प्रेरित 9:35 - Sunuwar Bible

³⁵ मिनु लिडडा सहरम नु शारोन रागीमी बाक्‍ब नेल्‍लेमी एनीयास कली मोपा साशो तशा, आन थुं प्रभु गे लेत्‍मे बाक्‍त।

प्रेरित 9:35 ပူးပေါင်းရင်းမြစ်များ

१ इतिहास 27:29

शारोन दिंम ङा शित्राइ मेकेर ङा दिंममी जोइब बी ब्‍यफ आन कली कोव़ब आन ठेयब मुर बाक्‍माक्‍त। अदलाइ आ तौ शाफात चहिं अरु दिंमम जोइब बस्‍तु भाव आन कली कोव़ब आन ठेयब मुर बाक्‍माक्‍त।

१ इतिहास 5:16

गाद आ मुरपुकी गिलाद, बाशान नु मेको आ नेक्‍था ङा सहर नेल्‍लेमी नु शारोन ङा बस्‍तु भाव योव़तीके सम्‍म बाक्‍मा बाक्‍त।

१ इतिहास 8:12

एल्‍पाल आ तौ एबेर, मिशाम नु शेमेद बाक्‍मा बाक्‍त। मेकोपुकीम ओनो नु लोद सहर नु आस एर ओंथ ङा सहर सेल्‍मे बाक्‍त।

एज्रा 2:33

लोद, हादीद नु ओनो सहर ङा ७२५

नेहेम्‍याह 11:35

लोद नु ओनो सहरमी गेय पाइब आन बाक्‍तीक सम्‍म बाक्‍तेक्‍म।

नेहेम्‍याह 7:37

लोद, हादीद नु ओनो सहर ङा वोंइश मुर ७२१

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

भजन संग्रह 22:27

रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।

यसैया 31:6

ए इस्राएली, गे हेंथे पा शुश ङोन लाइबपुकी, परमप्रभु गे ले‍तीन। येरमीया ७:३-५

यसैया 33:9

रागी रोंका पशा, गोरशो दुम्‍शो बाक्‍ब। लेबानोन मुने दोक्‍शा, बेक्‍त। शारोन गोरशो रागी खोदेंशो दुम्‍त। बाशान नु कारमेलम आस सफा तोक्‍नीस।

यसैया 35:2

मिनु मेको थाम्‍पा बोइश्‍शा, ग्‍येरसीशा कुम्‍सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्‍ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।

यसैया 65:10

मिनु शारोन आं मुर आन क्‍यारश भेडा योव़तीके नु आकोर माइश्‍शो दिंमम बी ब्‍यफ जोपाइक्‍तीके दुम्‍ब। मेको आं कली माल्‍ब आन कली दुम्‍ब। यसैया ३३:९; यहोसु ७:२६

यसैया 66:8

मोदेंशो लोव़ सुम नेन्‍मे, सुम तामे? मार, नाक्‍त कामी रागी का दुम्‍बा ङा? याम कामी रागी का जरमेसीबा ङा? सियोनमी सुत्‍केरी रोइ पचा चिक्‍तानु, आलपुकी थिप्‍तु।

बिलाप 3:40

गो आंम कली नाक्‍शा कोव़शा, परमप्रभु यावे गे लेत्‍नय।

होसे 12:6

मिनु मेकोमी “गे परमप्रभु गे लेत्‍चा माल्‍नेवे। गे दाक्‍चा नु ठीक पचा मप्रोनीन। परमप्रभु यावे कली रिम्‍शा बाक्‍कीन” देंत।

होसे 14:2

परमप्रभु आ लोव़ मेको कली देंशा, परमप्रभु यावे गे लेतीन। मिनु गेपुकीमी मेको कली “आंइ पाप नेल्‍ल क्‍याम्‍दीने! आंइ कली शिशी पा ब्रने। गो इन नें ठेयब सेल्‍नीकी। हिब्रू १३:१५

