प्रेरित 7:30 - Sunuwar Bible

³⁰ मिदयान जाक्‍दीश्‍शा, बाक्‍शो ४० बर्स दुम्‍माक्‍त। मिनु काबु सीनै डांडा ङा गोरशो रागीमी बाक्‍मेनु, परमप्रभु यावे आ स्‍वर्ग ङा गेय पाइब कामी ब्रशो बुटा कोंइदा बाक्‍त।

प्रेरित 7:30 ပူးပေါင်းရင်းမြစ်များ

१ राजा 19:8

मोपतीके मेको बोक्‍शा, जवा तूङा बाक्‍त। मिनु मेको आ बोलम मेको ४० नाक्‍त नु ४० नाक्‍दो सम्‍म गाक्‍शा, परमप्रभु आ डांडा होरेब जाक्‍दीम्‍माक्‍त। प्रस्‍थान २४:१८

भजन संग्रह 66:12

गे मुर आन कली आंइ पियाम थेक्‍पाइक्‍तीनी। गो मी नु ब्‍वाक्‍कुम गाक्‍तक। तन्‍न गे आंइ कली ठेयब रागीम चाक्‍तीनी। यसैया ४३:२

प्रस्‍थान 3:6

गो इ आफ आ परमप्रभु इ किकी पिपी अब्राहाम, इसहाक नु याकूब आन परमप्रभु नङ” दे मोसा कली लोव़ पाप्‍तु। मिनु मोसामी परमप्रभु कली तशा हिंशा, आ कुल सुम्‍साक्‍व। उत्‍पत्ती १७:१; उत्‍पत्ती २८:१-४; उत्‍पत्ती ३५:९-११; मत्ती २२:३२

प्रस्‍थान 7:7

मोपा फाराओ नु लोव़ पची ना, मोसा ८० बर्स दुम्‍शो बाक्‍त। हारून ८३ बर्स दुम्‍शो बाक्‍त।

यसैया 43:2

गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७

यसैया 63:9

मेको आन श्‍येत तशा, आं सोइश्‍शो मुर ममाइ, परमप्रभु यावे आ स्‍वर्ग ङा गेय पाइब यो ममाइ, परमप्रभुमी मेको आन कली प्रोंइतु। आ दाक्‍तीके नु शिशी पतीकेमी मेको आन कली साइ ङोंइती रे पाप रे प्रोंइशा, मेको आन कली मुप्‍‍शा, कुरशो बाक्‍त। प्रस्‍थान ३३:१४-१५

दानीएल 3:27

मिनु मेको पारसी रागी ङा हुकुम पाइब नेल्‍ल नु पिप कली अर्ती गेब नेल्‍ल बुक्‍शा “मीम एको सां आन कली मारेइ मपव। आन चां यो मग्रोंइश्‍शो बाक्‍त। मिनु आन वा यो मग्रोइक्‍थु, मी आ रिना यो मबाक्‍शो बाक्‍त” देंतेक्‍म। हिब्रू ११:३३-३४

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

मर्कूस 12:26

बेक्‍शो रे सेंसीचा आ पर्बम परमप्रभु यावेमी मोसा कली मी ब्रशो रवा आ नेक्‍था ग्रुम्‍शा ‘अब्राहाम आ परमप्रभु यावे, इसहाक आ परमप्रभु यावे नु याकूब आ परमप्रभु यावे गो नङ’ दे मदा बाक्‍त दे मोसामी ब्रेक्‍शो किताबमी ब्रेक्‍शो बाक्‍ब। मेको लोव़ मपढेनी? प्रस्‍थान ३:६

लूका 20:37

बेक्‍शो रे सेंसीशा ब्रोंइचा तांइसीब, दे इं किकी पिपी मोसामी अरु आन कली तुइक्‍पदा बाक्‍त। दोपा तुइक्‍पदा बाक्‍त देंशा हना, परमप्रभुमी मोसा कली मी ब्रशो बुटा रे तपांइसेनु, मोसामी परमप्रभु यावे कली ‘गे अब्राहाम, इसहाक नु याकूब आ परमप्रभु यावे ननी’ दे ब्रेत्‍ता बाक्‍त। प्रस्‍थान ३:६

प्रेरित 7:17

मिनु परमप्रभु यावेमी अब्राहाम कली गेशो लोव़ जाक्‍दीम्‍माक्‍त। मोपतीके इजीप्‍त रागीमी इं मुर बारना बारन लशा, शुश दुम्‍मा बाक्‍त। प्रस्‍थान १:-३:-

प्रेरित 7:31

मोसामी मोपा ब्रशो तशा छक लाक्‍शा, ओदेंशो मार ब्रमे, दे आ नेक्‍था लशा कोव़ङा बाक्‍त। मिनु नेक्‍था जाक्‍दीश्‍शा कोव़ङानु, परमप्रभु आ लोव़ नेंना बाक्‍त। प्रस्‍थान ३:५-१०

प्रेरित 7:32

‘गो इन किकी पिपी आन परमप्रभु यावे नङ। गो अब्राहाम, इसहाक नु याकूब आन परमप्रभु यावे नङ’ देंशो नेंशा हिंशा, ख्रिंख्रि पा बुटा गे यो कोव़ने मचबा बाक्‍त।

प्रेरित 7:35

‘इ कली हुकुम पाइब नु निसाफ पाइब सुम सेले?’ दे खेरचा पुंइसीशो मोसा कली परमप्रभु यावेमी हुकुम पाइब नु प्रोंइब सेल्‍शा, आ स्‍वर्ग ङा गेय पाइब रे बुटाम तपांइसीशा इजीप्‍त सोइक्‍ता बाक्‍त।

गलाती 4:25

हागार देंशो मार रुम्‍सीब देंशा हना, अराब रागी ङा सीनै डांडा रुम्‍सीब। सिनाक्‍त मुलाक्‍त यरूसलेममी बाक्‍बपुकीमी हागार आ लां खोइश्‍शा, रिती थिती पा वाइलीम वाइल दुम्‍शो बाक्‍नीम।

ब्‍यवस्‍था 33:16

मेको रू ङा नेल्‍ल क्‍येङा रिम्‍शो सिश्‍शो शुश तवल। मिनु सीनै डांडाम बाक्‍ब आ दाक्‍शो तवल। मिनु मेको आसीक योसेफ आ पिया तार दुम्‍ल। प्रस्‍थान ३:२-४; उत्‍पत्ती ४९:२६

ब्‍यवस्‍था 4:20

परमप्रभु यावेमी इन कली आंम मुर सेल्‍चा, दे फलम चोतीके खोदेंशो इजीप्‍त रागी रे ग्रुंइताक्‍व। मोदेंशो पा मुलाक्‍त बाक्‍ब, दे तुइक्‍नीनी। १राजा ८:५१; यसैया ४८:१०; येरमीया ११:४; प्रस्‍थान १९:५-६; यसैया १९:२५