प्रेरित 9:2 - Sunuwar Bible

² मिनु काबु यरूसलेममी बाक्‍ब ठेयब चढ़ेब आन कली ग्रुम्‍शा, दमस्‍कस सहर ङा ग्रुम्‍तीक खिं खिं ङा ठेयब मुर आन कली कागज ब्रेक्‍शा गेचा नङ देंशा पुना बाक्‍त। सावल आ पुंइशो लोव़ मार बाक्‍त देंशा हना “दमस्‍कसमी बाक्‍ब येसु आ लां खोइक्‍ब मीश मुर वोंइश मुर सु सु थिदुमी, मेको नेल्‍ल आन कली ग्‍याइश्‍शा फ्रेंशा, यरूसलेम चाक्‍नुङमी” दे पुंइशो बाक्‍माक्‍त।

प्रेरित 9:2 ပူးပေါင်းရင်းမြစ်များ

उत्पत्ती 14:15

नाक्‍दोमी अब्राममी आ मुर आन कली हुल निक्‍शी पशा, रोइक्‍बपुकी नु लडाइ पशा ग्राशा, होबाह सम्‍म खेदा पामे बाक्‍त। होबाह दमस्‍कस सहर आ उत्तर गे बाक्‍ब।

यसैया 17:1

मिनु परमप्रभु यावेम दमस्‍कस आ पर्बम यसैया कली “दमस्‍कस सहर खतम दुम्‍शा मलीब। मेकेर ब्रेश्‍शो खिं ला बाक्‍नीम।

येरमीया 49:23

परमप्रभु यावेमी दमस्‍कस आ पर्बम “हमाथ नु अरपाद वाम ग्‍याम दुम्‍शो बाक्‍नीस। मारदे हना मेको निक्‍शीमी मरिम्‍शो लोव़ नेंताक्‍स। मेको हिंशा आस थुं ग्‍येत्‍थ लुक्‍च दुम्‍शो बाक्‍नीस। मिनु समुन्‍द्र खोदेंशो पा सिक्‍सी पा बाक्‍ने मचाप्‍नीस।

मत्ती 10:17

होस पा गाक्‍कीन। मारदे हना मेको फरपुकीमी इन कली सभा कछ‍डीम वोइक्‍नीम। ग्रुम्‍तीक खिंमी लाइश्‍शा युक्‍नीम। प्रेरित ५:४०; २कोरिन्‍थी ११:२४

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

प्रेरित 18:25

प्रभु येसु आ पर्बम शेंसीशा जोक्‍शो बाक्‍माक्‍त। सक्ति पाइश्‍शो लोव़ पने चाप्‍ब बाक्‍माक्‍त। मिनु येसु आ लोव़ दोदेंशो बाक्‍मे, मोदेंशोन शेंबाक्‍माक्‍त। ब्‍वाक्‍कुम ख्रुम्‍शा ग्रुंइचा आ पर्बम चहिं यूहन्‍नामी दोदेंशो पशो बाक्‍मे, मेको ला तुइश्‍शो बाक्‍माक्‍त। प्रेरित १९:३

प्रेरित 19:23

एफिससमी बाक्‍मेनु, मार दुम्‍माक्‍त देंशा हना, प्रभु आ नक लां खोइक्‍चा आ पर्बम राम्‍शी पोक्‍चा गोव़मे बाक्‍त। २कोरिन्‍थी १:८-९

प्रेरित 19:9

मिनु आ लोव़ नेंबपुकीमी थमा मसुइक्‍थु, नक लां आ पर्बम ग्रुम्‍तीक खिंमी शुक्‍शी लोव़ पतीके मेको मेकेर शेंचा प्रोना बाक्‍त। मिनु शेंसीचा दाक्‍ब आन कली चहिं काथा लाइश्‍शा, टिरान्‍नस आ इस्‍कुलमी नेंचा दाक्‍ब आन कली खुप्‍शा, नाक्‍त किंत किंत शेंना शेंन बाक्‍माक्‍त।

