प्रेरित 7:5 - Sunuwar Bible

⁵ मेना परमप्रभु यावेमी अब्राहाम कली खोइल थेक्‍तीक रागी यो मगेशो बाक्‍माक्‍त। तन्‍न ‘एको रागी इ चच युइ आन कली गेनुङमी’ दे लोव़ पशो बाक्‍माक्‍त। मेना अब्राहाममी तमी तौ काइ यो मथिशो बाक्‍माक्‍त।

प्रेरित 7:5 ပူးပေါင်းရင်းမြစ်များ

उत्पत्ती 12:7

मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५

उत्पत्ती 13:15

गे तेको तेको रागी ताइनेवे, मेकोन इ कली नु इ चच युइ आन कली गेना हना यो कली गेनुङ। उत्‍पत्ती १२:७

उत्पत्ती 15:18

मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१

उत्पत्ती 16:2

मिनु साराइमी अब्राम कली “नेनीन, परमप्रभु यावेमी आं कली आल मगेयी। मोपतीके आं वाइलीम नु बाक्‍कीन। मोपा गो आल ताइनुङा, कों?” देंमाक्‍त। मिनु अब्राममी आ मीशेमी मार देंमे, मेको पवा बाक्‍त। उत्‍पत्ती ३०:३,९

उत्पत्ती 17:8

मुल गे इ बाक्‍तीक रागीमी अर्को रागी ङा मुर बाक्‍नेवे। नोले गो एको कनान रागी गेना हना यो इन कली नु इ चच युइ आन कली गेनन्‍नी। गो चहिं मेको आन परमप्रभु दुम्‍नुङ” दे अब्राहाम कली देंमाक्‍त। उत्‍पत्ती ३५:२७; हिब्रू ११:९-१०; प्रेरित ७:५

उत्पत्ती 23:4

“गो इन दातेमी अर्को रागी ङा मुर बाक्‍नुङ। गो थिम्‍तीक का ग्‍याप्‍चा दाक्‍नुङ। मारदे हना आं बेक्‍शो मुर कली थिम्‍चा माल्‍नुङ” देंमाक्‍त। उत्‍पत्ती १७:८

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

नेहेम्‍याह 9:8

मिनु मेको आ थुं इन कली मप्रोंइब, ठीक पाइब बाक्‍ब, दे तुइश्‍शा, मेको नु कबल का पाइतीनी। मार कबल पाइतीनी देंशा हना, मेको कली कनानी, हित्ती, एमोरी, परिज्‍जी, यबुसी नु गिरगाशी आन रागी आ चच युइ आन कली गेनुङ, दे कबल पाइतीनी। मिनु गे इन कबल खाप्‍तीनी। मारदे हना गे ठीक पाइब बाक्‍नीनी। उत्‍पत्ती १५:१८-२१

इजीकीएल 33:24

मार लोव़ पाप्‍तु देंशा हना “ए मुर, इस्राएल रागीम बाक्‍शो मेको ब्रेश्‍शो खिंम बाक्‍ब मुरपुकीम ‘अब्राहाम दा मुर का ला बाक्‍त। मो हना यो मेको रागी मेको के दुम्‍त। तन्‍न गो शुश बाक्‍नय। मेको रागी थमा पा इं कली गेशो बाक्‍ब’ देंनीम। यसैया ५१:२

ब्‍यवस्‍था 10:11

मिनु परमप्रभु यावेमी आं कली “मुल बोक्‍शा लावो। मुर आन ङोंइती गाक्‍चा कली लावो। मिनु गो मेको आन किकी पिपी आन कली कसम जशा गेशो रागी मेकोपुकी ओव़शा, आंम के सेल्‍चा माल्‍नीम” दे माइक्‍ती।

ब्‍यवस्‍था 11:9

मोपा गे परमप्रभु यावेमी इन किकी पिपी नु आन चच युइ, इन कली, गेशो रागीम शुश ब्रोंइशा बाक्‍चा ताइनीनी। मेको रागीम शुश दूध नु खुदो बाक्‍ब। प्रस्‍थान ३:१७

ब्‍यवस्‍था 2:5

मेकोपुकी नु काइ मजिने। मारदे हना गो मेको आन रागी रे इन कली खोइल थेक्‍तीक खो‍मो रू यो मगेनुङ। गो सेइर पहाड एसाव कली गेशो बाक्‍नुङ। उत्‍पत्ती ३६:८

ब्‍यवस्‍था 34:4

मिनु परमप्रभु यावेमी मेको कली “इन चच युइ आन कली गेनुङ, दे अब्राहाम इसहाक नु याकूब नु कसम जशो रागी एकोन बाक्‍ब। गो एको इ कली कोंइतन। तन्‍न गे मेकेर लचा मताइनेवे” देंत। उत्‍पत्ती १२:७

ब्‍यवस्‍था 9:5

गेपुकी इन ठीक पतीक नु इन ठीक थुं दुम्‍तीके मेको आन रागी इन के सेल्‍चा तशो मननी। तन्‍न मेको रागी रागी ङा मुर आन मरिम्‍शो पतीके परमप्रभु यावे, इन परमप्रभुमी मेको आन कली खेरब। मिनु इन किकी पिप अब्राहाम, इसहाक नु याकूब नु जशो कसम खाप्‍चा कली मो पाइब। ब्‍यवस्‍था ६:२५