प्रेरित 8:1 - Sunuwar Bible

¹ स्‍तीफानस कली साइश्‍शो तशा, सावलमी “एको कली साइक्‍चा माल्‍शो। मिनु साइश्‍शा ठीक पाइतीनी” देंमाक्‍त। स्‍तीफानस कली सादमे नाक्‍त रे यरूसलेम सहरम बाक्‍ब थमा सुइक्‍ब नेल्‍ल आन कली खेदा पा श्‍येत गेचा गोव़मे बाक्‍त। मिनु श्‍येत गेशा प्रोक्‍पदमेनु, मेकोपुकी ब्रशा गाक्‍शा, यहूदीया नु सामरीया रागीमी जाक्‍दीश्‍शा बाक्‍मा बाक्‍त। १२ जना येसु आ सोइश्‍शोपुकी ला यरूसलेम उइ बाक्‍मा बाक्‍त। प्रेरित १:८; प्रेरित ११:१९

प्रेरित 8:1 ပူးပေါင်းရင်းမြစ်များ

नेहेम्‍याह 6:3

मिनु गो मेको आन कली “मुल आं के ठेयब गेय का बाक्‍ब। मोपतीके यिने मचाप्‍नुङ। मेक यिशा, आं गेय क्‍योल्‍चा मदाक्‍नुङ” दे लोव़ सोइक्‍ताक्‍ङ।

दानीएल 6:10

मिनु दानीएलमी पिप दारामी मोपा ब्रेक्‍शा छाप थोक्‍शा ग्रुंइशो तुइश्‍शा, यरूसलेम गे कोव़शा सेल्‍शो खिं आ तला तारी लशा, पोक्‍च थेक्‍शा आ परमप्रभु कली प्रार्थना पाप्‍तु। मोपा नाक्‍त किंत किंत सां खेयप पार्थना पाप्‍तु। मिनु ङोंइती खोदेंशो पा परमप्रभु कली ठेयब सेल्‍‍तु। १रजा ८:४८

दानीएल 6:23

मिनु पिप थाम्‍पा ग्‍येरसीशा “दानीएल कली गुप्‍स वोइक्‍तीके रे ग्रुंइदीन” दे हुकुम पाप्‍तु। मिनु दानीएल कली कीशा ग्रुंइताक्‍म। मिनु मेको मारेइ मदुम्‍शो बाक्‍त। मारदे हना मेकोमी आ परमप्रभु कली थमा सुइश्‍शो बाक्‍त।

मत्ती 22:6

लीशोपुकीमी ब्रेत्‍थ जाक्‍ब आन कली शुक्‍शी पा ग्‍याइश्‍शा तुप्‍शा सदमे बाक्‍त। मत्ती २१:३५

मत्ती 23:34

मोपतीके गो इन बाक्‍तीके परमप्रभु यावे आ लोव़ पाइब, जोक्‍ब तुइक्‍ब मुर नु परमप्रभु यावे आ लोव़ शेंब सोइक्‍नुङमी। का निक्‍शी आन कली साइक्‍नीनी, का निक्‍शी आन कली शीमी क्‍याइश्‍शा साइक्‍नीनी, का निक्‍शी आन कली ग्रुम्‍तीक खिंमी लाइश्‍शा, कोर्रामी युक्‍नीनी, मिनु तेइ बाक्‍चा मगेथु, खेदा पा खेरनीनी।

मत्ती 5:13

गे रागी ङा हिक्‍सी ननी। हिक्‍सी आ ङाम्‍चा जाम्‍त हना, मारेइ काम मलाप्‍ब। लांमी ताइश्‍शा मुर गाक्‍मानु, दिम्‍शा ख्राक्‍चा पुंइसीब। मर्कूस ९:५०; लूका १४:३४-३५

यूहन्‍ना 15:20

मिनु ङोंइती गो इन कली ‘होव़प क्‍येङा वाइली ठेयब ममाइ’ देंती। मिनु आं देंशो मिम्‍तीन। मुरपुकीमी आं कली श्‍येत गेतीमी हना, इन कली यो श्‍येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्‍ना १३:१६; मत्ती १०:२४-२५

