प्रेरित 7:36 - Sunuwar Bible

³⁶ मिनु शुश चिन्‍ड नु छक लाक्‍चा ङा गेय कोंइशा, इस्राएली आन कली इजीप्‍त रे ग्रुंइशा, लल समुन्‍द्र चाक्‍दीम्‍मी बाक्‍त। मेकेर यो शुश छक लाक्‍चा ङा गेय कोंइदीमी बाक्‍त। मिनु लल समुन्‍द्र शोक्‍शा ४० बर्स सम्‍म गोरशो रागीमी हिरशा गाक्‍मानु, शुश छक लाक्‍चा ङा गेय पाइबाक्‍माक्‍त। प्रस्‍थान ७:१०; प्रस्‍थान १४:२१

प्रेरित 7:36 ပူးပေါင်းရင်းမြစ်များ

नेहेम्‍याह 9:10

मिनु गेमी पिप फाराओ आ गेय पाइब नु आ रागी ङा मुर नेल्‍ल आन ङोंइती चिन्‍ड नु छक लाक्‍चा ङा गेय पाइतीनी। मारदे हना मेकोपुकीमी आंइ किकी पिपी आन कली ठेयब लेश्‍शा, श्‍येत गेशो बाक्‍तेक्‍म, दे तुइक्‍ताक्‍नी। मोदेंशो पा इन नें ठेयब सेल्‍साक्‍नी। मुल सम्‍म मेको मोदेंशो बाक्‍ब। प्रस्‍थान १८:११

भजन संग्रह 95:10

गो ४० बर्स सम्‍म मेकोपुकी नु गाइक्‍ताक्‍ङ। एको दूली पाइब मुर बाक्‍नीम। आं कली मटीब बाक्‍नीम।

भजन संग्रह 95:8

गेपुकी मेरीबाम पशो खोदेंशो पा इन थुं खकटा मसेलीन। गेपुकी गोरशो रागी मास्‍साह माइश्‍शोमी बाक्‍ची ना पशो खोदेंशो मपने। हिब्रू ३:७-८; हिब्रू ४:७

प्रस्‍थान 12:41

मिनु ४ सहे ३० बर्स गाम नाक्‍ती, परमप्रभु यावे आ योव़शो इस्राएली नेल्‍ल इजीप्‍त रागी रे गाक्‍मा बाक्‍त।

प्रस्‍थान 14:21

मिनु मोसामी आ गुइ लल समुन्‍द्र तारी दिंदानु, परमप्रभु यावेमी नाक्‍दो नां दाप्‍तीके रे फश गिवार पपाइश्‍शा, समुन्‍द्र फ्राशा सोव़शो गाक्‍तीक लां सेल्‍तु।

प्रस्‍थान 16:35

मिनु इस्राएलीपुकीमी ४० बर्स सम्‍म मन्‍ना जाम्‍तेक्‍म। मुर बाक्‍तीक कनान रागी ङा सांद मजाक्‍मा सम्‍म मेको जाम्‍तेक्‍म। यहोसु ५:१२

प्रस्‍थान 3:20

मिनु गोमी इजीप्‍त रागी ङा मुर आन दातेमी थम छक लाक्‍चा ङा गेय कोंइशा, मेको आन कली श्‍येत गेनुङ। मिनु नोले मेकोमी इन कली लचा गेब।

प्रस्‍थान 33:1

मिनु परमप्रभु यावेमी मोसा कली “इजीप्‍त रे ग्रुंइशा, एक चाक्‍शो मुरपुकी नु आं देंशो रागी लावो। मेको रागी आ पर्बम गो ‘इ चच युइ आन कली गेनुङ’ दे अब्राहाम, इसहाक नु याकूब नु कसम जाता। उत्‍पत्ती १२:७

यूहन्‍ना 4:48

मिनु येसुमी “गे चिन्‍ड नु छक लाक्‍चा ङा गेय मताइतीनी हना, आं कली थमा मसुइक्‍नीनी” देंत। यूहन्‍ना २:१८; १कोरिन्‍थी १:२२

प्रेरित 13:18

मिनु ४० बर्स सम्‍म गोरशो रागीमी लां कोंइना कोंइन लाइक्‍मीनु, मेकोपुकीमी आ लोव़ मटिम्‍तेक्‍म हना यो, फाल्‍शा रिम्‍शो पाइक्‍मी बाक्‍त। भजन संग्रह १०६:१३-३३

प्रेरित 7:42

मेकोपुकीमी मो पशो तशा, परमप्रभु यावे गाइश्‍शा ‘मेकोपुकी नां नु तास्‍ला कली सेउ पाइब दुम्‍ल’ दे प्रोंइमी बाक्‍त। परमप्रभु यावे आ लोव़ पाइबमी ‘गे इस्राएलीपुकी, गोरशो रागीम ४० बर्स सम्‍म हिरशा गाक्‍नीनु, मार मार क्‍योरशा जारशा, आं कली चढ़ेनी ङा?

ब्‍यवस्‍था 8:4

मेको ४० बर्स सम्‍म इन फेक्‍शो वा मजे। इन खोइल महोम्‍म। ब्‍यवस्‍था २९:४

हिब्रू 3:8

साइ नेसी इन किकी पिपी गोरशो रागीम गाक्‍शा, नाक्‍चा पुंइसमानु, पशो खोदेंशो इन थुं खकटा पा मटीब मदुमीन। प्रस्‍थान १७:७; गन्‍ती २०:२-५

हिब्रू 3:9

इन किकी पिपीम ४० बर्स सम्‍म आं ठेयब गेय तशा यो, आं थुं थाम्‍ना थाम्‍न बाक्‍तेक्‍म।

हिब्रू 8:9

मेको आन किकी पिपी आन कली पशो कबल खोदेंशो ममाइ। मेको किकी पिपी आन कली गुइमी ग्‍याइश्‍शा, इजीप्‍त रागी रे ग्रुंइशा लां कोंइदु नु कबल पा नाता सेल्‍तामी। तन्‍न मेकोपुकीमी नाता ख्रोइक्‍तेक्‍म। मोपतीके गो यो मेको आन कली प्रोंइशा ममिम्‍तुमी’ दे परमप्रभुमी देंब। प्रस्‍थान १९:५-६