प्रेरित 8:2 - Sunuwar Bible

² परमप्रभु यावे कली मान पा हिंबपुकीमी स्‍तीफानस आ बेक्‍शो रां लाइश्‍शा, थिम्‍मे बाक्‍त। स्‍तीफानस कली साइश्‍शो तशा, थमा सुइक्‍ब नेल्‍ल शुश ङाक्‍मा बाक्‍त।

प्रेरित 8:2 ပူးပေါင်းရင်းမြစ်များ

उत्पत्ती 23:2

सारा कनान रागी ङा किरयथ-अरबाम बेक्‍माक्‍त। मेको कली हेब्रोन यो देंनीम। मिनु अब्राहाम सारा आ पर्बम हिंशेक पा ङाक्‍थ लमाक्‍त।

उत्पत्ती 50:9

मिनु योसेफ नु बग्‍गी नु शारा ङोइक्‍बपुकी लमा बाक्‍त। मिनु शुश मुर दुम्‍मा बाक्‍त।

२ सामुएल 3:31

मिनु दाऊदमी योआब नु आ नु बाक्‍ब नेल्‍ल आन कली “इन वा खाक्‍कीन। मिनु भाङग्रा फेक्‍सीन। मिनु आब्‍नेर आ पर्बम रोंका पने” देंमाक्‍त। मिनु पिप दाऊद बेक्‍शो आब्‍नेर कुरब आन नोले गाक्‍माक्‍त।

२ इतिहास 32:33

मिनु हिज्‍कीयाह बेक्‍माक्‍त। मिनु मुरपुकीम मेको कली दाऊद आ चच युइ आन कली थिम्‍तीक देम्‍सीलो मेर थि‍म्‍मे बाक्‍त। मिनु मेको बेक्‍मेनु, यहूदा नु यरूसलेम ङा मुर नेल्‍लेमी मान पामे बाक्‍त। मिनु मेको आ नोले आ तौ मनस्‍से पिप दुम्‍माक्‍त। २इतिहास १६:१४

२ इतिहास 35:25

मिनु येरमीयाम यो योसीयाह आ पर्बम रोंका पशो कुम्‍सो सेला बाक्‍त। मिनु कुम्‍सो पाइब मीश मुर वोंइश मुर नेल्‍लेमी मुल सम्‍म मेको रोंका पतीक कुम्‍सो पा योसीयाह कली मिम्‍नीम। मिनु मेको रोंका पतीक कुम्‍सो इस्राएली आन पतीके दुम्‍शो बाक्‍ब। मेको कुम्‍सो बिलाप किताबपुकी बाक्‍नीम।

येरमीया 22:10

बेक्‍शा लशो आन पर्बम मङाक्‍कीन। मेको आन पर्बम रोंका मपने। मेको क्‍येङा यो ग्‍याइश्‍शा लाइश्‍शो मुर आन पर्बम ङाक्‍कीन। मारदे हना मेको गेनायो मलेप्‍ब। मेकोमी आ रागी गेनायो मताइब। २राजा २३:२९-३४

येरमीया 22:18

मोपतीके परमप्रभु यावेम “यहूदा ङा पिप योसीयाह आ तौ येहो-याकीम आ पर्बम ‘आबी, मुरपुकीमी मेको आ पर्बम रोंका पची ना आं लोक्‍ब, आबी, आ समी मदेंनीम’ मेको आ पर्बम मङाक्‍नीम। मिनु ‘आबी, आं प्रभु, आबी, मान ताइब पिप’ दे मेको आ पर्बम मङाक्‍नीमी। २राजा २३:३४

गन्‍ती 20:29

मिनु इस्राएली नेल्‍लेमी हारून बेक्‍शो तुइश्‍शा, ३० नाक्‍त सम्‍म रोंका पाम्‍तेक्‍म। ब्‍यवस्‍था ३४:८

मर्कूस 6:29

मिनु यूहन्‍ना आ शेंसीबपुकीमी “यूहन्‍ना साइक्‍चा पुंइसे बाक्‍त” देंशो नेंशा, जेल्‍खानमी लशा, आ बेक्‍शो रां लाइश्‍शा, थिम्‍मे बाक्‍त।

लूका 2:25

यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८

प्रेरित 10:2

मेको कप्‍तान परमप्रभु यावे कली मान पा हिंब मुर बाक्‍माक्‍त। आ खिं ङा मुर नेल्‍लेमी यो आ खोदेंशो पा प्रभु कली मान पा टीबाक्‍मा बाक्‍त। मेको कप्‍तानमी मारेइ मथीब आन कली शिशी पा शुश वारच पाइबाक्‍माक्‍त। परमप्रभु कली प्रार्थना पना पन बाक्‍बाक्‍माक्‍त।

प्रेरित 2:5

यरूसलेममी परमप्रभु यावे कली मान पा हिंब, रागी नेल्‍ल रे जाक्‍शो यहूदी बाक्‍मा बाक्‍त। प्रेरित १३:२६

प्रेरित 8:1

स्‍तीफानस कली साइश्‍शो तशा, सावलमी “एको कली साइक्‍चा माल्‍शो। मिनु साइश्‍शा ठीक पाइतीनी” देंमाक्‍त। स्‍तीफानस कली सादमे नाक्‍त रे यरूसलेम सहरम बाक्‍ब थमा सुइक्‍ब नेल्‍ल आन कली खेदा पा श्‍येत गेचा गोव़मे बाक्‍त। मिनु श्‍येत गेशा प्रोक्‍पदमेनु, मेकोपुकी ब्रशा गाक्‍शा, यहूदीया नु सामरीया रागीमी जाक्‍दीश्‍शा बाक्‍मा बाक्‍त। १२ जना येसु आ सोइश्‍शोपुकी ला यरूसलेम उइ बाक्‍मा बाक्‍त। प्रेरित १:८; प्रेरित ११:१९

प्रेरित 8:3

सावलमी चहिं “मेको आन थमा सुइश्‍शो क्‍याम्‍चा” दे खिं खिं हिरशा ओव़शा, थमा सुइक्‍ब वोंइश मुर, मीश मुर नेल्‍ल आन कली ग्‍याइक्‍पाइश्‍शा, फ्रेंशा लाइश्‍शा जेल्‍खानमी चोक्‍पाइक्‍बाक्‍माक्‍त। प्रेरित ९:१; प्रेरित २२:४; १कोरिन्‍थी १५:९

ब्‍यवस्‍था 34:8

मोआब ङा दिंमम इस्राएलीपुकीमी ३० नाक्‍त सम्‍म मोसा आ पर्बम रोंका पाम्‍तेक्‍म। नोले मोसा आ पर्बम रोंका पतीक नाक्‍त नुप्‍त।

१ सामुएल 28:3

सामुएल बेक्‍ने थुम्‍शो बाक्‍माक्‍त। मिनु इस्राएली नेल्‍लेमी मेको आ पर्बम रोंका पा मेको कली मेको आ सहर रामाहम थिम्‍शो बाक्‍मा बाक्‍त। सावलमी बेक्‍शो मुर रे लोव़ पाइब नु लिंक्‍यु कोव़ब आन कली मेको रागी रे ग्रुंइने थुम्‍शो बाक्‍माक्‍त। १सामुएल २५:१; प्रस्‍थान २२:१७