योएल 2:13

गे रोंका पा इन वा मखाक्‍कीन। इन थुं खाक्‍कीन। गेपुकी परमप्रभु यावे, इन परमप्रभु गे ले‍तीन। मारदे हना मेकोमी शिशी पा दाक्‍ब। मेको रीब पा मगाइक्‍ब। गेना हना यो दाक्‍ब नु रीब पा सजाइ मगेब बाक्‍ब। प्रस्‍थान ३४:६

प्रेरित 11:21

मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

प्रेरित 15:19

मोपतीके परमप्रभु यावे आ देंशो तुइश्‍शा, दोदेंशो मिम्‍चा माल्‍नय देंशा हना, अर्को रागी ङा थमा सुइक्‍ब आन कली श्‍येत मगेचा।

प्रेरित 19:10

मिनु बर्स निक्‍शी सम्‍म मोपा शेंना शेंन बाक्‍माक्‍त। मोपतीके एसीया ङा यहूदी नु ग्रीक नेल्‍लेमी परमप्रभु यावे आ लोव़ नेंचा तामे बाक्‍त।

प्रेरित 19:20

मिनु परमप्रभु यावे आ लोव़ तेइ तेइ ब्रशा सक्ति पाइश्‍शो दुम्‍शा बारना बारन लमाक्‍त। प्रेरित १२:२४

प्रेरित 2:47

परमप्रभु यावे कली ठेयब सेल्‍ना सेल्‍न बाक्‍बाक्‍मा बाक्‍त। मुरपुकीमी मेको आन कली मोदेंशो पशो तशा, रिम्‍शो मिम्‍बाक्‍मा बाक्‍त। प्रभुमी नाक्‍त किंत किंत येसु कली थमा सुइक्‍ब तेम्‍ना तेम्‍न बारपाइक्‍मी बाक्‍त। प्रेरित ४:४; प्रेरित ५:१४; प्रेरित ६:७; प्रेरित ११:२१; प्रेरित १४:१

प्रेरित 4:4

पत्रुस नु यूहन्‍ना आस शेंशो लोव़ नेंशा, थमा सुइक्‍ब ५ हजार जना जाक्‍दीश्‍शो बाक्‍मा बाक्‍त। प्रेरित २:४७

प्रेरित 6:7

मिनु परमप्रभु यावे आ लोव़ तेइ तेइ बारना बारन ल‍माक्‍त। यरूसलेममी शुश मुर येसु ख्रीस्‍त कली थमा सुइक्‍ब दुम्‍शा, तेम्‍सीन सीन बारना बारन लमा बाक्‍त। चढ़ेब शुश यो थमा सुइक्‍ब दुम्‍मा बाक्‍त। प्रेरित २:४७; प्रेरित १९:२०

प्रेरित 9:34

मिनु पत्रुसमी “एनीयास, येसु ख्रीस्‍तमी इ कली सापाइक्‍ब। मोपतीके बोक्‍शा, इ ब्राख्‍ये पोक्‍शा वोतो” देंमेनु, एनीयास छुल बोक्‍माक्‍त।

प्रेरित 9:42

मोदेंशो दुम्‍त देंशो लोव़ योप्‍पा सहरमी बाक्‍ब नेल्‍लेमी नेन्‍मे बाक्‍त। मिनु शुशेमी प्रभु कली थमा सुदमे बाक्‍त।

२ कोरिन्‍थी 3:16

तन्‍न सुमी आ थुं प्रभु गे हिरबा, मेको आ थुंमी गिल्‍शो वा हुक्‍सी‍शा, रुप्‍ब दुम्‍ब। रोमी ११:२३,२६; प्रस्‍थान ३४:३४

ब्‍यवस्‍था 4:30

आं देंशो लोव़ मोदेंशो पा दुम्‍शा, श्‍येत जनीनु, गे नोले ङा नाक्‍तीम परमप्रभु यावे, इन परमप्रभु गे लेत्‍नीनी। आं देंशो लोव़ टीनीनी। ब्‍यवस्‍था ३०:२