प्रेरित 8:10 - Sunuwar Bible

¹⁰ सहर ङा मुर नेल्‍लेमी एको मुर परमप्रभु आ सक्ति तशो बाक्‍माक्‍त, दे ठेयब सेल्‍शा, मान पशो बाक्‍मा बाक्‍त।

प्रेरित 8:10 ပူးပေါင်းရင်းမြစ်များ

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

येरमीया 42:1

मिनु लडाइ पाइब आन ठेयब मुर नेल्‍ले, कारेआह आ तौ योहानान, होशायाह आ तौ येजन्‍याह नु आइक्‍च ठेयब मुर नेल्‍ले येजन्‍याह कली अजारयाह यो ब्रेक्‍नीम।

येरमीया 6:13

परमप्रभु यावेमी “नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम दुम्‍शो बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ८:१०-१२; इजीकीएल १३:१०-१६; १थिस्‍सलोनिकी ५:३

येरमीया 8:10

मोपतीके गो मेको आन मीश अरु आन कली नु मेको आन रू लडाइ ग्राब आन कली गेनुङमी। नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ६:१३-१५; यसैया ५६:११

योना 3:5

मिनु मेको नेंशा निनवे ङा मुरपुकीमी परमप्रभु आ लोव़ थमा बाक्‍ब, दे थमा सुदमे बाक्‍त। मेकोपुकीमी “निनवे सहर ङा आइक्‍च नु ठेयब मुर आन मरिम्‍शो पतीके रे लेत्‍तेक्‍म, दे कोंइचा कली नेल्‍ल माइजा बाक्‍शा, अरन्‍डी फेक्‍सीन” दे नेल्‍ल आन कली नेंपदमे बाक्‍त। मत्ती १२:४१; योएल १:१४

प्रेरित 14:11

मिनु मोपा सापाइश्‍शो तशा, छक लाक्‍शा, मेकेर देल्‍शोपुकीमी आन लाइकाओनीया ङा लोव़ पा “इं देवता मुर खोदेंशो दुम्‍शा यिशा, गोपुकी नु काथा बाक्‍सा बाक्‍त” देंमुमा बाक्‍त। प्रेरित २८:६

प्रेरित 28:6

मुरपुकीमी पावल कली कोव़स ङा कोव़स पाम्‍तेक्‍म। मारदे हना बुस्‍सुमी कोक्‍शो मुर इच्‍ची होम्‍शा बेक्‍ब, दे मिम्‍शो बाक्‍मा बाक्‍म। मिनु कोव़स ङा कोव़स बाक्‍मानु, मारेइ मदुम। मोपतीके आन थुं हिरशा “मुर साइक्‍ब मुर ममाइ, देवता कका बाक्‍माक्‍त, है” देंमुम्‍तेक्‍म। प्रेरित १४:११

१ कोरिन्‍थी 1:24

परमप्रभु यावेमी योव़शो यहूदी नु ग्रीकपुकीमी चहिं मार देंनीम देंशा हना “परमप्रभु यावे आ सक्ति नु जोक्‍तीक तुइक्‍तीक नेल्‍ल ख्रीस्‍त नु थिंसीब” देंनीम। कलस्‍सी २:३

२ कोरिन्‍थी 11:19

गे ग्‍येरसीशा निप्‍स ग्राइश्‍शो आन लोव़ फाल्‍नीनी। मिनु आंम कली जोक्‍ब तुइक्‍ब मिम्‍नीनी। १कोरिन्‍थी ४:१०

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

२ पत्रुस 2:2

शुशेमी आन शेंशो नेंशा, हेंथे पा दला दाक्‍स यो पाइनीम। मुरपुकीमी मेको आन कली तशा थमा लां कली शुक्‍शी लोव़ पाइनीम।

प्रकाश 13:3

मिनु मेको जन्‍तु आ ७ ओटा पिया ङा का साइक्‍चा ङा पा क्‍योरशो खोदेंशो ताता। तन्‍न आ ठेयब गार साशो बाक्‍त। मिनु रागी रागी ङा मुर नेल्‍ल मेको जन्‍तु तशा, छक लाक्‍शा, आ नोले खोइक्‍तेक्‍म।