़ नु हिब्रू लोव़ पाइबपुकीमी गन गन पाम्‍तेक्‍म। मारदे हना नाक्‍त किंत किंत योक्‍तीक जचा थोव़क मेको आन वोंइश बेक्‍शो मीश मुरपुकीमी ठीक पा मताइबाक्‍तेक्‍म। ग्रीक लोव़ नु हिब्रू लोव़ पाइबपुकी यहूदी बाक्‍तेक्‍म। प्रेरित ४:३८

प्रेरित 8:2

परमप्रभु यावे कली मान पा हिंबपुकीमी स्‍तीफानस आ बेक्‍शो रां लाइश्‍शा, थिम्‍मे बाक्‍त। स्‍तीफानस कली साइश्‍शो तशा, थमा सुइक्‍ब नेल्‍ल शुश ङाक्‍मा बाक्‍त।

प्रेरित 9:41

मिनु पत्रुसमी आ गुइ कीशा पोक्‍गा बाक्‍त। मिनु लाङगा सोइश्‍शो नु प्रभु आ योव़शो नेल्‍ल आन कली खिं गा ब्रेश्‍शा, तबीता कली बेक्‍शो रे सेंपाइश्‍शो कोंइदा बाक्‍त।

२ कोरिन्‍थी 8:12

आंम के बाक्‍शो ला गेने जाप्‍ब, आंम के मबाक्‍शो गेने मजाप्‍ब। इन चाप्‍चा ङा पा गेने। हितोपदेस ३:२७-२८; मर्कूस १२:४३

एफिसी 4:28

खुइ पाइबमी लेंशा खुइ मपथु, ठीक गेय पचा माल्‍ब। मिनु मेकोमी रिम्‍शो गेय पवानु, श्‍येत जाइब आन कली यो वारच पने चाप्‍ब। प्रस्‍थान २०:१५; १थिस्‍सलोनिकी ४:११

१ थिस्‍सलोनिकी 1:3

गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३

१ थिस्‍सलोनिकी 4:13

आंइ लोक्‍बपुकी, बेक्‍शो मुर आ पर्बम रागी रागी ङा मुरपुकीमी हिशेक शुश पाइनीम। मारदे हना मेको आन के आस मबाक्‍ब। गेपुकी चहिं मतुइक्‍ब खोदेंशो पा, बेक्‍शो इन वारच आन पर्बम थुं खाइक्‍पाइश्‍शा मबाक्‍कीन। १कोरिन्‍थी १५:२०; एफिसी २:१२

१ तिमोथी 5:3

आन वोंइश बेक्‍शो रिम्‍शो पाइब मीश मुर आन कली ठेयब सेलो।

१ तिमोथी 5:5

आ वोंइश बेक्‍शो मीश मुर रिम्‍शो बाक्‍त हना, परमप्रभु यावे कली ला मिम्‍ब। मेकोमी नाक्‍दो नाक्‍त प्रार्थना पा पुंइना पुंइन बाक्‍ब। लूका २:३७

१ यूहन्‍ना 3:18

आं आइक्‍च आलपुकी, गोपुकी दाक्‍मुय। मिनु “इ कली दाक्‍नुङ” दे लोव़ पशा ममाइ, तन्‍न पतीकेमी दाक्‍मुचा माल्‍नय। याकूब २:१५-१६