प्रेरित 7:26 - Sunuwar Bible

²⁶ मिनु आ दीसा मोसा लेंशा मेक जाक्‍दीम्‍मेनु, इस्राएली निक्‍शी आस कली जिशो तवा बाक्‍त। मिनु मेको आस कली ‘गे निक्‍शी, वोबु दुम्‍शा यो जिनीसी?’ देंमाक्‍त।

प्रेरित 7:26 ပူးပေါင်းရင်းမြစ်များ

उत्पत्ती 13:8

मिनु अब्राममी लोत कली “गो पोबु नस। जिचा मदुम्‍ब। इ गोठलापुकी नु आं गोठलापुकी यो जिचा मदुम।

उत्पत्ती 45:24

मिनु लचा ङोंइती मेको आन कली “लांमी मजिने” दे अरेवा बाक्‍त। उत्‍पत्ती ४२:२२

भजन संग्रह 133:1

लोक्‍बपुकी गारशा बाक्‍चा शुश रिम्‍शो बाक्‍ब। उत्‍पत्ती १३:८

हितोपदेस 18:19

थुं खाइक्‍पाइश्‍शो लोक्‍ब कली लेम्‍चा गारो हिरशो सहर ग्राचा क्‍येङा श्‍येत बाक्‍ब। मुर आन जितीक खेतीके बोल्‍यो खिं ङा आग्‍लो खोदेंशो बाक्‍ब।

मत्ती 14:22

मिनु येसुमी शेंसीब आन कली “आं ङोंइती लने, गो मुर आन कली सोइश्‍शा पीनुङ” दे डोंगामी ङोइक्‍पा सोइक्‍ताक्‍मी।

प्रेरित 7:25

मोसामी ‘परमप्रभुमी आं कली आं लोक्‍ब आन कली श्‍येत रे प्रोंइब सेल्‍ती’ आं लोक्‍बपुकीमी एको आंइ कली श्‍येत रे प्रोंइब बाक्‍माक्‍त, दे रुप्‍शा, आं कली ब्राइनीम, दे मिम्‍शो बाक्‍माक्‍त। आ लोक्‍बपुकीमी चहिं मेको काइ मरुप्‍शो बाक्‍मा बाक्‍त।

फिलिप्‍पी 2:1

ख्रीस्‍त आ पर्बम इन दातेमी थुं बारपाइक्‍तीके, दाक्‍शा वारच पाइब, दे थुं नाइक्‍तीके, थमा सुइश्‍शा थुं का दुम्‍तीके, दाक्‍मुतीके नु शिशी पतीके बाक्‍तेक्‍म हना,

फिलिप्‍पी 2:3

गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०