प्रेरित 7:39 - Sunuwar Bible

³⁹ इं किकी पिपीमी मोसा आ लोव़ मटिथु मनेंथु, मोसा कली प्रोंइशा आन थुं इजीप्‍त रागी गे हिरदमे बाक्‍त।

प्रेरित 7:39 ပူးပေါင်းရင်းမြစ်များ

१ राजा 2:27

मोपतीके सोलोमनम अबीयाथार कली परमप्रभु यावे कली चढ़ेतीक गेय रे ग्रुंइदा बाक्‍त। मोपा परमप्रभु यावेमी शिलोम एली आ खिं आ पर्बम देंशो लोव़ गाम्‍माक्‍त। १सामुएल २:३१-३२

भजन संग्रह 106:16

मिनु मेकोपुकीमी परमप्रभु यावे रे पा योव़सीशो मोसा नु हारून आस कली गेहे पशो बाक्‍‍तेक्‍म। गन्‍ती १६:१-३

प्रस्‍थान 16:3

“इजीप्‍त रागी उइ परमप्रभु यावेमी आंइ कली सद हना, रिम्‍शो दुम वा। मेकेर श्‍ये नु शोब्‍ले शुश बाक्‍त। गे आंइ कली जचा मगेथु, साइक्‍चा कली एको गोरशो रागीमी चाक्‍तीसी” दे गन गन पाम्‍तेक्‍म। प्रस्‍थान १४:११

प्रस्‍थान 17:3

मिनु मुरपुकी ब्‍वाक्‍कु तूतू दाक्‍शा, गाइक्‍ताक्‍म। मेकोपुकीमी मोसा कली “गे मारदे आंइ कली इजीप्‍त रागी प्रोंइपाइय्‍यीकी? आंइ कली, आंइ आल आन कली, आंइ बस्‍तु भाव आन कली तूचा ब्‍वाक्‍कु मबा, आंइ कली बेक्‍पाइक्‍चा कली इजीप्‍त प्रोंइपाइय्‍यीकी?” देंतेक्‍म। प्रस्‍थान १५:२४; प्रस्‍थान १६:२; गन्‍ती १४:-; गन्‍ती १७:६-२८

गन्‍ती 11:5

गो इजीप्‍तीमी मो ब्‍वशो ङांइ श्‍ये मिम्‍नीकी। मिनु वोबीस, खाइपुकी, प्‍याज नु लसुन यो मिम्‍नीकी।

गन्‍ती 21:5

मिनु मेकोपुकीम परमप्रभु नु मोसा आस पर्बम गन गन पा “मारदे गे आंइ कली एको गोरशो रागीम बेक्‍पाइक्‍चा कली इजीप्‍त रागी रे ग्रुंइशा एक चाक्‍सी? एकेर जचा थोव़क मबा। ब्‍वाक्‍कु यो मबा। गो एको मब्रोव़शो जचा थोव़क क्‍येङा ब्रीताक्‍क” देंतेक्‍म।

प्रेरित 7:27

मिनु मरिम्‍शो पाइबमी गाइश्‍शा मोसा कली ‘गो आंस कली हुकुम नु निसाफ पाइब सुम सेले? प्रस्‍थान २:१४

१ कोरिन्‍थी 14:32

परमप्रभु यावे आ लोव़ पाइब आन सोक्‍त मेको आन गुइम बाक्‍ब।

न्‍यायाधीस 11:2

मिनु गिलाद आ मीशेमी यो मेको के शुश तौ थिशो बाक्‍माक्‍त। मिनु मेकोपुकी कोल्‍शो दुम्‍शा, येफ्‍ता कली खेरमे बाक्‍त। मेकोपुकीमी येफ्‍ता कली “आंइ आफ आ खिंमी इ के मारेइ यो अङस मबाक्‍ब। गे अर्को मीश आ तौ नवे” देंमा बाक्‍त। उत्‍पत्ती २१:१०