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

प्रेरित 1:8

मार चहिं तुइक्‍चा माल्‍नीनी देंशा हना, परमप्रभु यावे आ सोक्‍त आ सक्ति ताइनीनी। सक्ति तशा यरूसलेम, यहूदीया, सामरीया नु रागी नेल्‍लेमी हिरशा, आं लोव़ शेंशा, आं सांकछी दुम्‍नीनी” दे माइक्‍मी बाक्‍त। लूका २४:४८; प्रेरित ८:१

प्रेरित 13:1

एन्‍टीओक सहर ङा थमा सुइक्‍ब आन दातेमी परमप्रभु यावे आ लोव़ पाइ‍ब नु शेंब का निक्‍शी यो बाक्‍मा बाक्‍त। मोदेंशो मुर सु सु बाक्‍मा बाक्‍त देंशा हना, बारनाबास, क्‍येर माइश्‍शो सिमियोन, साइरेनी ङा लुसीयस, पिप हेरोद आ गेय पाइब मानाएन नु सावल बाक्‍मा बाक्‍त। प्रेरित ११:२७; १कोरिन्‍थी १२:२८

प्रेरित 13:36

दाऊदमी मेको लोव़ ब्रेक्‍शो बाक्‍त हना यो, आंम पर्बम ममाइ। मारदे हना दाऊदमी परमप्रभु यावेमी गेशो सासन पने थुम्‍शा बेक्‍शा, आ किकी पिपी आन कली थिम्‍तीकेमी थिम्‍चा पुंइसीशा राक्‍शा ल‍माक्‍त।

प्रेरित 2:47

परमप्रभु यावे कली ठेयब सेल्‍ना सेल्‍न बाक्‍बाक्‍मा बाक्‍त। मुरपुकीमी मेको आन कली मोदेंशो पशो तशा, रिम्‍शो मिम्‍बाक्‍मा बाक्‍त। प्रभुमी नाक्‍त किंत किंत येसु कली थमा सुइक्‍ब तेम्‍ना तेम्‍न बारपाइक्‍मी बाक्‍त। प्रेरित ४:४; प्रेरित ५:१४; प्रेरित ६:७; प्रेरित ११:२१; प्रेरित १४:१

प्रेरित 22:20

इन पर्बम लोव़ पाइब स्‍तीफानस कली फुल्‍लु क्रोम्‍शा सदमेनु, रिम्‍शो पाइतीनी, दे माइक्‍तामी। साइक्‍ब आन प्रुइश्‍शा वोइश्‍शो वा खाल पा बाक्‍शो नङ। मेको लोव़ नेल्‍लेम तुइश्‍शो बाक्‍नीम’ देंङानु, प्रेरित ७:५८; प्रेरित ८:१

प्रेरित 26:10

यरूसलेममी मेको आ नें क्‍याम्‍तीक गेय पा गाक्‍ती। ठेयब चढ़ेबपुकी रे अधिकार तशा, थमा सुइक्‍ब शुश आन कली जेल्‍खानमी चोक्‍पाइक्‍तामी। मोशो ला ममाइ, थमा सुइक्‍ब आन कली सदमेनु, गोमी ‘रिम्‍शो पाइतीनी’ देंती।

प्रेरित 5:18

मिनु सोइश्‍शो आन कली ग्‍याइक्‍पा लाइश्‍शा, जेल्‍खानमी चोक्‍पदमे बाक्‍त।

प्रेरित 5:20

मिनु ग्रुंइशा “परमप्रभु यावे आ खिं लशा, मुर आन कली येसु आ नेंमी ब्रोंइतीक लां आ पर्बम शेंदीने” दे सोइक्‍तीमी बाक्‍त।

प्रेरित 5:33

मोदेंशो लोव़ पशो नेंशा, गाइश्‍शा “मेको आन कली मसाइक्‍थु मप्रोंइचा नमी” देंमा बाक्‍त।