प्रेरित 24:14

लोव़ का चहिं हजुर, इन कली रुप्‍पाइक्‍नन्‍नी, गो येसु ख्रीस्‍त आ लां खोइश्‍शा गाक्‍नुङ। मेकोपुकीमी मेको लां दूली बाक्‍ब, दे मिम्‍शो बाक्‍नीम। ख्रीस्‍त आ लां खोइश्‍शा, साइ आं किकी पिपी आन परमप्रभु यावे कली ठेयब सेल्‍नुङ। गो मोसा आ अरेशो लोव़ नु परमप्रभु यावे आ लोव़ पाइबपुकीमी ब्रेक्‍शो लोव़ नेल्‍ल थमा सुइक्‍नुङ।

प्रेरित 24:22

मिनु फेलीक्‍स, हुकुम पाइबमी, ख्रीस्‍त आ लां खोइक्‍चा आ पर्बम शुश लोव़ तुइश्‍शो बाक्‍माक्‍त। मोपतीके “लिसीयस, लडाइ पाइब आन ठेयब मुर, जाक्‍शा नोले ला इन लोव़ नेंशा, निसाफ कोव़शा ख्रोइश्‍शा गेनन्‍नी” दे बैठक पोक्‍शा सोइक्‍तीमी बाक्‍त। प्रेरित २३:२६

प्रेरित 26:10

यरूसलेममी मेको आ नें क्‍याम्‍तीक गेय पा गाक्‍ती। ठेयब चढ़ेबपुकी रे अधिकार तशा, थमा सुइक्‍ब शुश आन कली जेल्‍खानमी चोक्‍पाइक्‍तामी। मोशो ला ममाइ, थमा सुइक्‍ब आन कली सदमेनु, गोमी ‘रिम्‍शो पाइतीनी’ देंती।

प्रेरित 26:12

मोपा श्‍येत गेना गेन गाक्‍ङानु, काबु ठेयब चढ़ेब आन अधिकार तशा, वारच नु गारशा, दमस्‍कस सहर गे लाइतक।

प्रेरित 6:9

मिनु लिबेरती माइश्‍शो ग्रुम्‍तीक खिं नु साइरेनी, अलेकजेन्‍द्रीया, सिलीसीया नु एसीया रे जाक्‍शो शेंबपुकीमी स्‍तीफानस नु जिशो बाक्‍तेक्‍म।

प्रेरित 7:19

मेको पिपीमी इं मुर आन कली शिशी मपथु, शुश श्‍येत गेवा बाक्‍त। आल थीब आन कली यो आन आल थुल्‍चा मगेथु ताइक्‍पदा बाक्‍त।

प्रेरित 9:14

थमा सुइक्‍ब आन कली ग्‍याइश्‍शा फ्रेंशा लाइक्‍चा कली ठेयब चढ़ेबपुकी रे अधिकार तशो बाक्‍माक्‍त, दे तुइक्‍ताक्‍ङ” देंमाक्‍त।

प्रेरित 9:21

मोदेंशो मेको आ शेंशो नेंशा “आमाइ, यरूसलेममी येसु कली थमा सुइक्‍ब आन कली का यो मवोइक्‍नुङमी देंब मेको ममाइ ङा? इं सहर ङा येसु कली थमा सुइक्‍ब आन कली यो ग्‍याइश्‍शा लाइश्‍शा, ठेयब चढ़ेब आन ङोंइती राप्‍पाइक्‍नुङमी, दे एक जाक्‍शो ममाइ ङा?” दे छक लाक्‍शा देंमुमा बाक्‍त। प्रेरित ८:१; प्रेरित २६:१०

२ कोरिन्‍थी 11:32

साइ दमस्‍कस सहरमी बाक्‍ङानु, पिप अरेतस आ हुकुम पाइबमी आं कली ग्‍याइक्‍चा, दे सहर आ एर ओंथ आ सिपाहीपुकी वोइक्‍मी बाक्‍त।

गलाती 1:17

गो यरूसलेमम बाक्‍ब आं ङोंइती ब्रेत्‍चा पुंइसीशा शेंथ सोइश्‍शो आन कली ग्रुम्‍थ यो मलङ। अराब रागी लशा हिरशा, दमस्‍कस सहर जाक्‍दीश्‍शा बाक्‍ती।