प्रेरित 7:49 - Sunuwar Bible

⁴⁹ ‘सरीङ आं नित्‍तीके बाक्‍ब। रागीम आं खोइल थेक्‍तीक बाक्‍ब। मोपतीके आं कली दोदेंशो खिं सेल्‍ने चाप्‍नीनी? गो आं नाइक्‍चा कली बाक्‍तीक मार सेल्‍ने चाप्‍नीनी?

प्रेरित 7:49 ပူးပေါင်းရင်းမြစ်များ

१ राजा 22:19

मिनु मीकायामी लोव़ तेम्‍शा “एको परमप्रभु यावे आ लोव़ नेनीन। गो परमप्रभु यावे आ स्‍वर्ग ङा गेय पाइब नेल्‍ल आन कली आ ग्‍युरा गे नु आ पेरा गे राप्‍पाइश्‍शा, परमप्रभु यावे आ नित्‍तीकेम बाक्‍शो ताता। २इतिहास १८:१८; अय्‍युब १:६; यसैया ६:१

१ राजा 8:27

मेकोमी “मार, थमा पा परमप्रभु रागीम बाक्‍बा ङा? कोव़ङीन, इर ङा ठेयब सरीङम ला यो गे मरिक्‍नीनी हना, एको आं सेल्‍शो खिंम दोपा रिक्‍नीनी ङा? यसैया ६६:१; प्रेरित १७:२४

२ इतिहास 6:18

मिनु मार, परमप्रभु थमा पा मुर नु रागीम बाक्‍बा ङा? सरीङ नु स्‍वर्गम इन कली मरिक्‍ब हना, इन कली सेल्‍शो खिंम इन कली दोपा रिक्‍बा ङा? १इतिहास २:५

भजन संग्रह 11:4

परमप्रभु यावे आ खिंमी बाक्‍ब। आ ठेयब नित्‍तीके स्‍वर्गम बाक्‍ब। मिनु उइ कोव़ना कोव़न मुर आन कली नाक्‍ब। हाबाकुक २:२०; यसैया ६६:१; भजन संग्रह ३३:१३-१४

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

येरमीया 23:24

मिनु मुर आं ङोंइती रे ख्रुइश्‍शा बाक्‍ने चाप्‍नीमी ङा? मिनु गो मेको आन कली तने मचाप्‍नुङमी ङा? मार, सरीङ नु रागी निम्‍फा कली गो प्रिंने मचाप्‍नुङा ङा?” दे परमप्रभु यावेमी देंत। बजन संग्रह १३९:७-१६

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

मत्ती 23:22

स्‍वर्ग कोव़शा कसम जाइबमी परमप्रभु यावे आ नित्‍तीके नु मेकेर निप्‍ब कली कोव़शा, कसम जशो बाक्‍ब, दे रुपीने।

मत्ती 24:2

मिनु येसुमी “मुल ओमो ठेयब नु दारपा सेल्‍शो ताइतीनी। नोफा दाइश्‍शा नेनीने, नोले ब्रेश्‍शा, फुल्‍लु का यो ख्रोप्‍शा मलीब” देंत। लूका १९:४४

यूहन्‍ना 4:21

मिनु येसुमी मेको मीश मुर कली “इच्‍का नोले गे इं आफ कली मेको डांडामी नु यरूसलेममी ठेयब मसेल्‍नीनी। गे आं देंशो लोव़ थमा सुतो।

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८