प्रेरित 8:13 - Sunuwar Bible

¹³ शुशेमी थमा सुइश्‍शो तशा, मेको चटक पा गाक्‍ब सिमोन यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त। मिनु फिलीप कली मप्रोंइथु, काथा गाक्‍बा दुम्‍माक्‍त। फिलीपमी चिन्‍ड नु छक लाक्‍चा ङा गेय कोंइदानु, सिमोन यो छक लाक्‍बाक्‍माक्‍त।

प्रेरित 8:13 ပူးပေါင်းရင်းမြစ်များ

हबकुक 1:5

मिनु परमप्रभुमी आं कली “रागी रागी ङा मुर आन कली कोव़ङो। मेको आन कली कोव़शा, गे छक लाक्‍नेवे। मारदे हना इन ब्रोंइतीक नाक्‍तीमी गेय का पशो बाक्‍ब। मेको इ कली देंतेक्‍म हना यो, गे मेको थमा मसुइक्‍नेवे। प्रेरित १३:४१

मत्ती 3:6

यूहन्‍ना आ लोव़ नेंशा, शुश मुरुमी आन मरिम्‍शो पशो शोव़ङमे बाक्‍त। मो पा शोव़ब आन कली यूहन्‍नामी यर्दन खोलामी ख्रुम्‍शा ग्रुंइदीमी बाक्‍त।

मर्कूस 16:17

थमा सुइक्‍बपुकी दोदेंशो सक्ति पाइश्‍शो दुम्‍नीम देंशा हना, आं नें थिशा वोल आन कली ग्रुंइशा खेरनीम। परमप्रभु यावे आ सोक्‍तीमी पपाइश्‍शो लोव़ ब्‍वाक्‍नीम। प्रेरित १६:१८; प्रेरित १०:४६; प्रेरित १९:६

लूका 8:13

ग्‍याङग्रो खपीम जुक्‍शो देंशो मुरपुकीमी परमप्रभु यावे आ लोव़ नेंशा, बिश्‍शा ग्‍येरसीनीम। तन्‍न शाक्‍श थोक्‍चा मतथु शुश मलीथु, थुं थाम्‍चा पुंइस‍मानु, थमा सुइक्‍चा प्रोंइनीम।

यूहन्‍ना 5:20

मारदे हना आं आफोमी आ तौ कली दाक्‍ब। मिनु आ पशो गेय नेल्‍ल आ तौ कली कोंइब। मिनु आं आफोमी मुल सम्‍म पपाइश्‍शो गेय क्‍येङा नोले ठेयब गेय कोंइपाइक्‍ब। मेको गेय तशा गेपुकी छक लाक्‍नीनी। ३:३५

यूहन्‍ना 7:21

येसुमी “गो गेय का पाता। गे मेको तशा, छक लाक्‍तीनी। यूहन्‍ना ५:१६

प्रेरित 13:44

मिनु नाइक्‍तीक नाक्‍त जाक्‍मेनु, सहर ङा मुर नेल्‍ल जाक्‍शा, परमप्रभु यावे आ लोव़ शेंशो नेंथ देल्‍मा बाक्‍त।

प्रेरित 19:11

मिनु परमप्रभु यावेमी शुश छक लाक्‍चा ङा गेय पावल आ गुइ रे पा कोंइदा बाक्‍त। प्रेरित १४:३; २कोरिन्‍थी १२:१२

प्रेरित 3:10

“रिम्‍शो लाप्‍चो आ ङोंइती बाक्‍ब खोइल मदुक्‍ब दोपा साशा ओं पा गाक्‍मे” दे छक लाक्‍मा बाक्‍त।

प्रेरित 8:21

गे मेको गेय पने मचाप्‍नेवे। मारदे हना इ थुं परमप्रभु यावे आ ङोंइती मरिम्‍शो बाक्‍ब।