प्रेरित 5:40

मिनु गमालीएल आ लोव़ नेंशा, बिस्‍समा बाक्‍त। मिनु लाङगाम सोइश्‍शो आन कली खिं गा ब्रेश्‍शा, का का पा युक्‍पदमे बाक्‍त। मिनु “मुल ङा मेरे येसु आ नेंमी शेंशा मगाक्‍कीने” दे प्रोंइशा सोइक्‍तमे बाक्‍त। मत्ती १०:१७

प्रेरित 7:38

इस्राएलीपुकी गोरशो रागीमी बाक्‍मानु, आन कली लां कोंइब मेको मोसा बाक्‍माक्‍त। सीनै डांडामी परमप्रभु आ सोइश्‍शा आ गेय पाइबमी इं किकी पिपी आन कली लोव़ पवानु, मेको मोसा रे पा नेंपाइक्‍मी बाक्‍त। मेको लोव़ चहिं मजाम्‍थु गेना हना यो लीब लोव़ बाक्‍ब। मुल सम्‍म गो इं कली गारशो लोव़ बाक्‍ब, दे तुइक्‍तीने। प्रस्‍थान १९:-; ब्‍यवस्‍था ९:१०

प्रेरित 7:54

स्‍तीफानसमी मोदें हुइक्‍तीमीनु, नेल्‍ल गाइश्‍शा, लल गोंगों जिशा, ख्रुइ शेप्‍शा प्रेक्‍मा बाक्‍त।

प्रेरित 7:58

मिनु कीशा लाइश्‍शा, सहर रे ग्रुंइशा, फुल्‍लु क्रोम्‍चा गोव़मे बाक्‍त। सांकछीपुकीमी आन वा प्रुइश्‍शा, सावल नें पाइश्‍शो ठिटा का आ ङोंइती वोदमे बाक्‍त। लेवी २४:१६; प्रेरित २२:२०

प्रेरित 8:14

मिनु नोले यरूसलेममी बाक्‍ब सोइश्‍शोपुकीमी “सामरीया ङा मुरपुकीमी परमप्रभु यावे आ लोव़ थमा सुइक्‍ब दुम्‍तेक्‍म” देंशो नेंशा, पत्रुस नु यूहन्‍ना आस कली सामरीया सोइक्‍तमे बाक्‍त।

प्रेरित 8:2

परमप्रभु यावे कली मान पा हिंबपुकीमी स्‍तीफानस आ बेक्‍शो रां लाइश्‍शा, थिम्‍मे बाक्‍त। स्‍तीफानस कली साइश्‍शो तशा, थमा सुइक्‍ब नेल्‍ल शुश ङाक्‍मा बाक्‍त।

प्रेरित 8:4

प्रोक्‍शा ब्राशा गाक्‍बपुकीमी येसु आ लोव़ तेइ तेइ शेंना शेंन गाक्‍बाक्‍मा बाक्‍त।

प्रेरित 8:5

फिलीप सामरीया सहरमी जाक्‍दीश्‍शा, मेकेर बाक्‍ब मुर आन कली “परमप्रभु यावे आ सोइश्‍शो ख्रीस्‍त येसु बाक्‍ब” दे शेंदीमी बाक्‍त। प्रेरित ६:५

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

रोमी 1:32

परमप्रभु यावे आ निसाफ पतीक लोव़ तुइश्‍शा यो मोदेंशो मरिम्‍शो पना पन गाक्‍तेक्‍म। अरु आन कली आन खोदेंशो मरिम्‍शो पशो तशा “रिम्‍शो दुम्‍त” दे ग्‍येरसाक्‍म।

फिलिप्‍पी 1:12

आं लोक्‍बपुकी, आं कली दुम्‍शो श्‍येतमी ग्‍येरपाइक्‍ब लोव़ ब्रपाइक्‍तु। १तिमोथी २:९

हिब्रू 11:27

“मतांइसीब परमप्रभु यावे कली मिक्‍चीम तशो खोदेंब पा आं नेक्‍थान ताइनुङ” दे थमा सुइश्‍शा, पिपी गाइश्‍शो तशा यो महिंथु, इस्राएली आन कली इजीप्‍त रे ग्रुंइशा लाइक्‍मी बाक्‍त।