प्रेरित 9:1 - Sunuwar Bible

¹ सावल मुल यो थमा सुइक्‍ब आन कली खेदा पा श्‍येत गेशा साइक्‍नुङमी देंना देंन गाक्‍बाक्‍माक्‍त। प्रेरित २२:३-१६; प्रेरित २६:९-१८; प्रेरित ८:३

प्रेरित 9:1 ပူးပေါင်းရင်းမြစ်များ

भजन संग्रह 27:12

आं कली खेदा पाइब आन गुइमी मगेयीनी। मारदे हना मेको जोल पा सांकछी बाक्‍शो बाक्‍नीम। मेकोपुकी हुश ख्राक्‍श पोक्‍ब बाक्‍नीम।

प्रेरित 7:58

मिनु कीशा लाइश्‍शा, सहर रे ग्रुंइशा, फुल्‍लु क्रोम्‍चा गोव़मे बाक्‍त। सांकछीपुकीमी आन वा प्रुइश्‍शा, सावल नें पाइश्‍शो ठिटा का आ ङोंइती वोदमे बाक्‍त। लेवी २४:१६; प्रेरित २२:२०

प्रेरित 8:3

सावलमी चहिं “मेको आन थमा सुइश्‍शो क्‍याम्‍चा” दे खिं खिं हिरशा ओव़शा, थमा सुइक्‍ब वोंइश मुर, मीश मुर नेल्‍ल आन कली ग्‍याइक्‍पाइश्‍शा, फ्रेंशा लाइश्‍शा जेल्‍खानमी चोक्‍पाइक्‍बाक्‍माक्‍त। प्रेरित ९:१; प्रेरित २२:४; १कोरिन्‍थी १५:९

१ कोरिन्‍थी 15:9

मारदे हना गो सोइश्‍शो आन दातेमी नेल्‍ल क्‍येङा आइक्‍च बाक्‍नुङ। आं कली सोइश्‍शो देंचा मशिरचा ङा बाक्‍नुङ। मारदे हना गो परमप्रभु यावे कली थमा सुइक्‍ब आन कली खेदा पाता। एफिसी ३:८; प्रेरित ८:३

गलाती 1:13

साइ गो दोपा यहूदी धर्म ब्रङा, मेको नेंशा तुइश्‍शो बाक्‍नीनी। मेना गो येसु ख्रीस्‍त आ नेंमी देल्‍ब आन कली खेदा पपाइश्‍शा ग्‍याइक्‍पाइश्‍शा चोक्‍पाइश्‍शा, श्‍येत गेतामी। मेको आन कली साम्‍चा, दे शुश गेय पाता।

फिलिप्‍पी 3:6

गो थमा सुइक्‍ब आन कली खेदा पाता। परमप्रभु यावे आ अरेशो लोव़ टिशा, ठीक पाता, दे मिम्‍शा, दोस मताइब दुम्‍ती, देंती। प्रेरित ८:३

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।