प्रेरित 9:26 - Sunuwar Bible

²⁶ सावल दमस्‍कस रे प्रोक्‍शा, यरूसलेम लेश्‍शा जाक्‍दीम्‍माक्‍त। मिनु थमा सुइक्‍ब नु गारशा, काथा बाक्‍चा मला बाक्‍त। तन्‍न मेकोपुकीमी मेको येसु आ नोले खोइक्‍ब दुम्‍त, दे थमा मसुइक्‍थु, हिंशा मब्रामे बाक्‍त। गलाती १:१७-१९

प्रेरित 9:26 ပူးပေါင်းရင်းမြစ်များ

मत्ती 24:10

मिनु शुशेमी थमा सुइक्‍चा प्रोंइनीम। खेदा पाइब आन कली वारच पाइनीम। वारच आन दातेमी काइ मदाक्‍मुइनीम।

प्रेरित 26:20

दमस्‍कसमी जाक्‍दीश्‍शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्‍ती। अर्को रागी ङा मुर आन रागी रागी हिरशा गाक्‍ती। मोपा गाक्‍ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्‍त, दे कोंइदीने’ दे शेंना शेंन गाक्‍ती।

प्रेरित 4:23

मिनु पत्रुस नु यूहन्‍ना प्रोंइचा पुंइसीशा, वारच आन कली ग्रुम्‍थ लसा बाक्‍त। मिनु सु सुमी मार मार पवा, मार मार देंमा, मेको नेल्‍ल शोव़ङसे बाक्‍त।

प्रेरित 9:19

मिनु जशा तूशा बोल तेम्‍सीशा, इच्‍का नाक्‍त दमस्‍कस ङा थमा सुइक्‍बपुकी नु काथा बाक्‍माक्‍त।

प्रेरित 9:25

मोपतीके काबु नाक्‍दो थमा सुइक्‍बपुकीमी सावल कली डोकोमी कुर पशा, डोरीमी क्‍युक्‍शा, सहर ङा गारो आ ची लुक्‍च तोइक्‍पा प्रोक्‍पदमे बाक्‍त। २कोरिन्‍थी ११:२२-२३

गलाती 2:4

तन्‍न मेकेर खुम्‍सीशा बाक्‍ब आन मतुइक्‍थु थमा सुइक्‍ब दुम्‍खु पा, दूली शेंब ब्‍वांइ‍साक्‍म। मोपा गोपुकी नु ब्‍वांइ‍सीशा, आंइ थुं कोव़शा बाक्‍तेक्‍म। गोपुकी ख्रीस्‍त येसुमी यहूदी आन रिती थिती पचा प्रोंइशा बाक्‍तक। तन्‍न मेकोपुकीमी यहूदी आन रिती थितीम लेप्‍पाइक्‍चा बोल पाम्‍तेक्‍म।