प्रेरित 8:16 - Sunuwar Bible

¹⁶ मारदे हना सामरीया ङा मुर सुइ आन कली परमप्रभु यावे आ सोक्‍त मगेशो बाक्‍माक्‍त। प्रभु येसु आ नेंमी ब्‍वाक्‍कुम ख्रुम्‍शा ग्रुंइचा ला पुंइसीशो बाक्‍मा बाक्‍त।

प्रेरित 8:16 ပူးပေါင်းရင်းမြစ်များ

मत्ती 28:19

मोपतीके रागीम नेल्‍ल हिरशा, नेल्‍ल जात, थर ङा मुर आन कली आं पर्बमी शेंशा, आं नोले खोइक्‍ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्‍त आन नेंमी मेको आन कली ब्‍वाक्‍कुम ख्रुम्‍शा ग्रुंइदीने। मत्ती २४:१४; मर्कूस १६:१५-१६; २कोरिन्‍थी ५:२०

प्रेरित 19:2

मिनु पावलमी मेको आन कली “गेपुकीमी थमा सुइक्‍ब दुम्‍नीनु, परमप्रभु यावे आ सोक्‍तीम प्रिंचा पुंइसीनी?” दे हिल्‍लो पवानु “ममाइ, गो परमप्रभु यावे आ सोक्‍त मतुइक्‍नीकी। मेको आ पर्बम मनेंशो यो बाक्‍नीक” देंमा बाक्‍त। प्रेरित २:३८

प्रेरित 2:38

पत्रुसमी “इन थुं परमप्रभु यावे गे लेश्‍शा, येसु कली थमा सुइश्‍शा, आ नेंमी ब्‍वाक्‍कुम ख्रुम्‍शा ग्रुंइपांइसीने। मिनु इन पाप क्‍याम्‍चा पुंइसीनीनी। परमप्रभु यावे आ सोक्‍तीम प्रिंचा यो पुंइसीनीनी। प्रेरित ३:१७-१९; लूका २४:४७

रोमी 6:3

ख्रीस्‍त येसु कली थमा सुइश्‍शा, आ नें नु आ बेक्‍तीकेमी ब्‍वाक्‍कुम ख्रुम्‍शा, ग्रुंइपांइसाक्‍य, दे गे मतुइक्‍नीनी? गलाती ३:२७

गलाती 3:27

गे ख्रीस्‍त आ नेंमी ब्‍वाक्‍कुम ख्रुम्‍शा ग्रुंइपांइसीशोपुकी येसु ख्रीस्‍त फेक्‍शो खोदेंशो पा, ख्रीस्‍त नु रां का दुम्‍तीनी। रोमी ६:३; रोमी १३:१४