प्रेरित 9:24 - Sunuwar Bible

²⁴ मिनु सावलमी “आं कली साइक्‍चा माल्‍तीमी” दे तुइक्‍ता बाक्‍त। नाक्‍दो नाक्‍त यहूदीपुकीमी सहर ङा ओव़तीक ग्रूतीक लां मेर मेको कली बाप्‍बाक्‍मा बाक्‍त।

प्रेरित 9:24 ပူးပေါင်းရင်းမြစ်များ

भजन संग्रह 21:11

मेकोपुकीमी इन कली मरिम्‍शो पचा, दे मिम्‍शो बाक्‍तेक्‍म हना यो, आन मिम्‍शो पने मचाप्‍नीम। यसैया ८:१०

हितोपदेस 24:15

गे परमप्रभु यावे आ अरेशो मटीब ठीक पाइब आन खिं खतम पोक्‍चा कली बाप्‍शा मबाक्‍को। मेको ठीक पाइब आ बाक्‍तीकेमी हुश ख्राक्‍श मपोक्‍को।

प्रेरित 20:19

गो प्रभु आ वाइल दुम्‍शा, ठेयब मलेत्‍थु प्रभु आ गेय पना पन गाक्‍ती। मोपा गाक्‍ङानु, यहूदीपुकीमी खेदा पा शुश श्‍येत गेशा, आं थुं खाइक्‍पा ङाक्‍पाइक्‍तीमी।

प्रेरित 20:3

मिनु ग्रीस रागीमी महिना सां सम्‍म बाक्‍शा “मुल जहाज ङोइश्‍शा, सिरीया गे लाइनुङ” दे लचावानु “यहूदीपुकीमी आं कली ग्‍याइक्‍चा कली लां बाप्‍शो बाक्‍नीम” दे तुइश्‍शा, जहाज ङोइश्‍शा मलथु, गाक्‍शा मासीडोनीया लमाक्‍त।

प्रेरित 23:30

मिनु यहूदीपुकीमी ‘मेको कली साइक्‍चा, दे गारशो बाक्‍नीम’ देंशो नेंशा, हजुर, इन बाक्‍तीक सोइक्‍ताक्‍ङ। एको कली दोस गेब आन कली ‘सिजरिया ङा हुकुम पाइब आ बाक्‍तीक लने’ दे माइक्‍नुङमी” दे ब्रेक्‍ता बाक्‍त।

प्रेरित 25:11

गो दू्ली पाइब दुम्‍शा, साइक्‍चा पुंइसीचा ङा बाक्‍ती हना, सजाइ जाइनुङ। बेक्‍चा यो महिंनुङ। आं कली दोस गेबपुकीमी दोस ग्रुंइने मचाप्‍तेक्‍म हना, आन गुइमी दोपा गेचा पुंइसीनुङा? सिजर पिपी कली आं मुददा कोव़चा गेने, देंनुङ” दे मदा बाक्‍त। प्रेरित २३:११; प्रेरित २८:१९

प्रेरित 25:3

मार देंमा बाक्‍त देंशा हना “पावल कली यरूसलेम लेश्‍शा सोइश्‍शा, आ मुददा कोव़चा माल्‍ताक्‍व” दे शुश लोव़ पा पुन्‍मे बाक्‍त। मारदे हना, लांमी बाप्‍शा, साइक्‍चा, दे लोव़ पशो बाक्‍मा बाक्‍त। प्रेरित २३:१५

प्रेरित 9:25

मोपतीके काबु नाक्‍दो थमा सुइक्‍बपुकीमी सावल कली डोकोमी कुर पशा, डोरीमी क्‍युक्‍शा, सहर ङा गारो आ ची लुक्‍च तोइक्‍पा प्रोक्‍पदमे बाक्‍त। २कोरिन्‍थी ११:२२-२३

२ कोरिन्‍थी 11:32

साइ दमस्‍कस सहरमी बाक्‍ङानु, पिप अरेतस आ हुकुम पाइबमी आं कली ग्‍याइक्‍चा, दे सहर आ एर ओंथ आ सिपाहीपुकी वोइक्‍मी बाक्‍त।