प्रेरित 8:24 - Sunuwar Bible

²⁴ सिमोनमी “इन देंशो खोदेंशो मदुम्‍ल, दे आं पर्बम प्रभु कली प्रार्थना पने, हजुर” दे सेउ पवा बाक्‍त।

प्रेरित 8:24 ပူးပေါင်းရင်းမြစ်များ

उत्पत्ती 20:17

मिनु अब्राहामम अबीमेलेक आ पर्बम परमप्रभु कली पुना बाक्‍त। मिनु परमप्रभुमी अबीमेलेक, आ मीश नु आ गेय पाइब नेल्‍ल आन पर्बम आल मथितीक रोइ रे सापदा बाक्‍त।

उत्पत्ती 20:7

मुल मेको मुर आ मीश लेत्‍तो। मारदे हना मेको आं लोव़ पाइब का बाक्‍ब। मेकोमी इ पर्बम पुंइब। मिनु गे ब्रोंइनेवे। गे आ मीश कली मलेत्‍ताक्‍वी हना, गे थमा पा बेक्‍चा माल्‍नेवे। इ मुर नेल्‍ल यो बेक्‍चा माल्‍नीमी, दे तुइक्‍तो” देंमाक्‍त। १राजा १३:६

१ राजा 13:6

मिनु पिपमी परमप्रभु आ मुर कली “आं गुइ ङोंइती ङा खोदेंशो दुम्‍ल, दे परमप्रभु यावे, इन परमप्रभु कली आं पर्बम पुनीन” देंमाक्‍त। मिनु पिप आ देंशो खोदेंशो पा मेको परमप्रभु आ मुरुम परमप्रभु यावे कली पुना बाक्‍त। मिनु पिप आ गुइ ङोंइती ङा खोदेंशो दुम्‍माक्‍त। प्रस्‍थान ८:४

एज्रा 6:10

मिनु मेकोपुकीमी स्‍वर्ग ङा परमप्रभु आ दाक्‍चा ङा पा चढ़ेने चाप्‍नीम। मिनु पिप नु आ तौपुकी शुश ब्रोंइशा बाक्‍ने चाप्‍मेक्‍ल, दे परमप्रभु कली पुंइनीम।

एज्रा 8:23

मिनु गो आंइ रिम्‍शो पा गाक्‍तीक आ पर्बम माइजा बाक्‍शा, आंइ परमप्रभु कली पुंइतक। मिनु परमप्रभुमी आंइ पुंइशो नेंतु।

अय्‍युब 42:8

मोपतीके गे ७ ओटा ब्‍यफ नु ७ ओटा सांड लाइश्‍शा आं गेय पाइब अय्‍युब आ बाक्‍‍तीके लने। मिनु गेपुकीम इन पर्बम चोशा चढ़ेतीक चढ़ेने। मिनु आं गेय पाइब अय्‍युबमी इन पर्बम आं कली माफ पुंइचा माल्‍ब। मिनु गो मेको आ पुंइशो लोव़ नेंनुङ। मिनु गे इन मूर्ख लोव़ पशो ङा सजाइ मगेनन्‍नी। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु” देंमाक्‍त। १इतिहास १५:२६; इजीकीएल १४:१४

प्रस्‍थान 10:17

मुल खेयप का ला आं कली माफ गेयीसी, दे पुंइनुङ। मिनु आं पर्बम परमप्रभु यावे, इन परमप्रभु कली पुनीस। सल्‍हा माले खेरशा, अन्‍काल रे मबेक्‍पाइक्‍चा नम, दे पुनीस” दे मोसा नु हारून आस कली माइक्‍तीम्‍सी। प्रस्‍थान ८:४

प्रस्‍थान 12:32

इन बी ब्‍यफ नु क्‍यारश भेडा आन कली लाइश्‍शा, फो फु ग्रूङीने। आं कली आसीक गेयीसी” दें‍त। प्रस्‍थान १०:२६; एज्रा ६:१०

प्रस्‍थान 8:8

मिनु फाराओमी मोसा नु हारून आस कली ब्रेप्‍पाइश्‍शा “आं पर्बम नु आं मुर आन पर्बम परमप्रभु यावे कली पुनीस। क्रुक्‍क्रु लमल, दे पुनीस। गोमी इस्राएल जात ङा मुर आन कली परमप्रभु यावे कली चढ़ेथ लचा गेनुङ” दे मोसा नु हारून आस कली देंत। प्रस्‍थान ८:२४; प्रस्‍थान ९:२८; प्रस्‍थान १०:१७

येरमीया 37:3

मो हना यो पिप सिदकीयाहम शेलेम्‍याह आ तौ येहुकल नु मासेयाह आ तौ चढ़ेब सेफन्‍याह आस कली परमप्रभु यावे आ लोव़ पाइब येरमीया आ बाक्‍तीकेम “आंइ पर्बम इं परमप्रभु यावे नु पुंइशा गेने” देंथ, मुर सोइक्‍ताक्‍व। येरमीया ७:१६; येरमीया ४२:२

येरमीया 42:2

परमप्रभु यावे आ लोव़ पाइब येरमीया आ बाक्‍तीके जाक्‍तेक्‍म। मिनु मेको कली “गो आंइ पुंइशो नेनीन। मिनु परमप्रभु यावे, इन परमप्रभु कली आंइ पर्बम नु लीशो मुर नेल्‍ल आन पर्बम पुनीन। मारदे हना शुश मुर रे का निक्‍शी ला लीतक। मेको गे आंमा ताइतीनी। येरमीया ३७:३

गन्‍ती 21:7

मिनु मुरपुकी मोसा आ बाक्‍तीक जाक्‍शा “गोपुकीम परमप्रभु यावे नु इन पर्बम मरिम्‍शो लोव़ पा पाप पाइतक। मेको बुस्‍सपुकी खेरचा, दे परमप्रभु यावे कली आंइ पर्बम पुनीन” देंतेक्‍म। मिनु मोसामी मेको मुर आन पर्बम पुंइतु। प्रस्‍थान ३२:३०-३४

याकूब 5:16

मोपतीके रोइ सापाइक्‍चा कली इन पशो पाप शोव़मुशा, प्रभु नु लोव़ पमुने। ठीक थमा सुइक्‍ब आन पुंइशो लोव़मी ठेयब गेय पाइब। प्रेरित १२:५

१ सामुएल 12:19

मिनु मुर नेल्‍लेमी सामुएल कली “परमप्रभु यावे, इन परमप्रभु कली आंइ पर्बम ‘गो मबेक्‍कल’ दे पुनीन। मारदे हना आंइ मरिम्‍शो पशो ला ममाइ, आंइ कली पिप का माल्‍नीकी, दे आंइ मरिम्‍शो पतीक तेम्‍ताक्‍क” देंमा बाक्‍त।

१ सामुएल 12:23

मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२