प्रेरित 9:18 - Sunuwar Bible

¹⁸ सावल आ मिक्‍च मारम फारशो बाक्‍मे, मेको दोक्‍शा, मिक्‍च ताइब दुम्‍माक्‍त। मिनु छुल बोक्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त।

प्रेरित 9:18 ပူးပေါင်းရင်းမြစ်များ

प्रेरित 2:38

पत्रुसमी “इन थुं परमप्रभु यावे गे लेश्‍शा, येसु कली थमा सुइश्‍शा, आ नेंमी ब्‍वाक्‍कुम ख्रुम्‍शा ग्रुंइपांइसीने। मिनु इन पाप क्‍याम्‍चा पुंइसीनीनी। परमप्रभु यावे आ सोक्‍तीम प्रिंचा यो पुंइसीनीनी। प्रेरित ३:१७-१९; लूका २४:४७

प्रेरित 2:41

मिनु शुश मुरुमी पत्रुस आ देंशो बिश्‍शा, ख्रीस्‍त कली थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त। मोपा ब्‍वाक्‍कुम ख्रुम्‍शा ग्रुंइचा पुंइसीबपुकी हजार सां खोइ दुम्‍मा बाक्‍त। मोपा थमा सुइक्‍ब नु तेम्‍समा बाक्‍त।

प्रेरित 22:13

मेको मुर आं कली ग्रुम्‍थ जाक्‍त। मिनु आं ङोंइती राप्‍शा ‘आं लोक्‍ब सावल, मिक्‍च ताइब दुमो’ देंमेनु, गो मिक्‍च ताइब दुम्‍शा, आं ङोंइती राप्‍शो ताता।

प्रेरित 22:16

मुल कोव़शा मबाक्‍को, छुल बोक्‍शा प्रार्थना पा, हे प्रभु येसु, आं पशो पाप क्‍याम्‍शा गेयीनी, दे पुंइशा, ब्‍वाक्‍कुमी ख्रुम्‍शा ग्रुंइने पुंइसो’ दे माइक्‍ती।

प्रेरित 9:17

मिनु हनानीया लशा, यहूदा आ खिं जाक्‍दीश्‍शा ओव़शा, सावल तारी आ गुइ चाक्‍शा “आं लोक्‍ब सावल, गे यरूसलेम रे पिवेनु, लांमी इ तशो प्रभु येसुम सोइक्‍ताक्‍यी। मिनु मिक्‍च ताइब दुमो, परमप्रभु यावे आ सोक्‍तीम ब्रीशो दुमो” देंमेनु,

प्रेरित 9:19

मिनु जशा तूशा बोल तेम्‍सीशा, इच्‍का नाक्‍त दमस्‍कस ङा थमा सुइक्‍बपुकी नु काथा बाक्‍माक्‍त।

प्रेरित 9:8

मिनु सावल बोक्‍शा मिक्‍च पाक्‍शा कोव़ङानु, मिक्‍च मताइब दुम्‍शो बाक्‍माक्‍त। मिनु आ वारचपुकीमी आ गुइ रे कीशा दमस्‍कसमी चाक्‍दीत्‍मे बाक्‍त।

२ कोरिन्‍थी 3:14

मोसामी इस्राएली आन कली परमप्रभु यावे आ देंशो लोव़ शेंदीमी बाक्‍त। मेकोपुकी चहिं मारेइ मरुप्‍ब दुम्‍मा बाक्‍त। मुल यो मरुप्‍ब बाक्‍नीम। साइ ङा लोव़ नेंपदमेनु, मेको आन थुं वाम गिल्‍शो खोदेंब दुम्‍शा, लोव़ मरुप्‍नीम। ख्रीस्‍तमी ला मेको आन थुंमी गिल्‍शो वा प्राक्‍शा रुप्‍ब सेल्‍ने चाप्‍ब। प्रेरित २८:२७; रोमी ११:२५

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८