प्रेरित 8:37 - Sunuwar Bible

³⁷ मिनु फिलीपमी “गे येसु कली थमा सुइक्‍तीनी हना, ब्‍वाक्‍कुम ख्रुम्‍शा ग्रुंइचा शिरनीनी” देंमेनु “गो येसु ख्रीस्‍त परमप्रभु आ तौ बाक्‍ब, दे थमा सुइक्‍ता” देंमाक्‍त।

प्रेरित 8:37 ပူးပေါင်းရင်းမြစ်များ

मत्ती 16:16

सिमोन पत्रुसमी “ब्रोंइशा बाक्‍ब परमप्रभु यावे आ तौ ख्रीस्‍त बाक्‍नीनी” देंत। यूहन्‍ना ६:६९

मत्ती 28:19

मोपतीके रागीम नेल्‍ल हिरशा, नेल्‍ल जात, थर ङा मुर आन कली आं पर्बमी शेंशा, आं नोले खोइक्‍ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्‍त आन नेंमी मेको आन कली ब्‍वाक्‍कुम ख्रुम्‍शा ग्रुंइदीने। मत्ती २४:१४; मर्कूस १६:१५-१६; २कोरिन्‍थी ५:२०

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

यूहन्‍ना 11:27

मिनु मारथामी “प्रभु, गे रागीमी जाक्‍शो परमप्रभु यावे आ तौ, ख्रीस्‍त ननी, दे गो थमा सुइक्‍नुङ” देंत। मत्ती १६:१६

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 6:68

मिनु सिमोन पत्रुसमी “प्रभु, गो सु का आ नोले खोइक्‍नीकी? गे गेना हना यो ब्रोंइशा बाक्‍चा ङा लोव़ पाइनीनी।

यूहन्‍ना 9:35

मिनु येसुमी मेको कली यहूदी आन ग्रुम्‍तीक खिं रे तिल्‍तेक्‍म देंशो नेंशा, मेको कली ग्रुम्‍शा “गे रागीमी जरमेशो कली थमा सुइक्‍नेवे?” दे हिल्‍लो पाप्‍तु।

प्रेरित 2:38

पत्रुसमी “इन थुं परमप्रभु यावे गे लेश्‍शा, येसु कली थमा सुइश्‍शा, आ नेंमी ब्‍वाक्‍कुम ख्रुम्‍शा ग्रुंइपांइसीने। मिनु इन पाप क्‍याम्‍चा पुंइसीनीनी। परमप्रभु यावे आ सोक्‍तीम प्रिंचा यो पुंइसीनीनी। प्रेरित ३:१७-१९; लूका २४:४७

प्रेरित 8:12

मिनु फिलीप जाक्‍शा, मुर आन कली येसु ख्रीस्‍तमी इं कली पाप रे प्रोंइब, दे परमप्रभु यावे आ राज्‍य ङा लोव़ नु येसु ख्रीस्‍त आ पर्बम नेंपाइक्‍ना पाइक्‍न, शेंना शेंन गाक्‍मेनु, मीश मुर नु वोंइश मुर शुशेमी थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त।

प्रेरित 8:21

गे मेको गेय पने मचाप्‍नेवे। मारदे हना इ थुं परमप्रभु यावे आ ङोंइती मरिम्‍शो बाक्‍ब।

प्रेरित 8:36

मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।

प्रेरित 8:38

मिनु बग्‍गी तिक्‍शा तोइश्‍शा, फिलीपमी ठेयब मुर कली ब्‍वाक्‍कुम ख्रुम्‍शा ग्रुंइदा बाक्‍त।

प्रेरित 9:20

मिनु सावल ग्रुम्‍तीक खिं खिं लशा “येसु परमप्रभु यावे आ तौ बाक्‍ब” दे शेंना शेंन यहूदी आन कली येसु आ पर्बम शुश लोव़ तुइक्‍पाइक्‍मी बाक्‍त।

रोमी 10:10

मुरुमी मेको थमा सुइश्‍शा, ठीक दुम्‍नीम। मिनु सु सुमी “येसु आं प्रभु बाक्‍ब” दे मुर आन ङोंइती देंबा, मेको ब्रोंइचा ताइनीम, दे तुइक्‍नय।

१ कोरिन्‍थी 12:3

मिनु परमप्रभु यावे आ सोक्‍तीम पपाइश्‍शो लोव़ पा “येसु सराप रल” देंने मचाम्‍सीब। परमप्रभु यावे आ सोक्‍तीम पतीके ला “येसु इं प्रभु बाक्‍ब” देंने चाम्‍सीब, दे रुप्‍पाइक्‍नन्‍नी।‍ मर्कूस ९:३९; १यूहन्‍ना ४:२-३

१ पत्रुस 3:21

ब्‍वाक्‍कुमी ख्रुम्‍शा ग्रुंइतीके मेको नु गारचा ङा बाक्‍ब। मेकोमी इन कली मुल प्रोंइब। इन रां चिक्‍चा ममाइ, तन्‍न इन थुं ङा मिम्‍तीके रिम्‍शो दुम्‍ल, दे परमप्रभु यावे कली पुंइतीके बाक्‍ब। मेको नेल्‍ल येसु ख्रीस्‍त आ सेंसीशो रे जाक्‍ब। एफिसी ५:२६; हिब्रू १०:२२

१ यूहन्‍ना 4:15

सुमी “येसु परमप्रभु यावे आ तौ बाक्‍ब” देंबा, मेको परमप्रभु यावे नु थुं का ङा बाक्‍ब। मिनु परमप्रभु यावे यो मेको नु थुं का ङा बाक्‍ब। १यूहन्‍ना ५:५

१ यूहन्‍ना 5:1

मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।

१ यूहन्‍ना 5:10

सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६

१ यूहन्‍ना 5:5

सु सुमी ग्रानीम देंशा हना “येसु परमप्रभु यावे आ तौ बाक्‍ब” दे थमा सुइक्‍बमी ग्रानीम। १यूहन्‍ना ४:४